ରୋଚକ ମୋଡରେ ଆମେରିକା ରାଷ୍ଟ୍ରପତି ଭୋଟ ଗଣତି । ପରାଜୟ ସ୍ୱିକାର କରିବାକୁ ଟ୍ରମ୍ପ୍ ନାରାଜ । ହ୍ୱାଇଟ୍ ହାଉସ୍ ଦଖଲ କରିବାକୁ ବାଇଡେନ ପ୍ରସ୍ତୁତ
କନକ ବ୍ୟୁରୋ : ରୋମାଞ୍ଚକର ସ୍ଥ୍ିତିରେ ଆମେରିକା ରାଷ୍ଟ୍ରପତି ନିର୍ବାଚନର ଭୋଟ ଗଣତି । ଏବେଯାଏଁ ଆମେରିକାର ୫୦ ଟି ରାଜ୍ୟରୁ ୪୩ ଟି ରାଜ୍ୟର ଭୋଟ ଫଳା ଫଳ ଆସି ସାରିଛି । ଏହି ଫଳା ଫଳ ମୁତାବକ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କୁ ପଛରେ ପକାଇଛନ୍ତି ଜୋ-ବାଇଡେନ । ଇଲେକ୍ଟ୍ରୋରାଲ ଭୋଟ ଗଣତି ପରେ ବାଇଡେନଙ୍କୁ ୨୬୪ ଟି ଭୋଟ ମିଳିଥିବା ବେଳେ ଟ୍ରମ୍ପ୍ଙ୍କୁ ୨୧୪ ଟି ଭୋଟ୍ ମିଳିଛି । ହେଲେ ଜିତିବା ପାଇଁ ୨୭୦ ଟି ଇଲେକ୍ଟ୍ରୋରାଲ ଭୋଟର ଆବଶ୍ୟକତା ଥିବା ବେଳେ ଏହି ମ୍ୟାଜିକ୍ ନମ୍ବର କେହି ଛୁଇଁ ପାରି ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ବାଇଡନ କ୍ଷମତା ହାସଲ ପାଇଁ ମ୍ୟାଜିକ୍ ନମ୍ବର ଆଡକୁ ମୁହାଁଉଥିବା ବେଳେ ଟ୍ରମ୍ପ୍ କିନ୍ତୁ ଏହି ପରାଜୟକୁ ସ୍ୱିକାର କରିବାକୁ ପ୍ରସ୍ତୁତ ନୁହନ୍ତି । ଅସାଧୁ ଉପାୟରେ ବାଇଡେନ ଭୋଟ ଫଳା ଫଳ ପରିବର୍ତ୍ତନ କରିଥିବା ଅଭିଯୋଗ ଆଣି ଟ୍ରମ୍ପ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ଅନ୍ୟପଟେ ପେନସିଲଭେନିଆ ର ମୋଟ ୨୦ ଟି ଭୋଟ, ନର୍ଥକେଶୋଲିନା ୧୫ ଭୋଟ,ଜର୍ଜିଆ ୧୬ ଭୋଟ ଓ ଅଲାସ୍କାର ୩ ଟି ଭୋଟ ଆଗରେ ରହିଛନ୍ତି ଟ୍ରମ୍ପ । ଏସବୁକୁ ମିଶାଇ ଟ୍ରମ୍ପଙ୍କୁ ଆବଶ୍ୟକ ଥିବା ୫୬ ଟି ଭୋଟରୁ ୫୪ ଟି ଭୋଟ ଟ୍ରମ୍ପଙ୍କ ସପକ୍ଷରେ ଯାଉଛି । ହେଲେ ନେବାଦାର ୬ ଟି ଭୋଟ ବାଇଡେନଙ୍କ ସପକ୍ଷରେ ଗଲା ପରେ ବାଇଡେନଙ୍କୁ ଆବଶ୍ୟକ ଥିବା ୬ ଟି ଭୋଟ ପୁରଣ ହେଉଛି । ଫଳରେ ବାଇଡେନଙ୍କ ବିଜୟ ଏକ ପ୍ରକାର ନିଶ୍ଚିନ୍ତ ହୋଇଛି । ସେପଟେ ଟ୍ରମ୍ପଙ୍କ ପରାଜୟ ରାସ୍ତା ସମୟାନୁକ୍ରମେ ପରିସ୍କାର ହେଉଥିବା ବେଳେ ହ୍ୱାଇଟ୍ ହାଉସ ସମ୍ମୁଖରେ ବାଇଡେନ ଓ ଟ୍ରମ୍ପଙ୍କ ସମର୍ଥକ ମାନଙ୍କ ମଧ୍ୟରେ ଗଣ୍ଡଗୋଳ ଆରମ୍ଭ ହୋଇଛି । ଏହି ଗଣ୍ଡଗୋଳ ଏବେ ହ୍ୱାଇଟ୍ ହାଉସ ବ୍ୟତିତ ବିଭିନ୍ନ ରାଜ୍ୟରେ ଦେଖିବାକୁ ମଳିଲାଣି ।