ଟିକା ନେବାପରେ..୨୦ ଦିନ ଭିତରେ ଏହି ଲକ୍ଷଣ ଦେଖାଯାଉଛି କି? ରୁହନ୍ତୁ ସତର୍କ…

4,447

କନକ ବ୍ୟୁରୋ: ସାରା ଦେଶରେ ଏବେ କୋଭିଡ୍ ଟିକାକରଣ ଜୋରସୋରରେ ଆଗେଇ ଚାଲିଛି । ଲୋକମାନେ ମହାମାରୀ କୋଭିଡ୍ କବଳରୁ ମୁକ୍ତି ପାଇବା ପାଇଁ ଟିକାକରଣରେ ସାମିଲ ହେଉଛନ୍ତି । ହେଲେ ଏହାରି ଭିତରେ କୋଭିଡ୍ ଟିକା ନେବା ପରେ ୨୦ଦିନ ଭିତରେ ଦେଖାଯାଉଥିବା କିଛି ଲକ୍ଷଣ ପ୍ରତି ଯତ୍ନବାନ ହେବାକୁ ପରାମର୍ଶ ଦେଇଛି ସ୍ୱାସ୍ଥ୍ୟ ମନ୍ତ୍ରାଳୟ । ନଜର ପକାନ୍ତୁ, ଟିକା ନେବା ପରେ କେଉଁ ଲକ୍ଷଣ ଦେଖାଦେଲେ, ରହିବେ ସତର୍କ..

  • ଟିକା ନେବା ପରେ ନିଶ୍ୱାସ ନେବାରେ କଷ୍ଟ ଅନୁଭବ କରିବା
  • ଛାତିରେ ଭୀଷଣ ଯନ୍ତ୍ରଣା ହେବା
  • ହାତ, ଗୋଡରେ ଯନ୍ତ୍ରଣା ହେବା କିମ୍ବା ଦରଜ ଅନୁଭବ କରିବା
  • ବାନ୍ତି କିମ୍ବା ଲଗାତାରା ପେଟରେ ଯନ୍ତ୍ରଣା ଅନୁଭବ ହେବା
  • ଟିକା ନେବା ପରେ ମୂର୍ଚ୍ଛା ହେବା
  • ଇଞ୍ଜେକ୍ସନ ନେଇଥିବା ସ୍ଥାନର ପାଖରେ ଛୋଟ ଛୋଟ ଦାଗ ସୃଷ୍ଟି ହେବା
  • ଆଖିକୁ ଧୂଆଁଳିଆ ଦିଶିବା
  • ବିନା କୌଣସି କାରଣରେ ଲଗାତାର ବାନ୍ତି ହେବା
  • ଶରୀରର କୌଣସି ଅଙ୍ଗ ହଠାତ୍ ଦୁର୍ବଳ ହୋଇଯିବା
  • ଭୀଷଣ ଭାବେ ମୁଣ୍ଡବିନ୍ଧା ହେବା

ଟିକା ନେବା ପରେ, ୨୦ ଦିନ ଭିତରେ ଆପଣଙ୍କ ପାଖରେ ଏହି ସବୁ ଲକ୍ଷଣ ଦେଖା ଦେଉଥିଲେ ଆପଣଙ୍କୁ ସତର୍କ ରହିବାକୁ ପଡିବ । ତା ସହିତ ଆପଣ ଏନେଇ ଡାକ୍ତରଙ୍କ ପରାମର୍ଶ ମଧ୍ୟ ନେଇପାରିବେ ।