କେଉଁ ଥାଳିର କଥା କହିଲେ ଜୟା ବଚ୍ଚନ ? ବଲିଉଡରେ କେତେ ଦୂର ରହିଛି ବଂଶବାଦ ? ଥାଳିର ଯେତେବେଳେ ସଫେଇ ହେବ ସେତେବେଳେ ବଡବଡ ସିକ୍ରେଟ ପଦାକୁ ଆସିଯିବ
କନକ ବ୍ୟୁରୋ : ଜୟା ବଚ୍ଚନ ଥାଳିଧରି ବଲିଉଡର ଆରତି କରୁଛନ୍ତି । ତାଙ୍କ ନଜରରେ ବଲିଉଡଠାରୁ ଦୁନିଆଁରେ ପବିତ୍ର ଆଉକିଛି ନାହିଁ । ଏହା ଉପରେ କେହି ପାଟି ଖୋଲି ପାରିବେନି । କେହି ଆଙ୍ଗୁଠି ଦେଖାଇ ପାରିବେନି । ଏହା ଫଳରେ ଇମେଜ ଖରାପ ହେବ । ଯିଏ ଆଙ୍ଗୁଠି ଦେଖିଉଛି, ସିଏ ଥାଳିରେ କଣା କରୁଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ବଲିଉଡ ଡ୍ରଗ୍ସର ନର୍ଦ୍ଦମା ହୋଇସାରିଛି, ତାହାହେଲେ ସଫା କାହିଁକି ହେବନାହିଁ?
କାହିଁକି ବଲିଉଡ ଡ୍ରଗ୍ସର ନର୍ଦ୍ଦମା ହୋଇସାରିଛି କହିଲେ ରାଗ ମୁଣ୍ଡରେ ଚଢି ଯାଉଛି?
ଜୟା ବଚ୍ଚନ ଯେଉଁ ଥାଳିର କଥା କହୁଛନ୍ତି , ବଲିଉଡର ସେହି ଥାଳି ଉପରେ ନଜର ପକାନ୍ତୁ । ଆପଣ ସବୁ ବୁଝିପାରିବେ ଯେ, କାହିଁକି ଏହି ଥାଳି ସଫା କରିବାକୁ ଚାହୁଁ ନାହାନ୍ତି କିଛି ଲୋକ । କାହିଁକି କାହାରିକୁ ଏହି ପ୍ରସଙ୍ଗରେ କହିବାକୁ ଦେଉ ନାହାନ୍ତି । ଏ ହେଉଛି ବଲିଉଡର ସେହି ଥାଳି ଯେଉଁଥିରେ- ବଂଶବାଦ ଅଛି । ବଲିଉଡର ଜଣେ ପ୍ରମିସିଂ ଆକ୍ଟର ସୁଶାନ୍ତ ସିଂ ରାଜପୁତ ଏହାର ଶିକାର ବନିଗଲେ । ଏଥିରେ ଆୱାର୍ଡ ଫିକ୍ସିଂ ଅଛି । ସୁଶାନ୍ତ ନିଜର ଫିଲ୍ମି କ୍ୟାରିୟରରେ ଏହାର ବି ଶିକାର ହୋଇଛନ୍ତି ।
ଏହି ଥାଳିରେ କାଷ୍ଟିଂ କାଉଚ୍ ବି ରହିଛି । ଜଣାନାହିଁ କେତେ ଯୁବ କଳାକାର ଏହି ନର୍କ ଯନ୍ତ୍ରଣାକୁ ଭୋଗିଛନ୍ତି । ଏଥିରେ ଅଣ୍ଡରୱାର୍ଲ୍ଡ ବି ଅଛି । ଏହାର କନେକ୍ସନ କାହାକୁ ଜଣାନାହିଁ? ଏଥିରେ ଡ୍ରଗ୍ସ ପାର୍ଟି ଓ ଡ୍ରଗ୍ସ ରାକେଟ୍ ବି ରହିଛି । ରିଆ ଗ୍ୟାଙ୍କ ଏହାର ସବୁଠାରୁ ବଡ ପ୍ରମାଣ ଭାବରେ ସାମ୍ନାକୁ ଆସିଛି । ଜୟା ବଚ୍ଚନଙ୍କୁ ଆଉ କେତେ ପ୍ରମାଣ ଦରକାର ଏହି ଥାଳିରେ ଥିବା ନର୍ଦ୍ଦମାକୁ ବୟାନ କରିବା ପାଇଁ?
ଜୟା ବଚ୍ଚନ ଓ ତାଙ୍କୁ ମସିହା ବୋଲି ଭାବୁଥିବା କଳାକାର ଏହି ଥାଳି ନେଇ ତାଙ୍କ ଆରତି କରୁଥାନ୍ତୁ । କିନ୍ତୁ ସତ କଣ ତାହା ଧିରେଧିରେ ଦେଶ ଜାଣିବାକୁ ଲାଗିଛି । ଆଉ ସତ ଜାଣିବା ପରେ କେହି ଚୁପ ରହିବ କେମିତି? ଏହି ଥାଳିର ଯେତେବେଳେ ସଫେଇ ହେବ ସେତେବେଳେ ବଡବଡ ସିକ୍ରେଟ ପଦାକୁ ଆସିଯିବ । ବଡ ବଡ ଚେହେରା ବେପରଦା ହୋଇଯିବ । ନର୍ଦ୍ଦମାରେ ମଇଳା ବହୁତ ଅଛି । ତେଣୁ ସଫେଇ ହେଲେ ଆଉ କେହି ସୁଶାନ୍ତ ଏହି ନର୍ଦ୍ଦମାର ଶିକାର ହେବନାହିଁ । କୁହାଯାଉଛି ଜୟା ବଚ୍ଚନଙ୍କୁ ସେହି ମାନଙ୍କ ସମର୍ଥନ ଜୋରସୋରରେ ମିଳୁଛି, ଯେଉଁମାନେ ବଲିଉଡର ଏହି ଡିଫେନ୍ସ ୱିଙ୍ଗର ସଦସ୍ୟ ମୂଳରୁ ରହିଆସିଛନ୍ତି ।