କନକ ବ୍ୟୁରୋ : ଏକ ନାଟକୀୟ ଘଟଣାକ୍ରମରେ ଶୁକ୍ରବାର ରାତିରେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତୀରଥସିଂ ରାୱତ ଇସ୍ତଫା ଦେଇଛନ୍ତି । ତାଙ୍କ ଇସ୍ତଫା ପରେ ଆଜି ବିଜେପି ବିଧାୟକ ଦଳର ବୈଠକ ବସିବାକୁ ଯାଉଛି । ଏହି ବୈଠକରେ ନୂଆ ନେତା ନିର୍ବାଚିତ ହେବ ବୋଲି ଅନୁମାନ କରାଯାଉଛି । ୪ ମାସ ମୁଖ୍ୟମନ୍ତ୍ରୀ ଭାବେ ପଦ ସମ୍ଭାଳିବା ପରେ ଅଚାନକ ଶୁକ୍ରବାର ରାତିରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ନିକଟକୁ ନିଜର ଇସ୍ତଫା ପତ୍ର ପଠାଇଥିଲେ ତୀରଥ ସିଂ ରାୱତ । ଏହାସହ ମଧ୍ୟରାତ୍ରରେ ରାଜ୍ୟପାଳଙ୍କ ନିକଟକୁ ବି ନିଜର ଇସ୍ତଫା ପତ୍ର ପଠାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତୀରଥ ସିଂ ଇସ୍ତଫା ଦେବା ପୂର୍ବରୁ ଶୁକ୍ରବାର ସକାଳୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କୁ ଭେଟିଥିଲେ । ଏହାପରେ ସାମ୍ବିଧାନିକ ସଂକଟ କାରଣରୁ ସେ ଇସ୍ତଫା ଦେଇଥିବା କଥା କୁହାଯାଇଛି । ଅନ୍ୟପଟେ ଆଜି ଡେରାଡୁନ ଠାରେ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ରସିଂ ତୋମାର ଓ ଉତ୍ତରାଖଣ୍ଡ ବିଜେପି ପ୍ରଭାରୀ ଦୁଷ୍ମନ୍ତ ଗୌତମଙ୍କ ଉପସ୍ଥିତିରେ ବିଧାୟକ ଦଳ ନେତା ନିର୍ବାଚନ ହେବ ବୋଲି ସୂଚନା ମିଳିଛି ।
Union Minister Narendra Singh Tomar leaves for Uttarakhand following the resignation of State Chief Minister Tirath Singh Rawat. Visuals from outside his residence.
CM Rawat yesterday tendered his resignation to Uttarakhand Governor Baby Rani Maurya pic.twitter.com/DkGKE1sLkJ
— ANI (@ANI) July 3, 2021
କହିରଖୁ କି ମୋଟ ୭୦ ଆସନ ବିଶିଷ୍ଟ ଉତ୍ତରାଖଣ୍ଡ ବିଧାନସଭାରେ ୫୭ ଜଣ ବିଜେପି ବିଧାୟକ ରହିଛନ୍ତି । ଏହାସହ ସତପାଲ ମହାରାଜ ଓ ଧନ ସିଂ ରାୱତ ବିଜେପିର ଶୀର୍ଷ ନେତୃତ୍ୱଙ୍କୁ ଚିଠି ଲେଖି ସେମାନେ ମୁଖ୍ୟମନ୍ତ୍ରୀ ପଦ ପାଇଁ ଆଶାୟୀ ଥିବା କଥା ଆଲୋଚନା ହେଉଛି ।
ସୂଚନା ଥାଉକି ତୀରଥସିଂ ରାୱତ ମୁଖ୍ୟମନ୍ତ୍ରୀ ହେବା ପରେ ଅନେକ ବିବାଦୀୟ ବୟାନ ଦେଇ ଲୋକଲୋଚନରେ ସମାଲୋଚିତ ହୋଇଥିଲେ । ଏହାସହ ସେ ବିଭିନ୍ନ ଯୋଜନା ଘୋଷଣା କରିଥିଲେ ବି ତାହା ଲୋକଙ୍କ ଉପରେ ନକରାତ୍ମକ ପ୍ରଭାବ ପକାଉଥିବା କଥା ଦଳୀୟ ନେତାମାନେ ବାରମ୍ବାର ଅଭିଯୋଗ କରୁଥିଲେ ।