କନକ ବ୍ୟୁରୋ: ଆସିକାର ପୂର୍ବତନ ବିଧାୟକ ସରୋଜ ପାଢ଼ୀ ନିଖୋଜ ଘଟଣା ଏବେବି ରହସ୍ୟ ଘେରରେ । ଘଟଣାକୁ ୪୮ ଘଂଟାରୁ ଅଧିକ ସମୟ ବିତି ଯାଇଥିଲେ ବି ଏଯାଏଁ ତାଙ୍କର କୌଣସି ପତ୍ତା ମିଳିନାହିଁ । ପୁଅ ସଙ୍ଗୀତ ପାଢ଼ୀଙ୍କ ଅଭିଯୋଗକୁ ଭିତି କରି ତଦନ୍ତ ଆରମ୍ଭ କରିଛି ପୋଲିସ ।

Advertisment

ସୂଚନା ଅନୁସାରେ ଗୁରୁବାର ସକାଳେ ସରୋଜ ୟୁନିଟ୍ ସ୍ଥିତ ରାଧାକ୍ରିଷ୍ଣ ଏନକ୍ଲେଭ ଘରୁ ବହାରକୁ ଯାଇଥିଲେ । କିନ୍ତୁ ଘରକୁ ଆଉ ଫେରିନଥିଲେ ।ପରିବାର ଲୋକ ତାଙ୍କୁ ଫୋନ କରିଥିଲେ ହେଲେ ଫୋନ ବନ୍ଦ ଥିଲା । ଘରୁ ତାଙ୍କ ମୋବାଇଲ, ମୁଦି ଓ ଚେନ୍ ମଧ୍ୟ ମିଳିଛି । ପରେ ସମ୍ପର୍କୀୟ, ସାଙ୍ଗସାଥୀଙ୍କୁ ପଚରାଉଚରା କରିଥିଲେ ପରିବାର । ଖୋଜାଖୋଜି କରି ସବୁଆଡ଼ୁ ନିରାଶ ହେବା ପରେ ଏ ସମ୍ପର୍କରେ ପୋଲିସକୁ ସୂଚନା ଦେଇଥିଲେ । କ୍ୟାପିଟାଲ ଥାନା ପୋଲିସ ଘଟଣା ସ୍ଥଳରେ ପହଂଚି ସିସିଟିଭି ଫୁଟେଜ ଯାଂଚ କରିଥିଲେ । ସେଥିରେ ସରୋଜ ପାଢ଼ୀ ଘରୁ ବାହାରକୁ ଚାଲି ଚାଲି ଯାଉଥିବା ଦେଖିବାକୁ ମିଳିଛି । ସିସିଟିଭି ଫୁଟେଜକୁ ଆଧାର କରି ପୋଲିସ ଅନୁସନ୍ଧାନ ଚଳାଇଛି ।