କେବେ ଧରାପଡ଼ିବ ଭୁବନେଶ୍ୱରରେ ଆତଙ୍କ ଖେଳାଇଥିବା ହତ୍ୟାକାରୀ : ସାମନ୍ତରାପୁର ମିଠା କାରିଗର ହତ୍ୟାକାଣ୍ଡ ଘଟଣାରେ ପୁଲିସର ହାତ ଖାଲି
କନକ ବ୍ୟୁରୋ : ଭୁବନେଶ୍ୱର ସାମନ୍ତରାପୁର ମିଠା ଦୋକାନୀ ହତ୍ୟା ଘଟଣାରେ ଏଯାଏଁ ହତ୍ୟାକାରୀର ଟେର ପାଉନି କମିଶନରେଟ ପୋଲିସ । ଦିନ ଦ୍ୱିପହରରେ ଘଟିଥିବା ଏହି ହତ୍ୟାକାଣ୍ଡର ସିସିଟିଭି ଫୁଟେଜ ଜାରି ହୋଇଥିଲେ ମଧ୍ୟ ହତ୍ୟାକାରୀ କିଏ ତାର ଖୋଜଖବର ପାଉନି ପୋଲିସ । ଏଭଳି ଥିଲା ପୁରା ଘଟଣା । ଲମ୍ବା ଖଣ୍ଡାଟିଏ ଧରି ଦୁର୍ବୃତ୍ତ ଗୋଡାଉଥିଲା ଏବଂ ଜୀବନ ବିକଳରେ ଧାଉଁଥିଲା ମିଠା କୋଦାନୀ ଜମ୍ମୁ ସାହୁ । ଅପରାହ୍ନ ପ୍ରାୟ ସାଢ଼େ ୩ଟା ବେଳେ ଲୋକଙ୍କ ସାମ୍ନାରେ ଘଟିଥିଲା ଏହି ଘଟଣା । ଗୋଡାଇ ଗୋଡାଇ ହାଣିବାକୁ ଉଦ୍ୟମ କରିବାରେ ବିଫଳ ହେବା ପରେ ବାଇକରେ ଖଣ୍ଡା ଧରି ଗୋଡ଼ାଇଥିଲେ ଦୁର୍ବୃତ୍ତ ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହାର କିଛି ସମୟ ପରେ ରକ୍ତ ଜୁଡୁବୁଡୁ ଅବସ୍ଥାରେ ରାସ୍ତା ଉପରେ ଆଖି ବୁଜି ଦେଇଛନ୍ତି ମିଠା କାରିଗର ଜମ୍ମୁ ସାହୁ । ମୃତ ଜମ୍ମୁ ସାହୁଙ୍କ ପତ୍ନୀ କହିଥିଲେ, ପୂର୍ବଶତ୍ରୁତାରୁ ଘଟିଛି ଏହି ହତ୍ୟାକାଣ୍ଡ । ଏପରିକି ହତ୍ୟାକାଣ୍ଡରେ ସମ୍ପୃକ୍ତ ୨ଜଣ ବ୍ୟକ୍ତିଙ୍କ ନାଁ ମଧ୍ୟ ସେ ନେଇଥିଲେ । ବଳରାମ ବେହେରା ଓ ଦିଲୁ ବେହେରାଙ୍କ ନାଁ ନେଇଥିଲେ ସେ ତଥାପି ପୋଲିସ ହତ୍ୟା ଘଟଣାର ଅଭିଯୁକ୍ତମାନଙ୍କୁ ଖୋଜି ପାଇନାହିଁ ।