ପିପିଲିରେ କାହାକୁ ମିଳିବ ବିଜେଡି ଟିକେଟ । ଦଳୀୟ ଶିବିରରେ ଜାରି ରହିଛି କସରତ
କନକ ବ୍ୟୁରୋ: ପିପିଲିରେ କାହାକୁ ମିଳିବ ବିଜେଡି ଟିକେଟ । ଏ ନେଇ ଦଳୀୟ ଶିବିରରେ କସରତ ଜାରି ରହିଛି । ତେବେ ଟିକେଟ ପାଇଁ ମହାରଥୀ ପରିବାରର ମା ଓ ପୁଅଙ୍କୁ ନେଇ ଚର୍ଚ୍ଚା ଜାରି ରହିଥିବାବେଳେ ବିଜେଡି କର୍ମୀ ଦୁଇଭାଗ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପିପିଲି ଉପନିର୍ବାଚନ ପାଇଁ ଏବେ ମା ଓ ପୁଅଙ୍କ ନାଁକୁ ନେଇ ଚର୍ଚ୍ଚା । ପ୍ରଦୀପ ମହାରଥୀଙ୍କ ପରଲୋକ ପରେ ଏଠାରେ ଆଉ କିଛି ଦିନ ପରେ ଉପନିର୍ବାଚନ ହେବ । ଏଥିପାଇଁ ଜୋର ଧରିଲାଣି ରାଜନୀତି ପାଣିପାଗ । ତେବେ ପିପିଲିରେ କାହାକୁ ବିଜେଡି ଟିକେଟ ମିଳିବ ତାହା ସ୍ପଷ୍ଟ ହୋଇନଥିବାବେଳେ ମା ପ୍ରତିଭା ମହାରଥୀ ଓ ପୁଅ ରୁଦ୍ର ମହାରଥୀଙ୍କ ପାଇଁ ବିଜେଡି କର୍ମୀ ଦୁଇଭାଗ ହୋଇଛନ୍ତି । ପିପିଲିର କିଛି ସ୍ଥାନୀୟ ନେତା ତଥା ପିପିଲର ବ୍ଲକ ଚେୟାରମ୍ୟାନ ପ୍ରଦୀପ ମହାରଥୀଙ୍କ ପତ୍ନୀଙ୍କୁ ଟିକେଟ ଦେଲେ ଭଲ ହେବ ବୋଲି ଖୋଲାଖୋଲି କହିଛନ୍ତି । ପିପିଲି ପାଇଁ ଦଳୀୟ ପର୍ଯ୍ୟବେକ୍ଷକ ପ୍ରତାପ ଦେବ ପ୍ରାର୍ଥୀ କିଏ ହେବ ସେ ନେଇ ଦଳୀୟ ନେତାଙ୍କ ସହ ୱାନ ଟୁ ୱାନ କରିଛନ୍ତି ।
ସେପଟେ ଡେଲାଙ୍ଗର କିଛି ବ୍ଲକ ସ୍ତରୀୟ ନେତା ପ୍ରଦୀପ ମହାରଥୀଙ୍କ ପୁଅ ରୁଦ୍ର ମହାରଥୀଙ୍କ ସପକ୍ଷରେ ବାଢିଛନ୍ତି ଯୁକ୍ତି । ସେମାନଙ୍କ ଯୁକ୍ତି ହେଲା, ରୁଦ୍ରଙ୍କୁ ଟିକେଟ ଦିଆଗଲେ ଯୁବପିଢୀଙ୍କ ଉତ୍ସାହ ବଢିବ । ପିପିଲି ଉପନିର୍ବାଚନ ପାଇଁ ତାରିଖ ଘୋଷଣାକୁ ଆଉ ଅଳ୍ପଦିନ ବାକି । ଏଥିପାଇଁ ବିଜେଡି ଶିବିରରେ ହଲଚଲ ବଢିଛି । କିନ୍ତୁ ବିଜେଡି କର୍ମୀ ଏବେ ଅପେକ୍ଷା କରିଛନ୍ତି କାହାକୁ ମିଳିବ ଦଳୀୟ ଟିକେଟ ଓ କିଏ ହେବ ସେମାନଙ୍କ ନେତା । ମହାରଥୀଙ୍କ ପରିବାରରୁ କାହାକୁ ବାଛିବେ ନା ସସପେନ୍ସ ରଖି ବାଲେଶ୍ୱର ଭଳି ସରପ୍ରାଇଜ ଦେବେ ବିଜେଡି ସୁପ୍ରିମୋ. ତାଉପରେ ରହିଛି ସମସ୍ତଙ୍କ ନଜର ।