ନିର୍ବାଚନ ପୂର୍ବରୁ ଜୋର ଧରିଲା ପୋଷ୍ଟର ଚିରା ରାଜନୀତି । ବାଲେଶ୍ୱର ଜିଲ୍ଲା ବସ୍ତା ନିର୍ବାଚନ ମଣ୍ଡଳିରୁ ଆସିଲା ଚିତ୍ର
କନକ ବ୍ୟୁରୋ : ୨୦୨୪ ସାଧାରଣ ନିର୍ବାଚନକୁ ଆହୁରି ୩ ମାସରୁ ଅଧିକ ବାକି ଥିବା ବେଳେ ଏବେଠାରୁ ଆରମ୍ଭ ହେଲାଣି ରାଜନୈତିକ ଗଣ୍ଡଗୋଳ । ଆଶାୟୀ ପ୍ରାର୍ଥୀମାନେ ଲଗାଇଥିବା ଶୁଭେଚ୍ଛା ବାର୍ତାର ବ୍ୟାନରକୁ ଚିରାଯାଉଥିବା ଦୃଶ୍ୟ ସାମ୍ନାକୁ ଆସୁଛି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ବସ୍ତା ନିର୍ବାଚନ ମଣ୍ଡଳିର ଇଡଦା ପଂଚାୟତରେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ରାଜ୍ୟ ମହିଳା କାର୍ଯ୍ୟକାରୀଣି ସଭାପତି ତଥା ବସ୍ତା ବିଜେଡିର ଆଶାୟୀ ପ୍ରାର୍ଥୀ ସୁବାସିନି ଜେନା ଏବଂ କଂଗ୍ରେସ ଦଳର ଆଶାୟୀ ପ୍ରାର୍ଥୀ ବିଜନ ନାୟକଙ୍କ ବ୍ୟାନରକୁ ଉଭୟ ଦଳର ସମର୍ଥକ ଚିରି ଦେଇଥିବା ଅଭିଯୋଗ ହୋଇଛି । ଏହାକୁ ନେଇ ଉଭୟ ଗୋଷ୍ଠୀର କର୍ମୀ ମାନଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଏଥିରେ ୩ ଜଣ ଆହତ ହୋଇଥିଲେ । ଯାହାକୁ ନେଇ ଉଭୟ ଦଳ ଥାନାରେ ଲିଖିତ ଅଭିଯୋଗ କରିଥିଲେ । ତେବେ ମାମଲାରେ ଏତିକିରେ ଥଣ୍ଡା ପଡ଼ିଥିଲେ । ପରେ କଂଗ୍ରେସ କର୍ମୀ ଚନ୍ଦନ ଦାସଙ୍କ ଘରେ ଭଙ୍ଗାରୁଜା ସହ ଦୁଇଟି ବାଇକ ଓ ଅଟୋ ଭାଙ୍ଗି ଦିଆଯାଇଥିବା ଅଭିଯୋଗ ହୋଇଛି । ବିଜେଡି କର୍ମୀ ଏହି ଭଙ୍ଗାରୁଜା କରିଥିବା ଅଭିଯୋଗ କରିଛନ୍ତି ଚନ୍ଦନଙ୍କ ପରିବାର ଲୋକେ । ତେବେ ସବୁ ଅଭିଯୋଗକୁ ଖଣ୍ଡନ କରିଛନ୍ତି ବିଜେଡି ଦଳର ପୂର୍ବତନ ସରପଞ୍ଚ ଦେବୀପ୍ରସାଦ ଭଞ୍ଜ ।