ବଜାରରେ କମି ନାହିଁ ଆଳୁ ଦର, ମନ୍ତ୍ରୀ କହୁଛନ୍ତି ୩୦ ଟଙ୍କା ତଳେ ବିକ୍ରି ହେଉଛି କିଲେ ଆଳୁ । ବିରୋଧୀ କହିଲେ, ଭୂଆଁ ବୁଲାଉଛନ୍ତି ଯୋଗାଣ ମନ୍ତ୍ରୀ 

କନକ ବ୍ୟୁରୋ : ରାଜ୍ୟରେ ଆଳୁ ଦର ଅଧିକା ନାହିଁ । ଆଳୁ ଦର ନିୟନ୍ତ୍ରଣରେ ଥିବା କହିଛନ୍ତି ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର । ରାଜ୍ୟରେ ଆଳୁଦର ସନ୍ତୁଳିତ ଅବସ୍ଥାରେ ରହିଛି । ୩୦ ଟଙ୍କା ତଳେ ରହିଛି କିଲୋ ପିଛା ଆଳୁ । ଆଗାମୀ ଦିନରେ ଆହୁରି କମିବ ଦର । ପଶ୍ଚିମବଙ୍ଗରୁ ବି ଆଳୁ ଟ୍ରକ୍ ସ୍ୱାଭାବିକ ଭାବେ ଓଡ଼ିଶା ଆସୁଥିବା କହିଛନ୍ତି ମନ୍ତ୍ରୀ ।

ସେପଟେ ମନ୍ତ୍ରୀଙ୍କୁ କଟାକ୍ଷ କରିଛନ୍ତି ବୋରୋଧୀ । ସବୁଠାରୁ ବଡ଼ ପ୍ରଶ୍ନ ହେଉଛି ମନ୍ତ୍ରୀଙ୍କୁ ୩୦ ଟଙ୍କାରେ ଆଳୁ ଦେଉଛି କିଏ । ରାଜ୍ୟରେ ସବୁଆଡ଼େ ଚଢ଼ା ଦରରେ ବିକ୍ରି ହେଉଛି ଆଳୁ । ହେଲେ ମନ୍ତ୍ରୀ କହୁଛନ୍ତି ଓଲଟା କଥା । ଗାଁକୁ ଯାଇ, ବଜାର ବୁଲି ସ୍ଥିତି ପରଖିବାକୁ ମନ୍ତ୍ରୀଙ୍କୁ ପ୍ରସ୍ତାବ ଦେଇଛନ୍ତି ବିରୋଧୀ । ମନ୍ତ୍ରୀ ବାସ୍ତବିକ କଥା ନକହି କାଳ୍ପନିକ କଥା କହୁଛନ୍ତି ବୋଲି କହିଛନ୍ତି କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ ।