କନକ ବ୍ୟୁରୋ: ଆଇପିଏଲ ୨୦୨୨ ଏବେ ଶେଷ ପର୍ଯ୍ୟାୟରେ ପହଞ୍ଚି ସାରିଲାଣି । ମେ ୨୪ରେ ପ୍ରଥମ କ୍ୱାଲିଫାୟାର ମ୍ୟାଚ ଖେଳାଯିବାକୁ ଥିବା ବେଳେ ମେ ୨୯ରେ ଫାଇନାଲ ମ୍ୟାଚ ଖେଳାଯିବ । ଆଗାମୀ ୪ଟି ମ୍ୟାଚ କୋଲକାତା ଓ ଅହମ୍ମଦାବାଦରେ ଖେଳାଯିବ । ତେବେ ପ୍ଲେ ଅଫ ମ୍ୟାଚ ସମୟରେ ଯଦି ବର୍ଷା ହୁଏ କିମ୍ବା ଅନ୍ୟ କୌଣସି କାରଣରୁ ଖେଳ ନହୁଏ ତେବେ ଏହାର ଫଳାଫଳ କିପରି ବାହାରିବ, ଆସନ୍ତୁ ଜାଣିବା ଏହାକୁ ନେଇ କଣ ରହିଛି ନିୟମ ।
Kanak News is now on WhatsApp
Join and get latest news updates delivered to you via WhatsApp
ଆଇପିଏଲ ତରଫରୁ କୁହାଯାଇଛି ଯେ ଯଦି ପ୍ଲେ ଅଫ ମ୍ୟାଚ ବେଳେ ଏଭଳି ସ୍ଥିତି ଉପୁଜେ ତେବେ ସୁପର ଓଭର ସାହାଯ୍ୟରେ ବିଜେତା ଚୟନ କରାଯିବ । ଏହି ନିୟମ କେବଳ ପ୍ଲେଅଫର କ୍ୱାଲିଫାୟାର-୧, ଏଲୁମିନେଟର ଓ କ୍ୱାଲିଫାୟାର-୨ ପାଇଁ ଲାଗୁ ହେବ । କାରଣ ଏହି ମ୍ୟାଚ ଗୁଡିକ ପାଇଁ କୌଣସି ରିଜର୍ଭ ଡେ ରହିବ ନାହିଁ । ଯଦି ସୁପର ଓଭର ଖେଳିବା ସ୍ଥିତିରେ ନଥିବ ତେବେ ପଏଣ୍ଟ ଟେବୁଲରେ ପୋଜିସନ ହିସାବରେ ଫାଇନାଲିଷ୍ଟ ଚୟନ କରାଯିବ ।
ଚଳିତ ଆଇପିଏଲର ଫାଇନାଲ ମ୍ୟାଚ ମେ ୨୯ରେ ହାଇଦ୍ରାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ । ଏହି ମ୍ୟାଚ ପାଇଁ ରିଜର୍ଭ ଡେ ରହିଛି । ଯଦି ଏହି ଦିନ ମ୍ୟାଚ ନହୋଇପାରିଲା ତେବେ ମେ ୩୦ ତାରିଖରେ ମ୍ୟାଚ ଖେଳାଯିବ । ଫାଇନାଲ ମ୍ୟାଚ ପାଇଁ ସମୟ ପୂର୍ବରୁ ୭.୩୦ରୁ ୮କୁ ପରିବର୍ତ୍ତନ କରାଯାଇଛି ।
ପ୍ଲେ ଅଫକୁ ଯାଇଥିବା ଟିମର ସ୍ଥିତି
ଗୁଜୁରାଟ – ୨୦ ପଏଣ୍ଟ – ୦.୩୧୬ ନେଟ ରନରେଟ
ରାଜସ୍ଥାନ – ୧୮ ପଏଣ୍ଟ – ୦.୨୯୮ ନେଟ ରନରେଟ
ଲକ୍ଷ୍ନୌ – ୧୮ ପଏଣ୍ଟ – ୦.୨୫୧ ନେଟ ରନରେଟ
ବାଙ୍ଗାଲୋର – ୧୬ ପଏଣ୍ଟ – ୦.୨୫୩ ନେଟ ରନରେଟ