କନକ ବ୍ୟୁରୋ: ରାଜ୍ୟର ସବୁଠାରୁ ସମ୍ଭାନ୍ତ କ୍ଲବ ଭୁବନେଶ୍ୱରରେ କ୍ଲବରେ ଶନିବାର ପଡିବ ଭୋଟ । ଗୋଟିଏ ପଟେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ ତଥା ମୁଖ୍ୟମନ୍ତ୍ରୀଙ୍କ ପ୍ରମୁଖ ପରାମର୍ଶଦାତା ଅସିତ ତ୍ରିପାଠୀ ଓ ତାଙ୍କ ଟିମ୍ ଲଢୁଥିବାବେଳେ ତାଙ୍କ ବିପକ୍ଷରେ ଅଛନ୍ତି ପୂର୍ବତନ ଆଇଏଏସ ସତ୍ୟପ୍ରକାଶ ନନ୍ଦ ଓ ତାଙ୍କ ଟିମ୍ । ୨୦୨୧ରେ ପ୍ରଥମ ଥର ପାଇଁ ଅସିତ ତ୍ରିପାଠୀ ଭୁବନେଶ୍ୱର କ୍ଲବର ସଭାପତି ଦାୟିତ୍ୱ ନେଇଥିଲେ । ରାଜ୍ୟ ଶାସନରେ ତାଙ୍କର ଭଲ ଦବଦବା ରହିଛି ଆଉ ଏହି ଏକବର୍ଷର ବିକାଶକୁ ନେଇ ନିର୍ବାଚନକୁ ଓହ୍ଲାଇଛି ଅସିତ ତ୍ରିପାଠୀ ଟିମ୍ । ଏଥର କିଛି ନୂଆ କରିବାର ଇଛା ପ୍ରକାଶ କରିଛି ଏହି ଟିମ ୍ା
Kanak News is now on WhatsApp
Join and get latest news updates delivered to you via WhatsApp
ଆଇଏଏସ ଅଫିସର ଅସିତ ତ୍ରିପାଠୀ । ରାଜ୍ୟ ପ୍ରଶାସନର ସବୁଠାରୁ ବଡ ପଦବୀରୁ ଅବସର ନେବା ପରେ ମଧ୍ୟ ରାଜ୍ୟ ସରକାର ତାଙ୍କ ଉପରେ ଭରସା କରିଛନ୍ତି । ଆଉ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ ତଥା ମୁଖ୍ୟମନ୍ତ୍ରୀଙ୍କ ପ୍ରମୁଖ ପରାମର୍ଶଦାତା ଭାବରେ ଦାୟିତ୍ୱ ତୁଲାଉଛନ୍ତି । ଗତବର୍ଷ ରାଜଧାନୀର ସବୁଠାରୁ ଦାମୀ ଭୁବନେଶ୍ୱର କ୍ଲବର ସଭାପତି ଦାୟିତ୍ୱ ନେବା ପରେ ଏଥର ମଧ୍ୟ ସଭାପତି ପଦ ପାଇଁ ମୈଦାନକୁ ଓହ୍ଲାଇଛନ୍ତି । ଆଉ ଦାବି କରିଚନ୍ତି ତାଙ୍କ ସଭାପତିତ୍ୱରେ
-ଭୁବନେଶ୍ୱର କ୍ଲବର ବିକାଶ ଆଗକୁ ବଢିଛି
-ଅଭ୍ୟର୍ଥନା କକ୍ଷ ଓ ପାର୍କିଂ ବ୍ୟବସ୍ଥାର ଉନ୍ନତି ହୋଇଛି
-ପାର୍ଟି ହଲ ସଂଖ୍ୟା ବଢିଛି
କ୍ଲବକୁ ବିଶ୍ୱସ୍ତରୀୟ କରିବାକୁ ପ୍ରତିଶ୍ରୃତି
ଅସିତ ତ୍ରିପାଠୀଙ୍କ ଗୋଷ୍ଠୀକୁ କଡା ଟକ୍କର ଦେଉଛନ୍ତି ସତ୍ୟପ୍ରକାଶ ନନ୍ଦ ଓ ଟିମ୍ । ପ୍ରଚାରରେ ଏମାନଙ୍କ ମୁଖ୍ୟ ନାରା ହୋଇଛି ସମନ୍ତଙ୍କୁ ସମାନ ଦୃଷ୍ଟିରେ ଦେଖିବା । କ୍ଲବକୁ ବଞ୍ଚାଅ ନାରା ଦେଇଛି ଏବି ଟିମ । ଏହାଛଡା ବିଶୃଙ୍ଖଳା ରୋକି ଠିକ ସେବା ଦେବାକୁ ପ୍ରତିଶ୍ରୃତି ଦେଇଛି ଏହି ଟିମ୍ । ଏଥର ଭଲ ପ୍ରତିଦ୍ୱନ୍ଦିତା ହେବ ବୋଲି ଏହି ଟିମ୍ ଆଶା କରିଛି ।
ଭୁବନେଶ୍ୱର କ୍ଲବରେ ଏଥର ପାଖାପଖା ୧୯୫୯ ସଦସ୍ୟ ଭୋଟଦେବେ । ଏମାନଙ୍କ ମଧ୍ୟରୁ ସଦସ୍ୟ ସଂଖ୍ୟା ୧୮୭୭ ଥିବାବେଳେ କର୍ପୋରେଟ ସଦସ୍ୟଙ୍କ ସଂଖ୍ୟା ହେଉଛି ୭୦ । ତେବେ ଶନିବାରର ନିର୍ବାଚନରେ ପାଖାପଖି ୧୨ଶହ ସଦସ୍ୟ ଭୋଟ ଦେବେ ବୋଲି ଆଶା କରାଯାଉଛି । ଫଳାଫଳ ଆସିବ ୨୫ ତାରିଖରେ । ତେଣୁ ରାଜ୍ୟସବୁଠାରୁ ଦାମୀ କ୍ଲବର ସଭାପତି କିଏ ହେଉଛି ତାକୁ ନେଇ ଅଫିସରଙ୍କ ମଧ୍ୟରେ ଉତ୍ସୁକତା ପ୍ରକାଶ ପାଇଛି ।