୨୦୨୩ ବିଶ୍ୱକପ୍ ପରେ କିଏ ହେବ ଟିମ୍ ଇଣ୍ଡିଆର କ୍ୟାପଟେନ୍? ଏହି ଖେଳାଳିଙ୍କ ନାଁ କହିଲେ ପୂର୍ବତନ କୋଚ୍ ରବି ଶାସ୍ତ୍ରୀ । ଜାଣନ୍ତୁ, କିଏ ସେହି ଖେଳାଳି….
କନକ ବ୍ୟୁରୋ: କିଏ ହେବ ଟିମ୍ ଇଣ୍ଡିଆର ଭବିଷ୍ୟତ? କିଏ ହେବ ଟିମ୍ ଇଣ୍ଡିଆର ଆଗାମୀ କ୍ୟାପଟେନ୍? ରୋହିତ ଶର୍ମାଙ୍କ ପରେ କିଏ ସମ୍ଭାଳିବ ଅଧିନାୟକ ପଦ? ଏ ସବୁ ପ୍ରଶ୍ନକୁ ନେଇ ଏବେ ବି କ୍ରିକେଟ୍ ପଣ୍ଡିତମାନେ ଆକଳନ କରୁଥିବାବେଳେ, ଟିମ୍ ଇଣ୍ଡିଆର ପୂର୍ବତନ କୋଚ୍ ରବି ଶାସ୍ତ୍ରୀ ଦେଇଛନ୍ତି ବଡ ବୟାନ ।
Kanak News is now on WhatsApp
Join and get latest news updates delivered to you via WhatsApp
ରବି ଶାସ୍ତ୍ରୀଙ୍କ କହିବା ମୁତାବକ, ଚଳିତ ବର୍ଷ ଶେଷ ଆଡକୁ ଭାରତରେ ହେବାକୁ ଥିବା ଦିନିକିଆ ବିଶ୍ୱକପ୍ ପରେ ରୋହିତ ଶର୍ମାଙ୍କ ଠାରୁ ଟିମ୍ ଇଣ୍ଡିଆର ଅଧିନାୟକ ପଦ ଫେରାଇ ନିଆଯିବା ଉଚିତ୍ । ଏହାପରେ ହାର୍ଦ୍ଦିକ ପାଣ୍ଡ୍ୟାଙ୍କୁ ଟି-୨୦ ସହ ଦିନିକିଆରେ ଅଧିନାୟକ ଦାୟିତ୍ୱ ଦିଆଯିବା ଉଚିତ୍ ବୋଲି ସେ କହିଛନ୍ତି । ତେବେ ରୋହିତ ହିଁ ଦିନିକିଆ ବିଶ୍ୱକପରେ ଦଳର ଅଧିନାୟକ ରହିବେ, ସେଥିରେ ତିଳେ ମାତ୍ର ସନ୍ଦେହ ନାହିଁ ବୋଲି କହିଛନ୍ତି ଶାସ୍ତ୍ରୀ ।
ରବି ଶାସ୍ତ୍ରୀଙ୍କ କହିଛନ୍ତି ଯେ, ଉଭୟ ଦିନିକିଆ ଏବଂ ଟି-୨୦ରେ ହାର୍ଦ୍ଦିକଙ୍କୁ ନିୟମିତ ଅଧିନାୟକ କରିଦେବା ଉଚିତ୍ । ତେବେ ଏବେ ସେ କେବଳ ଟି-୨୦ରେ ଦଳର ନେତୃତ୍ୱ ନେଉଛନ୍ତି । ସୂଚନାଯୋଗ୍ୟ ଯେ, ୨୦୨୨ ଟି-୨୦ ବିଶ୍ୱକପ୍ ହାରିବା ପରେ ହାର୍ଦ୍ଦିକଙ୍କୁ ଟି-୨୦ ଦଳର ନେତୃତ୍ୱ ଦିଆଯାଇଥିଲା ।
ସୂଚନାଯୋଗ୍ୟ ଯେ, ପୂର୍ବରୁ କେ ଏଲ ରାହୁଲ ଏବଂ ରିଷଭ ପନ୍ତଙ୍କୁ ଟିମ ଇଣ୍ଡିଆର ଭବିଷ୍ୟତ କ୍ୟାପଟେନ୍ ଭାବେ ଦେଖାଯାଉଥିଲା । ହେଲେ ଏବେ ଉଭୟ ଦଳଠାରୁ ଦୂରରେ ଅଛନ୍ତି । ଶ୍ରେୟାସ ଆୟର ମଧ୍ୟ ଲଗାତାର ଆହତ ସମସ୍ୟା ସହ ଲଢୁଛନ୍ତି । ତେଣୁ ଏପରି ସ୍ଥିତିରେ ହାର୍ଦ୍ଦିକଙ୍କୁ ଅଧିନାୟକ ଭାର ଦେବାକୁ ବିସିସିଆଇ ଚିନ୍ତା କରିବା ଉଚିତ୍ । ପୂର୍ବରୁ ମଧ୍ୟ ସେ ଆଇପିଏଲରେ ଚମକ୍ରାର ଅଧିନାୟକ ଭାର ସମ୍ଭାଳି, ନିଜ ଟିମକୁ ଦୁଇଟି ସିଜିନରେ ଦୁଇଥର ଫାଇନାଲକୁ ନେଇସାରିଛନ୍ତି । ହାର୍ଦ୍ଦିକଙ୍କ ନେତୃତ୍ୱରେ ଗୁଜରାଟ ଟାଇଟନ୍ସ ଚାମ୍ପିୟନ୍ ମଧ୍ୟ ହୋଇସାରିଛି ।