ରାଜନଗରରେ କାହାର ଖୋଲିବ ଭାଗ୍ୟ? ନେତା ବାଛିବାକୁ ଲମ୍ବା ଲାଇନରେ ଭୋଟର

କନକ ବ୍ୟୁରୋ : ଓଡିଶା ରାଜନୀତିର ଏକ ଚର୍ଚ୍ଚିତ ବିଧାନସଭା ନିର୍ବାଚନ ମଣ୍ଡଳୀ ରାଜନଗର । ଯେତେବେଳେ ସାରା ରାଜ୍ୟରେ ବିଜୁ ପଟ୍ଟନାୟକଙ୍କ ଠାରୁ ମୁହଁ ଫେରାଇ ନେଇଥିଲା ସେତେବେଳେ ବିଜୁ ବାବୁଙ୍କୁ ଆପଣାଇ ନେବା ସହ ରାଜନୈତିକ ଜୀବନ୍ୟାସ ଦେଇଥିଲା ରାଜନଗର । ସେବେଠାରୁ ଓଡିଶା ରାଜନୀତିରେ ରାଜନଗର ନିର୍ବାଚନମଣ୍ଡଳୀ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିଲା । ଏଠାରୁ ବିଜୁ ବାବୁଙ୍କ ଅନୁଗତ ତଥା ରାଜନଗରର ଭୂମିପୁତ୍ର ନଳିନୀକାନ୍ତ ମହାନ୍ତି ଲଗାତାର ସାତ ଥର ବିଧାୟକ ଭାବେ ନିର୍ବାଚିତ ହୋଇ ରେର୍କଡ କରିଥିଲେ । ତେବେ ୨୦୦୯ରେ ଏହି ଆସନରେ ନଳିନୀଙ୍କୁ ହରାଇ ପୁଣିଥରେ ବିଜେଡି ବାନା ଉଡାଇଥିଲେ ଅଲେଖ । କିନ୍ତୁ ଏହି ଧାରା ୨୦୧୪ରେ ବଦଳିଥିଲା । ପୁଣିଥରେ ବାପା ନଳିନୀଙ୍କ ଆସନକୁ ଅକ୍ତିଆର କରିଥିଲେ ପୁଅ ଅଂଶୁମାନ । ଚଳିତଥର କାହାକୁ ଭରସା କରିବେ ରାଜନଗରବାସୀ ତାହା ସବୁଠୁ ବଡ ପ୍ରଶ୍ନ ପାଲଟିଛି । ପଟ୍ଟାମୁଣ୍ଡାଇ ମ୍ୟୁନିସିପାଲଟି, ରାଜନଗର ବ୍ଳକ୍ ଏବଂ ପଟ୍ଟାମୁଣ୍ଡାଇ ବ୍ଳକର ୧୮ଟି ପଂଚାୟତକୁ ନେଇ ଗଠିତ ଏହି ବିଧାନସଭା ଆସନ । ୧୯୫୧ରେ ଏହି ବିଧାନସଭା ଗଠିତ ହୋଇଥିଲା ।

୨୦୧୯ର ଲଢେଇ
ବିଜେଡି: ଧ୍ରୁବଚରଣ ସାହୁ
କଂଗ୍ରେସ: ଅଂଶୁମାନ ମହାନ୍ତି
ବିଜେପି: ଅଲେଖ ଜେନା

ବିଜେଡି: ଧ୍ରୁବଚରଣ ସାହୁ
– ୨୦୧୪ରେ ପରାଜିତ ( ୫ହଜାର ୪୨୯ ଭୋଟ୍)
– ଜିଲ୍ଲା ବିଜେଡି ସଭାପତି
– ନେତୃତ୍ୱରେ ପଂଚାୟତ ନିର୍ବାଚନରେ ଭଲ ପ୍ରଦର୍ଶନ

କଂଗ୍ରେସ: ଅଂଶୁମାନ ମହାନ୍ତି
– ୨୦୧୪ ବିଧାୟକ
– ଯୁବ ନେତା ତଥା ସଂଗଠକ
– ୭ଥର ବିଧାୟକ ନଳୀନି ମହାନ୍ତିଙ୍କ ପୁଅ

ବିଜେପି : ଅଲେଖ ଜେନା
– ୨୦୦୯ରେ ବିଧାୟକ ( ବିଜେଡି )
– ୨୦୧୪ରେ ଟିକେଟ୍ ମିଳିନଥିଲା
– ୨୦୧୮ରେ ବିଜେପିରେ ସାମିଲ

୨୦୧୪ର ଲଢେଇ
– ମୈଦାନରେ ଥିଲେ ମୋଟ ୫ ପ୍ରାର୍ଥୀ
– ମୋଟ ଭୋଟର ସଂଖ୍ୟା – ୨ ଲକ୍ଷ ୨୦ ହଜାର ୧୫୬
– ମତ ଦେଇଥିଲେ – ୧ ଲକ୍ଷ ୫୬ ହଜାର ୭୪୭
– ଭୋଟଦାନ ହାର – ୭୧.୨୦%

୨୦୧୪ର ଫଳାଫଳ
ପ୍ରାର୍ଥୀ                           ଦଳ            ଭୋଟ            ପ୍ରତିଶତ       ଫଳାଫଳ
ଧ୍ରୁବ ଚରଣ ସାହୁ        ବିଜେଡି       ୭୧,୩୭୭         ୪୫.୫୪%      ପରାସ୍ତ
ଅଂଶୁମାନ ମହାନ୍ତି         କଂଗ୍ରେସ      ୭୬,୮୦୬         ୪୯.୦୦%       ବିଜୟୀ
ଜ୍ଞାନଦେବ ବେଉରା      ବିଜେପି       ୬,୬୩୨            ୪.୨୩%        ପରାସ୍ତ

କିଏ ମାରିଥିଲା ବାଜି?
– କଂଗ୍ରେସର ଅଂଶୁମାନ ମହାନ୍ତି ନିର୍ବାଚନ ଜିତିଥିଲେ
– ୭୬ ହଜାର ୮୦୬ ଖଣ୍ଡ ଭୋଟ ପାଇଥିଲେ କଂଗ୍ରେସ ପ୍ରାର୍ଥୀ
– ବିଜେଡ଼ି ପ୍ରାର୍ଥୀ ଧ୍ରୁବ ଚରଣ ସାହୁଙ୍କୁ ପରାସ୍ତ କରିଥିଲେ
– ୫ ହଜାର ୪୨୯ ଭୋଟ୍ ବ୍ୟବଧାନରେ ବିଜୟୀ ହୋଇଥିଲେ
– ୩ ଜଣ ପ୍ରାର୍ଥୀ ଅମାନତ୍ ହରାଇଥିଲେ