ଆଇପିଏଲରେ ଆଜି ରହିଛି ଦୁଇଟି ଦମଦାର ମୁକାବିଲା ! ଚେନ୍ନାଇ-ହାଇଦ୍ରାବାଦ, ମୁମ୍ବାଇ-ରାଜସ୍ଥାନ ମଧ୍ୟରେ ହେବ କଡା ଟକ୍କର ।
ଚଳିତ ଆଇପିଏଲର ଶେଷ ଆଡକୁ ସମସ୍ତ ଦଳ ଜବରଦସ୍ତ ପ୍ରଦର୍ଶନ କରୁଛନ୍ତି । ଚେବେ ଆଇପିଏଲରେ ଆଜି ଦେଖିବାକୁ ମିଳିବ ଦୁଇ ଦୁଇଟି ହାଇ ଭୋଲ୍ଟେଜ ମ୍ୟାଚ । ମହାରାଷ୍ଟ୍ର କ୍ରିକେଟ ଷ୍ଟାଡିୟମ, ପୁନେ ଠାରେ ଅପରାହ୍ନ ୪ଟାରେ ଚେନ୍ନାଇ ସୁପରକିଙ୍ଗସ ଏବଂ ସନ ରାଇଜର୍ସ ହାଇଦ୍ରାବାଦ ମଧ୍ୟରେ ଆଜିର ପ୍ରଥମ ମୁକାବିଲା ଅନୁଷ୍ଠିତ ହେବ । ସେହିପରି ରାତି ୮ଟା ସମୟରେ ୱାଙ୍ଖଡେ ଷ୍ଟାଡିୟମରେ ମୁମ୍ବାଇ ଇଣ୍ଡିଆନ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ କର ବା ମର ମୁକାବିଲା ଦେଖିବାକୁ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ପ୍ଲେ ଅଫରେ ନିଜ ସ୍ଥାନ ପକ୍କା କରିସାରିଥିବା ହାଇଦ୍ରାବାଦ ଜବରଦସ୍ତ ଫର୍ମରେ ଥିବା ବେଳେ ସେପଟେ ଆଜିର ମ୍ୟାଚ ଜିତି ଚେନ୍ନାଇ ପ୍ଲେ ଅଫରେ ନିଜ ସ୍ଥାନ ପକ୍କା କରିବା ଲକ୍ଷ୍ୟରେ ରହିଛି । ଚଳିତ ଆଇପିଏଲରେ ଏହି ଦୁଇ ଦଳ ସବୁଠାରୁ ଶକ୍ତିଶାଳୀ ହୋଇଥିବାରୁ ଆଜି ଏକ ରୋମାଞ୍ଚକର ମ୍ୟାଚ ଦେଖିବାକୁ ମିଳିବ । ୧୧ଟି ମ୍ୟାଚରୁ ହାଇଦ୍ରାବାଦ ୯ଟି ମ୍ୟାଚ ଜିତି ପଏଣ୍ଟ ଟେବୁଲର ଶୀର୍ଷରେ ରହିଥିବା ବେଳେ ଚେନ୍ନାଇ ୭ଟି ମ୍ୟାଚ ଜିତି ଦ୍ୱିତୀୟ ସ୍ଥାନରେ ରହିଛି ।
ସେହିପରି ୱାଙ୍ଖଡେ ଷ୍ଟାଡିୟମରେ ଆଜି ଖେଳାଯିବ କର ବା ମର ମୁକାବିଲା । ପ୍ଲେ ଅଫ ଖେଳିବା ପାଇଁ ଆଜିର ମ୍ୟାଚ ଉଭୟ ମୁମ୍ବାଇ ଇଣ୍ଡିଆନ୍ସ ଏବଂ ରାଜସ୍ଥାନ ରୟାଲ୍ସ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ । ଗତ ମ୍ୟାଚ ଗୁଡିକରେ ଉଭୟ ଦଳ ଭଲ ପ୍ରଦର୍ଶନ କରୁଥିବାରୁ ଆଜିର ଲଢେଇ ବେଶ ରୋମାଞ୍ଚକର ରହିବ । ଉଭୟ ଦଳ ୧୧ଟି ମ୍ୟାଚରୁ ୫ଟି ବିଜୟ ଓ ୬ଟିରେ ପରାଜୟ ହୋଇଥିବା ବେଳେ ମୁମ୍ବାଇର ନେଟ ରନ ରେଟ୍ ଅଧିକ ଥିବାରୁ ପଏଣ୍ଟ ତାଲିକାରେ ମୁମ୍ବାଇ ରାଜସ୍ଥାନ ଠାରୁ ଉପରେ ରହିଛି ।