କନକ ବ୍ୟୁରୋ: ଭାରତୀୟ ଜନତା ପାର୍ଟି ଓଡିଶାବାସୀଙ୍କ ବିଶ୍ୱାସ ହାତେଇଛି । ଜନାଦେଶ ଆସିବା ପରେ ଏହା ସ୍ପଷ୍ଟ ହୋଇଛି ଯେ, ଏଥର ଓଡିଶାରେ ସରକାର ଗଢିବ ବିଜେପି । ତେବେ ପ୍ରଥମ ଥର ପାଇଁ ଭାରତୀୟ ଜନତା ପାର୍ଟି ଓଡିଶାରେ ସରକାର ଗଢିବ । ସରକାର ଗଢିବା ପାଇଁ ମ୍ୟାଜିକ୍ ନମ୍ବର ୭୪ ଥିବାବେଳେ ବିଜେପି ହାତକୁ ଆସିଛି ୭୮ଟି ଆସନ । ଲୋକସଭାରେ ବି ରେକର୍ଡ ବିଜୟ ହାତେଇଛି ବିଜେପି । ଏହି ବିଜୟ ଭିତରେ ଏବେ ସବୁଠୁ ବଡ ପ୍ରଶ୍ନ, ବିଜେପି ସରକାରରେ କିଏ ହେବ ମୁଖ୍ୟମନ୍ତ୍ରୀ?
ବିଜେପି ରଣନୀତି ଅନୁସାରେ ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ଚେହେରା କାହାକୁ ସ୍ଥିର କରାଯାଇ ନଥିଲା । କିନ୍ତୁ ଜୁନ୍ ୧୦ ତାରିଖରେ ଭୁବନେଶ୍ୱରରେ ବିଜେପି ନେତା ମୁଖ୍ୟମନ୍ତ୍ରୀ ଭାବେ ଶପଥ ନେବେ ବୋଲି କହିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଆଉ ଏବେ ସବୁଠୁ ବଡ ପ୍ରଶ୍ନ ୧୦ ତାରିଖରେ କିଏ ନେବେ ମୁଖ୍ୟମନ୍ତ୍ରୀ ଭାବେ ଶପଥ, ତାହା ଉପରେ ସଭିଁଙ୍କ ନଜର ।
ଧର୍ମେନ୍ଦ୍ର ପ୍ରଧାନ
- ମୋଦୀ ସରକାରର ଅନ୍ୟତମ ପ୍ରମୁଖ ନେତା
- ସମ୍ବଲପୁର ଲୋକସଭାରୁ ବିଜୟୀ ହୋଇଛନ୍ତି
- କେନ୍ଦ୍ରରେ ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମତା. ପେଟ୍ରୋଲିୟମ ମନ୍ତ୍ରୀ ରହିଛନ୍ତି
- ଦଳର ସଭାପତି ଏବଂ ଶୀର୍ଷ ନେତୃତ୍ୱଙ୍କ ପସନ୍ଦର ନେତା
ଗିରିଶ ମୁର୍ମୁ
- ମୁଖ୍ୟମନ୍ତ୍ରୀ ତାଲିକାରେ ସରପ୍ରାଇଜ୍ କାର୍ଡ ହୋଇପାରନ୍ତି ଗିରିଶ ଚନ୍ଦ୍ର ମୁର୍ମୁ
- ଆଦିବାସୀ ଚେହେରା ଥିବାରୁ ମିଳିପାରେ ସୁଯୋଗ
- ଭାରତ ସରକାରଙ୍କ କମ୍ପଟ୍ରୋଲର ଆଣ୍ଡ ଅଡିଟର ଜେନେରାଲ ଗିରିଶ ମୁର୍ମୁ
- ଗତ ବର୍ଷ ନ୍ୟୁୟର୍କରେ ଜାତିସଂଘ ଆଭ୍ୟନ୍ତରୀଣ ସମୀକ୍ଷକ ସମିତିରେ ଅଧ୍ୟକ୍ଷ ରହିଥିଲେ ଶ୍ରୀ ମୁର୍ମୁ
- ଗୁଜରାଟରେ ନରେନ୍ଦ୍ର ମୋଦୀ ମୁଖ୍ୟମନ୍ତ୍ରୀ ଥିବା ସମୟରେ ପ୍ରମୁଖ ସଚିବ ଥିଲେ
- ଜମ୍ମୁ-କାଶ୍ମୀରର ପ୍ରଥମ ଉପ-ରାଜ୍ୟପାଳ ଭାବେ ମିଳିଛି ଦାୟିତ୍ୱ
- ମୟୁରଭଞ୍ଜ ଜିଲ୍ଲା, ବେତନଟି ମୂଳ ବାସିନ୍ଦା ଶ୍ରୀ ମୁର୍ମୁ
