ବିଶ୍ୱ ସ୍ୱାସ୍ଥ୍ୟ ସଂଗଠନ ଓ ୟୁନିସେଫ୍ ତରଫରୁ ଚେତାବନୀ । କରୋନା ମହାମାରୀ ଗର୍ଭବତୀ ମହିଳା ମାନଙ୍କ ପାଇଁ ଆଣୁଛି ବିପଦ । ଏଭଳି ସ୍ଥିତି ଜାରି ରହିଲେ ପ୍ରତିବର୍ଷ ଜନ୍ମ ନେବେ ୨୦ ଲକ୍ଷରୁ ଅଧିକ ମୃତ ଶିଶୁ
କରୋନା ମହାମାରୀ ଗର୍ଭବତୀ ମହିଳା ଓ ତାଙ୍କ ପେଟରେ ବଢୁଥିବା ଶିଶୁ ମାନଙ୍କ ପାଇଁ ବିପଦ ଆଣିଛି
କନକ ବ୍ୟୁରୋ : ବିଶ୍ୱ ସ୍ୱାସ୍ଥ୍ୟ ସଂଗଠନ ଓ ୟୁନିସେଫ୍ ଓ ତାଙ୍କର ସହଯୋଗୀ ସଂଗଠନ ମାନେ ଚେତାବନୀ ଦେଇଛନ୍ତି କରୋନା ମହାମାରୀ ଗର୍ଭବତୀ ମହିଳା ଓ ତାଙ୍କ ପେଟରେ ବଢୁଥିବା ଶିଶୁ ମାନଙ୍କ ପାଇଁ ବିପଦ ଆଣିଛି । ଏନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ଏକ ଚେତାବନୀ ଜାରି କରିଛି । ଯେଉଁ ରିପୋର୍ଟରେ ଉଲ୍ଲେଖ ରହିଛି ଯେ ବିଶ୍ୱରେ କରୋନା ମହାମାରୀର ସ୍ଥିତି ଏଭଳି ଜାରି ରହିଲେ ପ୍ରତି ୧୬ ସେକେଣ୍ଡରେ ଗୋଟିଏ ମୃତ ଶିଶୁ ଜନ୍ମ ହେବ ଓ ଏହା ପ୍ରତିବର୍ଷ ୨୦ ଲକ୍ଷ ଉପରେ ରହିବ । ରିପୋର୍ଟ ମୁତାବକ ବିକାଶଶୀଳ ରାଷ୍ଟ୍ର ମାନଙ୍କରେ ଏହି ସଂଖ୍ୟା ଯଥେଷ୍ଟ ବଢିପାରେ ।
Kanak News is now on WhatsApp
Join and get latest news updates delivered to you via WhatsApp
ସଂଯୁକ୍ତ ରାଷ୍ଟ୍ରର ୟୁନିସେଫ୍ କାର୍ଯ୍ୟକାରୀ ନିର୍ଦ୍ଦେଶକ ଅଧିକାରୀ ହାଭେଣ୍ଟା ଫୋର କହିଛନ୍ତି କି ପ୍ରତି ୧୬ ସେକେଣ୍ଡରେ ଜଣେ ମା’ ନିଜ ଶିଶୁକୁ ହରାଇ ଦୁଖ ଅନୁଭବ କରିବ । ସ୍ପେଶାଲିଷ୍ଟ ଚିକିତ୍ସକ, ଭଲ ଭାବେ ଦେଖାଶୁଣା,ଉତ୍ତମ ଚିକିତ୍ସା ଓ ସୁରକ୍ଷିତ ପ୍ରସବ ଦ୍ୱାରା ଏହି ହାରକୁ କମ୍ କରାଯାଇ ପାରିବ ।
ରିପୋର୍ଟରେ ଆହୁରି କୂୁହାଯାଇଛି କି କୋଭିଡ୍-୧୯ ମହାମାରୀର ସ୍ଥିତି ଯଦି ଆହୁରି ଭୟଙ୍କର ହୁଏ ତେବେ ଏଭଳି ଘଟଣା ଏବେ କରାଯାଇଥିବା ଅନୁମାନ ଠାରୁ ଅଧିକ ହେବ । ରିପୋର୍ଟ ମୁତାବକ କରୋନା ସଂକ୍ରମିତଙ୍କ ପାଇଁ ସାଧାରଣ ସ୍ୱାସ୍ଥ୍ୟସେବା ୫୦ ପ୍ରତିଶତ ହ୍ରାସ ପାଇଛି । ଏହି କାରଣରୁ ଅଗାମୀ ବର୍ଷ ୧୧୭ ବିକାଶଶୀଳ ରାଷ୍ଟ୍ରରେ ୨୦ ଲକ୍ଷରୁ ଅଧିକ ମୃତ ଶିଶୁ ଜନ୍ମନେଇ ପାରନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛନ୍ତି କି ୪୦ ପ୍ରତିଶତରୁ ଅଧିକ ଶିଶୁଙ୍କ ମୃତ୍ୟୁ ପ୍ରସବ ସମୟରେ ହୋଇଥାଏ । ଦକ୍ଷ ସ୍ୱାସ୍ଥ୍ୟକର୍ମୀଙ୍କ ସହାୟତାରେ ସୁରକ୍ଷିତ ପ୍ରସବ କରାଇଲେ ଏହି ହାର କମ୍ ହୋଇପାରେ ।
ଉପ- ସାହାରା, ଆଫ୍ରିକା ଓ ମଧ୍ୟ ଏସିଆରେ ୫୦ ପ୍ରତିଶତ ଶିଶୁଙ୍କ ମୃତ୍ୟୁ ପ୍ରସବ ବେଳେ ହୋଇଥାଏ । ୟୁରୋପ, ଉତ୍ତର ଆମେରିକା, ଅଷ୍ଟ୍ରେଲିଆ, ଓ ନ୍ୟୁଜିଲାଣ୍ଡରେ ଏହି ମୃତ୍ୟୁ ହାର ମାତ୍ର ୬ ପ୍ରତିଶତ ।