କରୋନା କାୟା ୨୦ ଫୁଟ୍ ! କରୋନା ସଂକ୍ରମଣରୁ ରକ୍ଷା ପାଇଁ ଯଥେଷ୍ଟ ନୁହେଁ ୬ଫୁଟର ସମାଜିକ ଦୂରତା । କାଲିଫର୍ଣ୍ଣିଆ ବିଶ୍ୱବିଦ୍ୟାଳୟ କହିଲା, ୨୦ଫୁଟ୍ ପର୍ଯ୍ୟନ୍ତ ବାୟୁରେ କାୟା ମେଲାଇପାରେ କରୋନା କଣିକା ।
କନକ ବ୍ୟୁରୋ: କରୋନା ସଂକ୍ରମଣରୁ ରକ୍ଷା ପାଇଁ ଯଥେଷ୍ଟ ନୁହେଁ ୬ଫୁଟର ସମାଜିକ ଦୂରତା । କାଲିଫର୍ଣ୍ଣିଆ ବିଶ୍ୱବିଦ୍ୟାଳୟର ବୈଜ୍ଞାନିକଙ୍କ କହିବା ଅନୁସାୟୀ ୨୦ଫୁଟ ପର୍ଯ୍ୟନ୍ତ ବାୟୁରେ ଗତି କରିପାରିବ ଭୂତାଣୁ ବହନ କରୁଥିବା ବାୟୁ କଣିକା । ତେବେ କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ କରାଯାଇଥିବା ୬ଫୁଟର ଦୂରତା ଯଥେଷ୍ଟ ନୁହେଁ ବୋଲି କାଲିଫର୍ଣ୍ଣିଆ ବିଶ୍ୱବିଦ୍ୟାଳୟ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ କରାଯାଇଥିବା ଗବେଷଣା ଅନୁଯାୟୀ ଛିଙ୍କ ବା କାଶ ଦ୍ୱାରା ପ୍ରାୟ ୪୦ହଜାର ଡ୍ରପଲେଟ୍ସ ବା ବାୟୁ କଣିକା ସୃଷ୍ଟି ହୋଇଥାଏ । ଏବଂ ଏହି ବାୟୁ କଣିକା ବାୟୁର ୬ଫୁଟ ନୁହେଁ ବରଂ ୨୦ଫୁଟ ପର୍ଯ୍ୟନ୍ତ ଗତି କରିଥାଏ । ଏହାସହ ଭିନ୍ନ ଭିନ୍ନ ପରିବେଶରେ ଭିନ୍ନ ଭାବେ ଏହି ଡ୍ରପଲେଟ୍ସ ବା ବାୟୁ କଣିକା ଗତି କରିଥାଏ ବୋଲି ଅଧ୍ୟୟନରୁ ଜଣାପଡିଛି । ଏହାସହ ଥଣ୍ଡା ଓ ଆଦ୍ର ଜଳବାୟୁରେ ଏହା ୩ଗୁଣ ଅଧିକ ବାଟ ଗତି କରିପାରିବ ବୋଲି ମଧ୍ୟ ଅଧୃୟନରୁ ଜଣାପଡିଛି ।