ରାହୁଲ + ସଚିନ୍ = ରାଚିନ୍ : ଚର୍ଚ୍ଚାରେ ନ୍ୟୁଜିଲାଣ୍ଡର ବ୍ୟାଟର ରାଚିନ୍ ରବୀନ୍ଦ୍ର
କନକ ବ୍ୟୁରୋ : ରାହୁଲ + ସଚିନ୍ = ରାଚିନ୍ । ନ୍ୟୁଜିଲାଣ୍ଡର ଷ୍ଟାର ବ୍ୟାଟର ରାଚିନ୍ ରବୀନ୍ଦ୍ରଙ୍କ ନାମକରଣକୁ ନେଇ ଏବେ ସବୁଠି ଚର୍ଚ୍ଚା । ଚଳିତ ବିଶ୍ୱକପର ଉଦଘାଟନୀ ମ୍ୟାଚରେ ଡିଫେଣ୍ଡିଙ୍ଗ ଚାମ୍ପିୟନ୍ ଇଂଲଣ୍ଡ ବିପକ୍ଷରେ ଅପରାଜିତ ଶତକ ମାରି ଏବେ ଚର୍ଚ୍ଚିତ ଚେହେରା ପାଲଟି ଯାଇଛନ୍ତି ଏହି ଭାରତୀୟ ବଂଶୋଦ୍ଭବ । ତାଙ୍କ ନାମକରଣକୁ ନେଇ ରହିଛି ଏକ ରୋଚକ କାହାଣୀ । ରାଚିନଙ୍କ ବାପା ମା’୧୯୯୦ରେ ବେଙ୍ଗାଲୁରୁରୁ ନ୍ୟୁଜିଲାଣ୍ଡ ଚାଲିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ୱେଲିଂଟନରେ ହୋଇଥିଲା ରାଚିନଙ୍କ ଜନ୍ମ । ରାଚିନଙ୍କ ବାପା ରବି କ୍ରିଷ୍ଣମୂର୍ତ୍ତି ଓ ଦୀପା କ୍ରିଷ୍ଣମୂର୍ତ୍ତି କ୍ରିକେଟର, ବିଶେଷ କରି ରାହୁଲ ଦ୍ରାବିଡ ଓ ସଚିନ ତେନ୍ଦୁଲକରଙ୍କ ବଡ଼ ଫ୍ୟାନ୍ । ଆଉ ସେଥିପାଇଁ ରାହୁଲରୁ ‘ରା’ ଓ ସଚିନରୁ ‘ଚିନ୍’ ଅକ୍ଷର ଅଣାଯାଇ ରାଚିନଙ୍କ ନାମକରଣ କରିଥିଲେ ତାଙ୍କ ବାପା ମା’ । ତେବେ ବିଶ୍ୱକପ ପଦାର୍ପଣରେ ଶତକ ମାରି ନ୍ୟୁଜିଲାଣ୍ଡକୁ ବିଜୟ ଭେଟି ଦେଇଛନ୍ତି ରାଚିନ୍ । ୯୬ଟି ବଲର ସମ୍ମୁଖୀନ ହୋଇ ୧୧ଟି ଚୌକା ଓ ୫ଟି ଛକା ମାରି ୧୨୩ରନର ଅପରାଜିତ ପାଳି ଖେଳିଛନ୍ତି ରାଚିନ୍ ରବୀନ୍ଦ୍ର ।
ରାହୁଲ + ସଚିନ୍ = ରାଚିନ୍
– ନ୍ୟୁଜିଲାଣ୍ଡ ବ୍ୟାଟର ରାଚିନ୍ ରବୀନ୍ଦ୍ରଙ୍କୁ ନେଇ ଚର୍ଚ୍ଚା
– ଭାରତୀୟ ବଂଶୋଦ୍ଭବ ନ୍ୟୁଜିଲାଣ୍ଡ କ୍ରିକେଟର୍ ରାଚିନ୍
– ରାଚିନଙ୍କ ନାମକରଣକୁ ନେଇ ସାମାଜିକ ଗଣମାଧ୍ୟମରେ ଆଲୋଚନା
– ୧୯୯୦ରେ ବେଙ୍ଗାଲୁରୁରୁ ନ୍ୟୁଜିଲାଣ୍ଡ ଚାଲିଯାଇଥିଲେ ରାଚିନଙ୍କ ବାପା ମା’
– ୱେଲିଂଟନରେ ହୋଇଥିଲା ରାଚିନଙ୍କ ଜନ୍ମ
– ରାଚିନଙ୍କ ବାପା ରବି କ୍ରିଷ୍ଣମୂର୍ତ୍ତି ଓ ଦୀପା କ୍ରିଷ୍ଣମୂର୍ତ୍ତି କ୍ରିକେଟର ବଡ଼ ପ୍ରଂଶସକ
– ରାହୁଲ ଦ୍ରାବିଡ଼ ଓ ସଚିନ ତେନ୍ଦୁଲକରଙ୍କ ପ୍ରଂଶସକ ରାଚିନଙ୍କ ବାପା ମା’
– ଏହି ୨ ଖେଳାଳୀଙ୍କ ନାମକୁ ଯୋଡି ରାଚିନଙ୍କ ନାମକରଣ ହୋଇଛି
– ରାହୁଲରୁ ‘ରା’ ଓ ସଚିନରୁ ‘ଚିନ୍’ ଅଣାଯାଇଛି
– ବିଶ୍ୱକପ୍ ପଦାର୍ପଣରେ ଶତକ ମାରି ଏବେ ଚର୍ଚ୍ଚିତ ଚେହେରା ରାଚିନ୍
– ଇଂଲଣ୍ଡ ବିପକ୍ଷ ମ୍ୟାଚରେ ୯୬ ବଲରୁ ୧୧ ଚୌକା ଓ ୫ ଛକା ସହ ୧୨୩ ରନ୍ କରିଛନ୍ତି ରାଚିନ୍