ନୀଳ ଆକାଶ ଚିରି ଶତ୍ରୁ ପକ୍ଷକୁ ଧୂଳିସାତ କରିବାରେ କେଉଁ ଦେଶ ଅଧିକ ସକ୍ଷମ? ଆକାଶରେ ଆଗୁଆ କିଏ? କାହାର ବାୟୁସେନା ଅଧିକ ଶକ୍ତିଶାଳୀ? ପଢ଼ନ୍ତୁ ପୂରା ରିପୋର୍ଟ ।
କନକ ବ୍ୟୁରୋ: ନୀଳ ଆକାଶ ଚିରି ଶତ୍ରୁ ପକ୍ଷକୁ ଧୂଳିସାତ କରିବାରେ କେଉଁ ଦେଶ ଅଧିକ ସକ୍ଷମ । ଭାରତ ନା’ ଚାଇନା । ଭାରତ-ଚାଇନା ଭିତରେ ସୃଷ୍ଟି ହୋଇଥିବା ଉତେଜନା ସ୍ଥିତି ଭିତରେ, ଯେତେବେଳେ ଯୁଦ୍ଧ କଥା ସାମନାକୁ ଆସୁଛି ସେତେବେଳେ ବାୟୁସେନାର ଶକ୍ତିର ତୁଳନା ହେବା ହୁଏତ ନିହାତି ଆବଶ୍ୟକ ।
Kanak News is now on WhatsApp
Join and get latest news updates delivered to you via WhatsApp
ଭାରତ ପାଖରେ ମୋଟ ବିମାନ ସଂଖ୍ୟା ୨୨୧୬ ଥିବା ବେଳେ ଚାଇନା ପାଖରେ ମୋଟ ବିମାନ ୪୧୮୨ ରହିଛି । ଭାରତ ପାଖରେ ୩୨୩ଟି ଲଢୁଆ ବିମାନ ଥିବା ବେଳେ ଚାଇନା ପାଖରେ ରହିଛି ୧୧୫୦ ଟି ଲଢୁଆ ବିମାନ । ସେହିପରି ଭାରତରେ ମଲଟିରୋଡ ଏୟାରକ୍ରାଫ୍ଟ ୩୨୯ ରହିଥିବା ବେଳେ ଚାଇନା ପାଖରେ ୬୨୯ଟି ମଲଟିରୋଡ ଏୟାରକ୍ରାଫ୍ଟ ରହିଛି । ଆଟାକ୍ ଏୟାରକ୍ରାଫ୍ଟ୍ ଭାରତ ପାଖରେ ୨୨୦ଟି ଥିବା ବେଳେ ଚାଇନା ପାଖରେ ରହିଛି ୨୭୦ଟି ଆଟାକ୍ ଏୟାରକ୍ରାଫ୍ଟ୍ । ଭାରତ ପାଖରେ ୭୨୫ଟି ହେଲିକପ୍ଟର ଥିବା ବେଳେ ଚାଇନା ପାଖରେ ରହିଛି ୧୧୭୦ଟି ହେଲିକପ୍ଟର । ସଂଖ୍ୟାାର ଏ ଗଣିତ ଭିତରେ ଚାଇନା ଆଗରେ ରହୁଥିଲେ ସୁଦ୍ଧା ଉନ୍ନତ ମାନର ଯୁଦ୍ଧ ବିମାନ ଭାରତ ପାଖରେ ରହିଛି । ବଡ କଥା ହେଲା ଯୁଦ୍ଧ କ୍ଷେତ୍ରରେ ଭାରତ ପାଖରେ ଥିବା ଅଭିଜ୍ଞତା ଚାଇନା ପାଖରେ ନାହିଁ । ସେହିପରି ସୁଖୋଇ, ମିରାଡ ଭଳି ଫାଇଟର ଜେଲ ଭାରତର ଯୁଦ୍ଧ କୌଶଳକୁ ନୂଆ ଦିଗ ଦେଇଛି । ଏସବୁ ଦୃଷ୍ଟିରୁ ଚିନ୍ତା କଲେ ଉନ୍ନତମାନର ଫାଇଟର ଜେଟ ଭାରତକୁ ବିଶ୍ୱ ଦରବାରରେ ଅଧିକ ଶକ୍ତିଶାଳୀ କରିଛି । ତେଣୁ ଯଦି ଚୀନ ସହିତ ଯୁଦ୍ଧ ହୁଏ ତେବେ ଡ୍ରାଗନ ସେନାକୁ ମାତ ଦେବା ଭାରତ ପାଇଁ କଷ୍ଟସାଧ୍ୟ ବ୍ୟାପାର ହେବ ନାହିଁ ବୋଲି କହିଛନ୍ତି ପୂର୍ବତନ ସେନା ଅଧିକାରୀ ।
ଆକାଶମାର୍ଗରେ ଚାଇନାକୁ ଟକ୍କର ଦେବା କ୍ଷେତ୍ରରେ ଭାରତ ବହୁ ଆଗରେ ରହିଛି । ଲଢ଼ୁଆ ବିମାନଠୁ ଆରମ୍ଭ କରି ଯୁଦ୍ଧ ବିମାନରେ ସବୁଠି କେଇପାଦ ଆଗୁଆର ରହିଛି ଭାରତ । ଆଉ ଏସବୁ ବାହାରେ ସ୍ଥଳସେନା ଏବଂ ନୌସେନାର ଶକ୍ତିରେ ବି ଶତ୍ରୁପକ୍ଷଠାରୁ ଖୁବ୍ ଆଗରେ ରହିଛି ଭାରତ । ଗୁରୁତ୍ୱପୂର୍ଣ୍ଣ କଥା ହେଲା ଚାଇନା ତାର ନିଜସ୍ୱ ତିଆରି ବିମାନରେ ଯୁଦ୍ଧ ଲଢୁଥିବା ବେଳେ ଭାରତ ଏ କ୍ଷେତ୍ରରେ ଦୁଇପାଦ ଆଗରେ ରହିଛି । ଆମେରିକା ଏବଂ ଋଣଠାରୁ ଉନ୍ନତ ମାନର ଯୁଦ୍ଧ ବିମାନ କିଣିସାରିଛି ଭାରତ । ଯାହାକ ଭାରତର ସାମରିକ କ୍ଷମତାକୁ ଯଥେଷ୍ଟ ବଢାଇଛି । ଅନ୍ୟପଟେ ଭାରତୀୟ ସେନା ମାତୃଭୂମି ପାଇଁ ଲଢୁଥିବା ବେଳେ ଚାଇନା ସେନା ସରକାର ପାଇଁ ଲଢେଇ କରନ୍ତି । ତେଣୁ ଯଦି ଯୁଦ୍ଧ ହୁଏ ତେବେ ଭାରତୀୟ ସେନା ସବୁ କ୍ଷେତ୍ରରେ ଯଥେଷ୍ଟ ଆଗରେ ରହିବା ନେଇ ଆକଳନ କରାଯାଇଛି ।
ଭାରତ ଚାଇନା
ମୋଟ ବିମାନ-୨୨୧୬ ମୋଟ ବିମାନ-୪୧୮୨
ଲଢୁଆ ବିମାନ-୩୨୩ ଲଢୁଆ ବିମାନ-୧୧୫୦
ମଲଟିରୋଡ ଏୟାରକ୍ରାଫ୍ଟ-୩୨୯ ମଲଟିରୋଡ ଏୟାରକ୍ରାଫ୍ଟ-୬୨୯
ଆଟାକ୍ ଏୟାରକ୍ରାଫ୍ଟ୍-୨୨୦ଆଟାକ୍ ଏୟାରକ୍ରାଫ୍ଟ୍-୨୭୦
ହେଲିକପ୍ଟର-୭୨୫ ହେଲିକପ୍ଟର-୧୧୭୦