ରାଜଧାନୀ ଛାତିରେ ଜମି କେଳେଙ୍କାରୀ । କିଏ ମାଡି ବସିଛି କୋଟି କୋଟି ଟଙ୍କାର ଜମି?
କନକ ବ୍ୟୁରୋ: ଭୁବନେଶ୍ୱର ପାତ୍ରପଡା ରାସ୍ତା କଡରେ ଥିବା ଜମିକୁ ନେଇ ଉଠିଛି ବିବାଦ । ଶହ ଶହ କୋଟି ଟଙ୍କାର ଏହି ଜମିକୁ ସେତେବେଳର ବରିଷ୍ଠ ଆଇଏସ- ଆଇପିଏସ ଅଧିକାରୀ ମାନେ ଚଞ୍ଚକତା କରି ନିଜ ନାଁରେ କରି ନେଇଥିବା ନେଇ ଅଭିଯୋଗ ଆସିଥିଲା । ଆଉ ଏହି ଘଟଣାର ସତ୍ୟାସତ୍ୟ ଜାଣିବା ପାଇଁ ଏହି ଜମି ଉପରେ ଛିଡା ହୋଇଥିବା ଆଇଏଏସ ଅଧିକାରୀଙ୍କ ବିରାଟ ଅଟ୍ଟାଳିକା ସମ୍ମୁଖରେ ପହଞ୍ଚି ପ୍ରତିକ୍ରିୟା ନେବାକୁ ଚେଷ୍ଟା କରିଥିଲା କନକ ନ୍ୟୁଜ୍ । ହେଲେ ବାବୁ ଘରେ ନାହାଁନ୍ତି କହି ଘଉଡାଇ ଦେଇଥିଲେ କେୟାର ଟେକର ।
Kanak News is now on WhatsApp
Join and get latest news updates delivered to you via WhatsApp
ସେହିପରି କିଛି ସ୍ଥାନରେ ଅର୍ଦ୍ଧନିର୍ମିତ ଘର, ଦୋକାନ ଘର, ଇଣ୍ଡଷ୍ଟ୍ରି, କବାଡିଆ ଦୋକାନ ଆଦି କରି ଜାଗା ମାଲିକ ଲକ୍ଷ ଲକ୍ଷ ଚଙ୍କା କମାଉଥିବା ଦେଖିବାକୁ ମିଳିଛି । ତେବେ ଏହି ଜମି ବାବଦକୁ ଆସିବା ପରେ,ପୂର୍ବତନ ଆଇପିଏସ ଅଧିକାରୀ ନାଗେଶ୍ୱର ରାଓ ଏବଂ ସଂଜୀବ ମାରିକ ଏନେଇ ମୁହାଁ ମୁହିଁ ହୋଇଥିଲେ ।
ଅନ୍ୟପଟେ ସୂଚନାଧିକାର କର୍ମୀଙ୍କ ଅଭିଯୋଗ ୪ ବରିଷ୍ଠ ଅଧିକାରୀ ଜମି ମାଲିକଙ୍କ ସହ ମିଶି ଚଞ୍ଚକତା କରି ଏହି ଜମି ହାତେଇଛନ୍ତି । ଅଭିଯୋଗ ଅନୁସାରେ ସରକାରୀ ଜମିକୁ ହାତ ଲେଖା ପଟ୍ଟା କରି ଏହି ଜମି ସବୁ ହଡପ କରାଯାଇଛି । ଏକ ତଦନ୍ତକାରୀ ସଂସ୍ଥା ଦ୍ୱାରା ଏହାର ନିରପେକ୍ଷ ତଦନ୍ତ କରାଗଲେ ହିଁ ପ୍ରକୃତ ସତ ସାମନାକୁ ଆସିବ ଏବଂ ଅସଲ ମୁଖା ଖୋଲିଯିବ । ଆଉ ଏହା ପଛରେ ଥିବା ମୁଖ୍ୟ ଷଡଯନ୍ତ୍ରକାରୀର ଚେହେରା ସାମାନକୁ ଆସିବ ବୋଲି କୁହାଯାଉଛି ।
ଏଠାରେ ପ୍ରଶ୍ନ ଉଠୁଛି…
- କିଏ କିଏ ଏହି ଜମି ଦୁର୍ନୀତିରେ ସଂପୃକ୍ତ ?
- କେବେ ପଦାକୁ ଆସିବ ମୁଖ୍ୟ ଷଡଯନ୍ତ୍ରକାରୀର ଚେହେରା ?
- କାହା ଛତ୍ରଛାୟା ତଳେ ରହି ଆଇପିଏସ କରିଛନ୍ତି ଜମି ଘୋଟାଲା ?
- ସେତେବେଳେ କାହିଁକି ଚୁପ ବସିଥିଲା ଅର୍ଥନୈତିକ ଅପରାଧ ଶାଖା ?