ରିଲିଜ୍ ପୂର୍ବରୁ ବିବାଦରେ‘ଗଙ୍ଗୁବାଈ କାଠିୱାଡା’ : ସୁପ୍ରିମକୋର୍ଟରେ ପହଞ୍ଚିଲା ମାମଲା; ଆଲିଆ କହିଲେ, ରିଲିଜ୍ ପୂର୍ବରୁ ବିବାଦ ବଡ କଥା ନୁହେଁ
କନକ ବ୍ୟୁରୋ : ଗଙ୍ଗୁବାଇ ରିଲିଜ ପୂର୍ବରୁ ହିଁ ବିବାଦ ଘେରରେ ରହିଛି । ଫିଲ୍ମକୁ ନେଇ ବମ୍ବେ ହାଇକୋର୍ଟରେ ଏକ ମାମଲା ଦାୟର ହୋଇଛି । କଂଗ୍ରେସ ନେତା ଅମିନ ପଟେଲ ସିନେମାର ଟାଇଟେଲ୍ ପରିବର୍ତନ କରିବା ପାଇଁ ବମ୍ବେ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ସିନେମାଟି ମୁମ୍ବାଇର ଜଣେ ପ୍ରଭାବଶାଳୀ ମହିଳା ଗଙ୍ଗୁବାଈଙ୍କ ଜୀବନୀକୁ ନେଇ ଗତିଶୀଳ ହୋଇଛି । ଆଉ ତାଙ୍କୁ ଯେଉଁଭଳି ସିନେମାରେ ଚିତ୍ରିତ କରାଯାଇଛି ତାହା ସମ୍ପୂର୍ଣ୍ଣ ଭୂଲ ବୋଲି ଗଙ୍ଗୁବାଇଙ୍କ ପରିବାର ଲୋକେ ଅଭିଯୋଗ କରିଛନ୍ତି । ସେପଟେ ସିନେମାକୁ ନେଇ ବେଶ ଆଶାବାଦୀ ଥିବା ଅଭିନେତ୍ରୀ ଆଲିଆ କହିଛନ୍ତି । ଯିଏ କି ଗଙ୍ଗୁବାଈଙ୍କ ଚରିତ୍ରକୁ ପରଦାରେ ତୁଲାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସପଟେ ଫିଲ୍ମରେ ଗଙ୍ଗୁବାଈଙ୍କୁ ଭୁଲ ଭାବେ ପରିବେଷଣ କରାଯାଇଥିବା ଅଭିଯୋଗ କରି ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ତାଙ୍କ ପରିବାର ଲୋକେ । ଗଙ୍ଗୁବାଇଙ୍କ ପରିବାର ମଧ୍ୟ ନିର୍ଦ୍ଦେଶକ ସଂଜୟ ଲୀଲା ଭଂସାଲିଙ୍କ ଉପରକେ ଆଭିଯୋଗ କରିଛନ୍ତି । ସେମାନେ କହିଛନ୍ତି ଫିଲ୍ମରେ ପ୍ରକୃତ ତଥ୍ୟକୁ ବଦଳାଯାଇଛି । ଗଙ୍ଗୁବାଇ ଜଣେ ସାମାଜିକ କର୍ମୀ ଥିଲେ । କିନ୍ତୁ ଫିଲ୍ମରେ ତାଙ୍କୁ ଜଣେ ଦେହଜୀବି ରୁପେ ଦର୍ଶାଯାଇଛି ବୋଲି ଅଭିଯୋଗ ହୋଇଛି । ସେପଟେ ଏହାକୁ ନେଇ ଆଲିଆ କହିଛନ୍ତି ଫିଲ୍ମ ରିଲିଜ ପୂର୍ବରୁ ବିବାଦରେ ରହିବା କିଛି ନୂଆ କଥା ନୁହେଁ । ଏବେ ଦେଖିବାକୁ ବାକି ରହିଲା ବିବାଦ ଭିତରେ ଗଙ୍ଗୁବାଈ ସଫଳ ହେଉଛି କି ନାହିଁ । ୨୫ ଫେବୃଆରୀରେ ପରଦାକୁ ଆସୁଛି ଫିଲ୍ମ ।