ଶର୍ମିଷ୍ଠାଙ୍କ ପଛରେ ନିରଞ୍ଜନଙ୍କ ପରେ ଆଉ କିଏ ? ରହିଛି କି କୌଣସି ନେତା ବା ଅଧିକାରୀଙ୍କ ଆର୍ଶୀବାଦ ?

କନକ ବ୍ୟୁରୋ : ଶର୍ମିଷ୍ଠା ରାଉତଙ୍କୁ ଫେରାର କରାଇବାରେ ଥିଲା ଭାଇଙ୍କ ହାତ । ମିଳିଥିବା ସୂଚନା ଅନୁସାରେ ଆନ୍ଧ୍ର ବିଜୟୱାଡାରେ ଥାଇ ଶର୍ମିଷ୍ଠାଙ୍କୁ ଲୁଚିବାରେ ସହାୟତା କରୁଥିଲେ ତାଙ୍କ ଭାଇ । ଏପରିକି ତାଙ୍କ ଆକାଉଣ୍ଟକୁ ଟଙ୍କା ଟ୍ରାନ୍ସଫର ବି କରୁଥିଲେ । ତେବେ ପୋଲିସ ବିଜୟୱାଡାରେ ତାଙ୍କ ଭାଇଙ୍କ ନିକଟରେ ପହଞ୍ଚିବା ପୂର୍ବରୁ ଶର୍ମିଷ୍ଠାଙ୍କୁ ଖସାଇ ଦେଇଥିଲେ ତାଙ୍କ ଭାଇ । ଏବେ ତାଙ୍କୁ ନେଇ ଭଦ୍ରକ ଫେରୁଛି ଓଡିଶା ପୋଲିସ ।

ଶର୍ମିଷ୍ଠାଙ୍କୁ ଫେରାର କରାଇଲେ ଭାଇ । ଭାଇକୁ ଧରି ଭଦ୍ରକ ଫେରୁଛି ଓଡିଶା ପୋଲିସ । ଶର୍ମିଷ୍ଠା ବିଜୟୱାଡାକୁ ଚାଲିଯାଇଥିବା ଅନୁମାନ କରି ଧରିବା ପାଇଁ ଆନ୍ଧ୍ରକୁ ଯାଇଥିଲା ଓଡିଶା ପୁଲିସ । ମୋବାଇଲକୁ ଟ୍ରାକ କରି ଠିକଣାରେ ପହଞ୍ଚିଥିଲା । ହେଲେ, ପୁଲିସ ପହଞ୍ଚିବା ପୂର୍ବରୁ ଅତି ଚତୁର ସହ ଶର୍ମିଷ୍ଠାଙ୍କୁ ଫେରାର କରାଇ ଦେଇଥିଲେ ତାଙ୍କ ଭାଇ । ଭଉଣୀ କେମିତି ଫେରାର ହେବ, ସେଥିରେ ବିଜୟୱାଡାରେ ରହି ସହଯୋଗ କରୁଥିଲେ । ଏପରିକି ଶର୍ମିଷ୍ଠାଙ୍କ ଆକାଉଣ୍ଟକୁ ଟଙ୍କା ଟ୍ରାନ୍ସଫର କରି ସହଯୋଗ କରୁଥିଲେ ଭାଇ । ଶର୍ମିଷ୍ଠାଙ୍କୁ ନପାଇବାରୁ ତାଙ୍କ ଭାଇ ଉପରେ ପୁଲିସର ସନ୍ଦେହ ହୋଇଥିଲା । ଆଉ ସେ ଶର୍ମିଷ୍ଠାଙ୍କୁ ସହଯୋଗ କରୁଥିବା ଜଣାପଡିବା ପରେ ତାଙ୍କୁ ଧରି ଭଦ୍ରକ ଫେରୁଛି ଓଡିଶା ପୁଲିସ ।

ଶର୍ମିଷ୍ଠାଙ୍କୁ ଧରିବା ପାଇଁ ତାଙ୍କ ସହଯୋଗୀ ଓ ସମ୍ପର୍କୀୟଙ୍କ ମୋବାଇଲକୁ ଟ୍ରାକ କରି ପହଞ୍ଚିବାକୁ ଚେଷ୍ଟା କରୁଛି ପୁଲିସ । ଏତିକିବେଳେ ଶର୍ମିଷ୍ଠାଙ୍କୁ ତାଙ୍କ ଭାଇ ବିଜୟୱାଡାରୁ ଖସାଇଦେବା ପରେ ସେ ସନ୍ଦେହ ଘେରକୁ ଆସିଛନ୍ତି ।