- ଗିରିଶଙ୍କୁ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ଦିଆଯାଇପାରେ ବୋଲି ଚର୍ଚ୍ଚା
ଲକ୍ଷ୍ମଣ ବାଗ
- ବିଜେପି ମୁଖ୍ୟମନ୍ତ୍ରୀ ରେସରେ ରହିଛନ୍ତି ଲକ୍ଷ୍ମଣ ବାଗ୍
- ନବୀନ ପଟ୍ଟନାୟକଙ୍କୁ ହରାଇ ଇତିହାସ ରଚିଛନ୍ତି ଲକ୍ଷ୍ମଣ
- କଣ୍ଟାବାଞ୍ଜି ଆସନରୁ ହାରିଛନ୍ତି ନବୀନ ପଟ୍ଟନାୟକ
- ମୁଖ୍ୟମନ୍ତ୍ରୀଙ୍କୁ ୧୬,୩୨୧ ଭୋଟ୍ରେ ହରାଇଛନ୍ତି ଲକ୍ଷ୍ମଣ
- କଣ୍ଟାବାଞ୍ଜିର ଦାଦନ ସମସ୍ୟାକୁ ପ୍ରମୁଖ ପ୍ରସଙ୍ଗ କରିଥିଲା ବିଜେପି
ପ୍ରତାପ ଷଡ଼ଙ୍ଗୀ
- ବାଲେଶ୍ୱରରେ ପୁଣି ବାଜି ମାରିଲେ ପ୍ରତାପ ଷଡ଼ଙ୍ଗୀ
- ଲଗାତାର ଦ୍ୱିତୀୟ ଥର ପାଇଁ ବାଲେଶ୍ୱର ସାଂସଦ ଭାବେ ମାରିଲେ ବାଜି
- ୨୦୧୯ରେ ମୋଦୀ ସରକାରରେ ମନ୍ତ୍ରୀ ଥିଲେ ପ୍ରତାପ ଷଡ଼ଙ୍ଗୀ
- ନିରାଡମ୍ବର ଜୀବନଶୈଳୀକୁ ନେଇ ସବୁବେଳେ ଚର୍ଚ୍ଚାରେ ରହିଛନ୍ତି ପ୍ରତାପ ଷଡ଼ଙ୍ଗୀ
- ସଂଘ ପରିବାର ସହିତ ପ୍ରତାପଙ୍କର ରହିଛି ଲିଙ୍କ୍
ବୈଜୟନ୍ତ ପଣ୍ଡା
- ଓଡିଶା ବିଜେପିର ପ୍ରଭାବଶାଳୀ ନେତା ବୈଜୟନ୍ତ ପଣ୍ଡା
- କେନ୍ଦ୍ରାପଡା ସଂସଦୀୟ କ୍ଷେତ୍ରରୁ ହୋଇଛନ୍ତି ବିଜୟୀ
- ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ଓ ମୁଖପାତ୍ର ଦାୟିତ୍ୱରେ ଅଛନ୍ତି
- ଉତ୍ତର ପ୍ରଦେଶର ନିର୍ବାଚନ ପ୍ରଭାରୀ ଦାୟିତ୍ୱ ବି ତୁଲାଇଛନ୍ତି
ସୁରଜ ସୂର୍ଯ୍ୟବଂଶୀ
- ବିଜେପିର ଉଦୟମାନ ତାରକା ସୁରଜ ସୂର୍ଯ୍ୟବଂଶୀ
- ଯୁବ ନେତା ହେବ ସହ ଭଲ ବକ୍ତା
- ଦଳିତ ଚେହେରା, ସ୍ୱଚ୍ଛ ଓ ନିର୍ମଭ ଭାବମୂର୍ତି
- ଧାମନଗର ଉପନିର୍ବାଚନରେ ବିଜୟୀ ହୋଇ ସଭିଁଙ୍କୁ ଚକିତ କରିଥିଲେ
କନକବର୍ଦ୍ଧନ ସିଂଦେଓ
- ରାଜ୍ୟ ବିଜେପିର ପ୍ରଭାବଶାଳୀ ନେତା କନକ ବର୍ଦ୍ଧନ ସିଂଦେଓ
- ପାଟଣାଗଡ ବିଧାୟକ ଭାବେ ବାଜି ମାରିଛନ୍ତି କନକ ବର୍ଦ୍ଧନ
- ପୂର୍ବରୁ ରାଜ୍ୟ ବିଜେପି ସଭାପତି ଦାୟିତ୍ୱ ତୁଲାଇଛନ୍ତି
- ବିଜେପି-ବିଜେଡି ମିଳିତ ସରକାରରେ ମନ୍ତ୍ରୀ ରହିଛନ୍ତି କନକ ବର୍ଦ୍ଧନ
ସୁରେଶ ପୁଜାରୀ
- ବ୍ରଜରାଜନଗରରୁ ନିର୍ବାଚିତ ହୋଇଛନ୍ତି ସୁରେଶ ପୁଜାରୀ
- ୨୦୧୯ରେ ବରଗଡରୁ ସାଂସଦ ଜିତିଥିଲେ
- ପୂର୍ବରୁ ବିଜେପି ରାଜ୍ୟ ସଭାପତି ଥିଲେ