ଯେବେ କେବିସି ମଞ୍ଚରେ ଅପମାନିତ ହେଲେ ଶାହାରୁଖ୍ । ନିଜକୁ ସମ୍ଭାଳିନେଲେ କିପରି?

କନକ ବ୍ୟୁରୋ: ‘କୌନ ବନେଗା କରୋଡପତି’ ଟିଭି ଜଗତର ସବୁଠୁ ଲୋକପ୍ରିୟ ଶୋ’ । ଏହି ଶୋ’ ମାଧ୍ୟମରେ ହଜାର ହଜାର ପ୍ରତିଯୋଗୀଙ୍କର ଭାଗ୍ୟ ବଦଳିଛି । ଏହାକୁ ସବୁବେଳେ ବିଗ୍ ବି ଅମିତାଭ ବଚ୍ଚନ ପରିଚାଳନା କରନ୍ତି । ହେଲେ କୌଣସି କାରଣବଶତଃ ତୃତୀୟ ସଂସ୍କରଣର ପରାଚାଳନା ଦାୟିତ୍ୱ ଥିଲା କିଙ୍ଗ ଖାନ୍ ଶାହାରୁଖଙ୍କ ଉପରେ । ହେଲେ ଏହି ସିଜିନରେ ଏପରି ଜଣେ ପ୍ରତିଯୋଗୀଙ୍କ ହାବୁଡରେ ପଡିଥିଲେ ଯିଏ ସଭାରେ ତାଙ୍କର ଘୋର ଅପମାନ କରିଥିଲେ । ହେଲେ କିପରି ଏପରି ଅସହଜ ପରିସ୍ଥିତିକୁ ସମ୍ଭାଳି ନେଇଥିଲେ ଶାହାରୁଖ?

କେବିସିର ତୃତୀୟ ସଂସ୍କରଣରେ ଯେବେ ବଚ୍ଚନଙ୍କ ବଦଳରେ ଶାହାରୁଖ ଆସିଲେ ଶୋ'ରେ ଅନେକ ପରିବର୍ତ୍ତନ ଦେଖିବାକୁ ମିଳିଥିଲା । ଶାହାରୁଖଙ୍କୁ ଅଜବ ଅଜବ ପରିସ୍ଥିତିର ସାମନା କରିବାକୁ ପଡିଥିଲା । ଏକ ଶୋ'ରେ ଜଣେ ମହିଳା ପ୍ରଫେସର ପ୍ରତିଯୋଗୀ ଭାବେ ଆସି ତାଙ୍କୁ ଅପମାନିତ କରିଥିଲେ । ଏପରି ଅପମାନିତ କରିଥିଲେ ଯେ ଶାହାରୁଖଙ୍କ ମୁହଁରେ ଯେପରି ତାଲା ପଡିଯାଇଥିଲା ।

ଶାହରୁଖ ଶୋ'ରେ ଅଭିନୟ କରିଥିବା ଅଧିକାଂଶ ପ୍ରତିଯୋଗୀଙ୍କୁ ଆଲିଙ୍ଗନ କରୁଥିଲେ। ଏହି ଘଟଣା ୨୦୦୭ ଏପ୍ରିଲ ୨୫ତାରିଖର। ଏହି ଶୋ'ରେ ଜଣେ ମହିଳା ପ୍ରଫେସର ମଧ୍ୟ ଥିଲେ। ସେ କିଙ୍ଗ ଖାନଙ୍କୁ କହିଥିଲେ ଯେ ସେ ତାଙ୍କ ଚଳଚ୍ଚିତ୍ର ଦେଖିଥିଲେ କିନ୍ତୁ ପ୍ରଥମେ ତାଙ୍କୁ ଜଣେ ଭଲ ଅଭିନେତା ବୋଲି ବିବେଚନା କରିନଥିଲେ। ତେବେ ପରେ ସେ ଶାହାରୁଖଙ୍କ ଶୈଳୀକୁ ଶମ୍ମି କପୁରଙ୍କ ଭଳି ବର୍ଣ୍ଣନା କରି ଆଖିକୁ ପ୍ରଶଂସା କରିଥିଲେ ।

ଶାହରୁଖ ଖାନଙ୍କୁ ମହିଳା ପ୍ରତିଯୋଗୀ ଅତ୍ୟନ୍ତ କଠୋର ବ୍ୟବହାର କରିଥିଲେ, କିନ୍ତୁ ଶାହାରୁଖ ଧୈର୍ୟ୍ୟ ଛାଡି ନଥିଲେ ଏବଂ ଶୋ'ରେ ତାଙ୍କୁ ବହୁତ ନରମ ବ୍ୟବହାର ଜାରି ରଖିଥିଲେ। ଧୈର୍ଯ୍ୟର ସହ ଅତି ସହଜ ବ୍ୟବହାର କରିଥିଲେ । ଏହାପରେ ମହିଳା ପ୍ରଫେସର ଜିତିଥିବା ଅର୍ଥର ଚେକକୁ ନେଇ ମହିଳାଙ୍କ ମା’ଙ୍କୁ ଦେବା ସହ ତାଙ୍କୁ ଆଲିଙ୍ଗନ କରିଥିଲେ । ଏହାପରେ ମହିଳା ପ୍ରତିଯୋଗୀଙ୍କ ମା’ ଶାହାରୁଖଙ୍କୁ ଆଶୀର୍ବାଦ ଦେଇଥିଲେ । ଏହି ଏପିସୋଡରେ ଶାହାରୁଖଙ୍କ ଧୈର୍ଯ୍ୟ ଓ ବଦାନ୍ୟତାକୁ ନେଇ ପ୍ରଶଂସକ ଖୁବ ପ୍ରଶଂସା କରିଥିଲେ ।