ଶର୍ମିଷ୍ଠାଙ୍କ ପଛରେ ନିରଞ୍ଜନଙ୍କ ପରେ ଆଉ କିଏ ? ରହିଛି କି କୌଣସି ନେତା ବା ଅଧିକାରୀଙ୍କ ଆର୍ଶୀବାଦ ? ମାନସ ହତ୍ୟାକାଣ୍ଡ ସହ ସମ୍ପୃ୍କ୍ତି ଥିବା ଅଭିଯୋଗରେ ଜେଲ ଯାଇଛନ୍ତି ଓଆଇଏସ ନିରଞ୍ଜନ ସେଠୀ । ସୋମବାର ରାତିରୁ ଜେଲର ଚାରିକାନ୍ଥ ଭିତରେ ରହିଛନ୍ତି ଏହି ବାବୁ । ହେଲେ, ଚର୍ଚ୍ଚା ଏତିକିରେ ଥମି ନାହିଁ । ଶର୍ମିଷ୍ଠାଙ୍କ ଫେସବୁକ ପେଜ ଖୋଲିଲେ ତାଙ୍କ ସହ ଅନେକ ବଡ ବଡ ନେତା ଓ ସମାଜସେବୀଙ୍କ ଫଟୋ ରହିଥିବାରୁ ତାଙ୍କ ଉପରେ ଆଉ କାହାର ଆର୍ଶୀବାଦ ଥିଲା କି ? ତାହା ଆଲୋଚନାର ବିଷୟ ହୋଇଛି । ଏତିକିବେଳେ ମାନସଙ୍କ ପରିବାର ଲୋକ ଯେଉଁ ଅଭିଯୋଗ ଆଣିଛନ୍ତି ତାହା ଆହୁରି ସାଂଘାତିକ ।

ଏହାରି ଭିତରେ ସବୁଠାରୁ ଗୁରୁତ୍ୱପୂର୍ଣ୍ଣ ଦିଗ ହେଉଛି, ଚିପରେ ଅଛି କ’ଣ ? କାହାର ରହିଛି ଗୁମର ? ଯେଉଁ ଚିପ୍ ପାଇଁ ମାନସଙ୍କୁ ଶର୍ମିଷ୍ଠା ଓ ତାଙ୍କ ସହଯୋଗୀମାନେ ମାରିଥିବା କୁହାଯାଉଛି ସେହି ଚିପରେ କଣ ରହିଛି । କାହିଁକି ଏକ ଚିପ ପାଇଁ ମାନସଙ୍କୁ ହତ୍ୟା କରି ଅପରାଧୀ ବନିଗଲେ ଶର୍ମିଷ୍ଠା ଓ ତାଙ୍କ ସହଯୋଗୀ । ଏହି ଚିପରେ ରହିଥିଲା କି ଶର୍ମିଷ୍ଠା ଓ ଅନ୍ୟ ବଡବଡିଆଙ୍କ କିଛି ରହସ୍ୟମୟ ଭିଡିଓ । ଯେଉଁଥିପାଇଁ ଏମାନେ ଜଣଙ୍କ ଜୀବନ ନେବା ପାଇଁ ପଛାଇ ନଥିଲେ ।

ଏସବୁ ଭିତରେ ସେହି ରହସ୍ୟମୟ ଭିଡିଓଟି ଏବେ ଅଛି କେଉଁଠି ? ଆଉ ଜୀବନରେ ପ୍ରଥମ ଥର ପାଇଁ ଗୋଟିଏ ମର୍ଡର କେସରେ ସମ୍ପୃକ୍ତ ଥିବା ଜଣେ ମହିଳା ହଠାତ ନିଖୋଜ ହୋଇ ପୋଲିସକୁ ଚକମା ଦେଖାଉଛନ୍ତି କେମିତି ? ମାନସ ମୃତ୍ୟୁ ପୂର୍ବରୁ ଏହି ଭିଡିଓକୁ ଶର୍ମିଷ୍ଠାଙ୍କୁ ଦେଇଥିଲେ କି ? ଶର୍ମିଷ୍ଠା ଭିଡିଓଟିକୁ ନେଇ ଫେରାର ହୋଇଯାଇଛନ୍ତି କି ?