କନକ ବ୍ୟୁରୋ: ନିକଟରେ ଅଭିନେତ୍ରୀ ତଥା ବ୍ରହ୍ମାଣ୍ଡ ସୁନ୍ଦରୀ ସୁସ୍ମିତା ସେନଙ୍କ ବ୍ରେକଅପ୍ ଖବର ଚର୍ଚ୍ଚାକୁ ଆସିଛି । ନିଜ ବନ୍ଧୁ ରେହମାନ୍ ସଲଙ୍କ ସହ ଥିବା ତାଙ୍କର ଦୀର୍ଘ ଦିନ ସମ୍ପର୍କରେ ଦୂରତା ଆସିଛି । ଏହି ଦୂରତା ଏବେ ସମ୍ପୂର୍ଣ୍ଣ ବିଚ୍ଛେଦର ରୂପ ନେଇଛି । ତେବେ ଏହି ଘଟଣା ସୋସିଆଲ ମିଡିଆରେ ଆସିବା ପରେ ସୁସ୍ମିତାଙ୍କ ପ୍ରଶଂସକଙ୍କୁ ଝଟକା ଲାଗିଥିଲା । ଏପରି କାହିଁକି ହେଲା ବୋଲି ତାଙ୍କୁ ପ୍ରଶ୍ନ କରିଥିଲେ ଅନେକ ଫ୍ୟାନ୍ । ଏହାର ଉତ୍ତର ବି ପରୋକ୍ଷରେ ଦେଇଛନ୍ତି ସୁସ୍ମିତା ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଅମେ ସେଲିବ୍ରିଟି ମାନେ ଯେଉଁ ସ୍ତରରେ ପହଞ୍ଚିଛୁ ସେହି ସ୍ତରରେ ପହଞ୍ଚିବା ପାଇଁ ମୁଖ୍ୟ ଅବଦାନ ରହିଛି ଫ୍ୟାନ ମାନଙ୍କର । ତଥାପି ପ୍ରତିଟି ସମ୍ପର୍କକୁ ସେ ନିଖୁଣ ଭାବେ ଗଢିଛନ୍ତି । ପ୍ରେମ ପ୍ରସଙ୍ଗରେ ମଧ୍ୟ ସେ ଖୁବ ସଚେତନ । ଏହାକୁ ମଜବୁତ୍ କରିବାକୁ ସେ ତାଙ୍କର ଶତ ପ୍ରତିଶତ ଚେଷ୍ଟା ଦେଇଥିଲେ । ହେଲେ ସବୁ ସମ୍ପର୍କକୁ ଅପର ପକ୍ଷେ ଯେ ଠିକ ଭାବେ ଗ୍ରହଣ କରିବା ତାହା କହିହେବ ନାହିଁ । କାରଣ ସମୟ ସ୍ରୋତରେ ବଦଳି ଯାଏ ମଣିଷର ମନ । ହେଲେ ସେ ପରିବର୍ତ୍ତନ ଅନେକ ସମୟରେ ଏପରି ଯନ୍ତ୍ରଣା ଦିଏ ଯାହା କହିବା କଷ୍ଟକର । ଏପରି ଯନ୍ତ୍ରଣାର ନିଆଁକୁ ମନ ଭିତରେ ଲୁଚାଇ ରଖି ଛଟପଟ ହେବା ଅପେକ୍ଷା ବରଂ ଏହାକୁ ଦୂରେଇ ଦେବା ଉଚିତ ବୋଲି ଭାବିଲି । ତେଣୁ ଆମ ଦୁହିଁଙ୍କ ଭିତରେ ବ୍ରେକ୍ ଅପ୍ କରିବାକୁ ନିଷ୍ପତ୍ତିି ନେଲି ବୋଲି ଏକ ଗଣ ମାଧ୍ୟମର ସାକ୍ଷାତକାରରେ କହିଛନ୍ତି ସୁସ୍ମିତା । ପ୍ରେମକୁ ଯେପରି ୧୦୦ ପ୍ରତିଶତ ଗୁରୁତ୍ୱ ଦେଇଥିଲେ ବିଚ୍ଛେଦକୁ ମଧ୍ୟ ସେପରି ୧୦୦ ପ୍ରତିଶତ ଗମ୍ଭରତାର ସହ ଗ୍ରହଣ କରିଛନ୍ତି ବୋଲି ମଧ୍ୟ କହିଛନ୍ତି ସୁସ୍ମିତା ।