ସେମାନେ ବ୍ରିଟେନରୁ ଆସି ଅମୃତସର ବିମାନବନ୍ଦରରେ ଓହ୍ଲାଇଲେ ,ତା’ ପରେ କୁଆଡେ ଗଲେ ? ନା ବିମାନବନ୍ଦର କର୍ତ୍ତୁପକ୍ଷଙ୍କ ପାଖରେ ଅଛି କିଛି ଖବର , ନା ସରକାର ଖୋଜିବାରେ ହେଉଛନ୍ତି ସକ୍ଷମ

669

କନକ ବ୍ୟୁରୋ : ବ୍ରିଟେନରେ କରୋନା ଭୂତାଣୁର ନୂଆ ଷ୍ଟ୍ରେନ୍ ଦେଖା ଦେବା ପରେ ଭାରତ ସରକାର ବ୍ରିଟେନରୁ ଆସୁଥିବା ସମସ୍ତ ବିମାନ ଚଳାଚକୁ ଆସନ୍ତା ୩୧ ତାରିଖ ପର୍ଯ୍ୟନ୍ତ ବାତିଲ୍ କରିଦେଇଛନ୍ତି । ହେଲେ ବିମାନ ବାତିଲ ହେବା ପୂର୍ବରୁ ବ୍ରିଟେନରୁ ଭାରତ ଆସିଥିବା ସମସ୍ତ ଯାତ୍ରୀଙ୍କୁ ଚିହ୍ନଟ କରିବା ଓ ସେମାନଙ୍କୁ ଠାବ କରିବାକୁ ବିଭିନ୍ନ ରାଜ୍ୟ ସରକାର ଉଦ୍ୟମ ଚଳାଇଛନ୍ତି । ସେମାନଙ୍କ ମଧ୍ୟରୁ କିଛି ଯାତ୍ରୀଙ୍କୁ ଠାବ କରାଯାଇଥିବା ବେଳେ ପଞ୍ଜାବର ଅମୃତସରକୁ ଆସିଥିବା ୮୪୧ ଯାତ୍ରୀ ଗାଏବ ହୋଇଯାଇଥିବା ସୂଚନା ମିଳିଛି । ଏହି ଯାତ୍ରୀ ମାନଙ୍କ ବାବଦରେ ନା ବିମାନ ବନ୍ଦର ନା ରାଜ୍ୟ ସରକାରଙ୍କ ପାଖରେ କୌଣସି ସୂଚନା ନାହିଁ ।

ନିକଟରେ ୧୫୫୦ ଜଣ ଯାତ୍ରୀ ବ୍ରିଟେନରୁ ଆସି ଅମୃତସର ବିମାନବନ୍ଦରରେ ପହଂଚିଥିଲେ । ଏବେ କରୋନା ଭୂତାଣୁର ନୂଆ ଷ୍ଟ୍ରେନ୍ ଜଣାପଡିବା ପରେ ସେମାନଙ୍କୁ ଠାବ କରିବାକୁ ପଞ୍ଜାବ ସରକାର ତତ୍ପର ହୋଇଛନ୍ତି । ଏନେଇ ପଞ୍ଜାବ ସରକାର ବିମାନବନ୍ଦର କର୍ତ୍ତୁପକ୍ଷଙ୍କ ସହ ଯୋଗ ଯୋଗ କରିବାରୁ ବିମାନବନ୍ଦର କର୍ତ୍ତୁପକ୍ଷ ମାତ୍ର ୭୦୯ ଜଣ ଯାତ୍ରୀଙ୍କର ବିବରଣୀ ସ୍ୱାସ୍ଥ୍ୟ ବିଭାଗକୁ ପ୍ରଦାନ କରିବାରେ ସଫଳ ହୋଇଛି । ଅନ୍ୟ ୮୪୧ ଜଣ ଯାତ୍ରୀଙ୍କ ର କୌଣସି ଖୋଜ ଖବର ମିଳିପାରି ନାହିଁ । ଅନ୍ୟପଟେ ଇଂଲଣ୍ଡରୁ ପଞ୍ଜାବ ପହଞ୍ଚୁଥିବା ସମସ୍ତ ଯାତ୍ରୀଙ୍କ ଉପରେ ନଜର ରଖିବା ସହ ସେମାନଙ୍କୁ ଟ୍ରେସ କରିବାକୁ ପଞ୍ଜାବ ସ୍ୱାସ୍ଥ୍ୟମନ୍ତ୍ରୀ ବଲବୀର ସିଂ ସିଭିଲ୍ ସର୍ଜନ ବିଭାଗକୁ ନିର୍ଦ୍ଦେଶ ଦେଇଛନ୍ତି । ଏହା ସହ ବଲବୀର ସିଂ କହିଛନ୍ତି କି ବ୍ରିଟେନରୁ ଆସି ପଞ୍ଜାବରେ ପହଂଚିଥିବା ୮ ଜଣ ଯାତ୍ରୀଙ୍କ ଠାରେ କରୋନା ପଜିଟିଭ ଆସିଛି ।

Comments are closed.