କାହିଁକି ବଦଳିଲା ଫେସବୁକ୍ କମ୍ପାନୀର ନାଁ? ପଢନ୍ତୁ, ୟୁଜର୍ସଙ୍କ ଉପରେ କଣ ପଡିବ ପ୍ରଭାବ…
କନକ ବ୍ୟୁରୋ: ଲୋକପ୍ରିୟ ସୋସିଆଲ୍ ମିଡିଆ କମ୍ପାନୀ ଫେସବୁକ୍ ନିଜର ନାଁରେ ପରିବର୍ତ୍ତନ ଆଣିଛି । ଏଣିକି ଫେସବୁକ୍ କମ୍ପାନୀ ‘ମେଟା’ ନାମରେ ପରିଚିତ ହେବ । କମ୍ପାନୀର ସିଇଓ ମାର୍କ ଜୁକରବର୍ଗ ଗୁରୁବାର ଏହି ବଡ ଘୋଷଣା କରିଛନ୍ତି । ତେବେ ଆସନ୍ତୁ ଜାଣିବା, କାହିଁକି ନିଜର କମ୍ପାନୀର ନାଁ ପରିବର୍ତ୍ତନ କଲା ଫେସବୁକ୍? ଏବଂ ଏହାର ପ୍ରଭାବ ସାଧାରଣ ୟୁଜର୍ସଙ୍କ ଉପରେ କଣ ପଡିବ?
Kanak News is now on WhatsApp
Join and get latest news updates delivered to you via WhatsApp
ଫେସବୁକ୍ କମ୍ପାନୀ ନିଜ ନାଁ ପରିବର୍ତ୍ତନ କରିବାର ମୁଖ୍ୟ କାରଣ ହେଉଛି – କମ୍ପାନୀର ସିଇଓ ମାର୍କ ଜୁକରବର୍ଗ ଏବେ ତାଙ୍କ କମ୍ପାନୀକୁ କେବଳ ଗୋଟିଏ ସୋସିଆଲ୍ ମିଡିଆ କମ୍ପାନୀ ଭାବେ ସୀମିତ ରଖିବାକୁ ଚାହୁଁନାହାଁନ୍ତି । ଏହାଠୁ ଆଗକୁ ବଢି ତାଙ୍କ କମ୍ପାନୀ ଏବେ ମେଟାଭର୍ସ ୱାଲର୍ଡ ପ୍ରସ୍ତୁତ କରୁଛି । ଯେଉଁଥିପାଇଁ କମ୍ପାନୀ ପ୍ରାୟ ୧୦ ହଜାର ଲୋକଙ୍କୁ ମଧ୍ୟ ଚାକିରି ଦେବାକୁ ଯାଉଛି । ଏହି କର୍ମଚାରୀମାନେ ମେଟାଭର୍ସ ପ୍ରସ୍ତୁତ କରିବାକୁ କମ୍ପାନୀକୁ ସାହାଯ୍ୟ କରିବେ । ତେବେ ମେଟାଭର୍ସ ହେଉଛି ଭର୍ଚୁଆଲ୍ ରିୟାଲିଟି । ଯେଉଁଠି ଲୋକମାନେ ଡିଜିଟାଲ ଜରିଆରେ ଉପସ୍ଥିିତ ରହିବେ । ଡିଜିଟାଲ ଜରିଆରେ ପରସ୍ପରକୁ ଭେଟିପାରିବେ । ତେବେ ଏହା ପୂର୍ବରୁ ମାଇକ୍ରୋସଫ୍ଟ ଭଳି ବଡ କମ୍ପାନୀ ମଧ୍ୟ ଏହି କ୍ଷେତ୍ରରେ ଆଗକୁ ବଢିସାରିଛି । ତେଣୁ ଏବେ ଫେସବୁକର ପ୍ରତିଷ୍ଠାତା ମାର୍କ ଜୁକରବର୍ଗ ମଧ୍ୟ ଏହି କ୍ଷେତ୍ରରେ ପ୍ରବେଶ କରିଛନ୍ତି ।
Announcing @Meta — the Facebook company’s new name. Meta is helping to build the metaverse, a place where we’ll play and connect in 3D. Welcome to the next chapter of social connection. pic.twitter.com/ywSJPLsCoD
— Meta (@Meta) October 28, 2021
ମେଟାଭର୍ସ ଦୁନିଆରେ ଆଗକୁ ବଢିବା ପାଇଁ ଫେସବୁକ୍ କମ୍ପାନୀ ନିଜ ନାଁରେ ପରିବର୍ତ୍ତନ ଆଣିଛି । କମ୍ପାନୀର ଚେଷ୍ଟା ଏହା ରହିଛି ଯେ, ଏହି କମ୍ପାନୀକୁ ଲୋକମାନେ କେବଳ ଗୋଟିଏ ସୋସିଆଲ୍ ମିଡିଆ କମ୍ପାନୀ ଭାବେ ନଜାଣି ଏହାର ଅନ୍ୟ ଦିଗ ପ୍ରତି ମଧ୍ୟ ଧ୍ୟାନ ଦେବେ । ଯେଉଁଥିପାଇଁ ଜୁକରବର୍ଗ ଏହି ବଡ ଘୋଷଣା କରିଛନ୍ତି । ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, ଫେସବୁକ୍ କମ୍ପାନୀର ନାଁ ବଦଳିବା ପରେ ମଧ୍ୟ ୟୁଜର୍ସଙ୍କ ଉପରେ ଏହାର କୌଣସି ପ୍ରଭାବ ପଡିବ ନାହିଁ । ଫେସବୁକ୍ କମ୍ପାନୀର ଆପ୍ ବ୍ୟବହାର କରୁଥିବା ୟୁଜର୍ସମାନେ ପୂର୍ବଭଳି ଏହାକୁ ବ୍ୟବହାର କରିପାରିବେ । ଫେସବୁକ୍ , ଇନଷ୍ଟାଗ୍ରାମ ଓ ହ୍ୱାଟ୍ସଆପର ନାମରେ ମଧ୍ୟ କୌଣସି ପରିବର୍ତ୍ତନ ହେବନାହିଁ ।