ଯେବେ ଭୋ ଭୋ ହୋଇ କାନ୍ଦିଥିଲେ କୋହଲି । ଦିଲ୍ଲୀର ସାଥୀ ଖେଳାଳୀ କହିଲେ ପୁରୁଣା କାହାଣୀ ।
କନକ ବ୍ୟୁରୋ : ଆଇପିଏଲ ୨୦୨୨ରେ ବିରାଟ କୋହଲିଙ୍କ ପ୍ରଦର୍ଶନ ନୈରାଶ୍ୟଜନକ ରହିଥିଲା । ଆରସିବି ପାଇଁ ସେଭଳି ବଡ ସ୍କୋର କରିବାରେ ବିଫଳ ହୋଇଥିଲେ କୋହଲି । ଏପରିକି ୨୦୨୨ ଆଇପିଏଲରେ ଲଗାତାର ୩ ଥର ଶୂନ ରନରେ ଆଉଟ ହେବା ପ୍ରଂଶସକଙ୍କୁ ବହୁତ ନିରାଶ କରିଥିଲା । ଏସବୁ ଭିତରେ ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ କମବ୍ୟାକ୍ କରିବେ କୋହଲି । ଆଉ ଏସବୁ ଭିତରେ ବିରାଟଙ୍କ ସାଥୀ ଖେଳାଳୀ ତଥା ଗୁଜୁରାଟ ଟାଇଟନ୍ସର ବୋଲର ପ୍ରଦୀପ ସଙ୍ଗୱନ କୋହଲିଙ୍କୁ ନେଇ ଏକ ପୁରୁଣା କଥାକୁ ମନେ ପକାଇଛନ୍ତି । ସଙ୍ଗୱନ ଓ କୋହଲି ୧୭ ବର୍ଷରୁ କମ ଦିଲ୍ଲୀ ଟିମ ପକ୍ଷରୁ ଖେଳୁଥିବା ବେଳେ ଟିମର କୋଚ ବିରାଟଙ୍କ ସହ ମଜା କରିବାକୁ ଯୋଜନା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସଙ୍ଗୱନ ଏକ ନ୍ୟୁଜ୍ ଚ୍ୟାନେଲକୁ ସାକ୍ଷାତକାର ଦେଇ କହିଛନ୍ତି, ଯେତେବେଳେ ଆମେ ଦିଲ୍ଲୀ ଟିମରୁ ଖେଳୁଥିଲୁ ସେତେବେଳେ କୋହଲି କିଛି ଇନିଂସରେ ରନ୍ କରିବାରେ ବିଫଳ ହୋଇଥିଲେ । ଦଳର କୋଚ ଅଜିତ ଚୌଧୁରୀ କୋହଲିଙ୍କୁ ଚିକୁ ବୋଲି ଡାକୁଥିଲେ । ବିରାଟ ମଧ୍ୟ ଦିଲ୍ଲୀ ଦଳର ମୁଖ୍ୟ କୋଚ ଥିଲେ । ସେତେବେଳେ ଅଜିତ କୋହଲିଙ୍କ ବ୍ୟତୀତ ଅନ୍ୟ ଖେଳାଳୀଙ୍କୁ ଏକାଠି କରି କୋହଲି ଆଗାମୀ ମ୍ୟାଚ୍ ଖେଳିବେ ନାହିଁ ବୋଲି କହିଥିଲେ । କିନ୍ତୁ ଏହା ବିରାଟଙ୍କୁ ବୋକା ବନାଇବା ପାଇଁ ଥିଲା । ଦଳର ସମସ୍ତ ଖେଳାଳୀ ଏହି ପ୍ଲାନରେ ମଧ୍ୟ ସାମିଲ ହୋଇଥିଲେ ।
ଦଳୀୟ ବୈଠକରେ ଟିମ୍ ଘୋଷଣା ହୋଇଥିଲା କିନ୍ତୁ ବିରାଟଙ୍କ ନାଁ ଅଜିତ୍ ନେଇନଥିଲେ । ଆଉ ଏହାପରେ ବିରାଟ ନିଜ ରୁମକୁ ଯାଇ ବହୁତ କାନ୍ଦିଥିଲେ । ପରେ କୋଚ୍ ଅଜିତଙ୍କୁ ଫୋନ୍ କରି ବିରାଟ କହିଥିଲେ ମୁଁ ତ ଭଲ ପ୍ରଦର୍ଶନ କରୁଛି । କେଉଁ ମ୍ୟାଚରେ ୨୦୦ ତ ପୁଣି କେଉଁ ମ୍ୟାଚରେ ୨୫୦ ରନ୍ କରିଥିଲି । ସେହି ସିଜିନରେ ବିରାଟ ବଡ ସ୍କୋର କରିଥିଲେ । ଏପରିକି ସେତେବେଳେ ବିରାଟ ଏତେ ଭାବୁକ ହୋଇଯାଇଥିଲେ ଯେ, ନିଜର ପିଲାଦିନର କୋଚଙ୍କୁ ଫୋନ୍ କରିଥିଲେ ।
ଏହି ଖବର ଶୁଣିବା ପରେ କୋହଲି ତୁରନ୍ତ ସଙ୍ଗୱନଙ୍କ ପାଖରେ ପହଞ୍ଚିବା ପରେ ନିଜର ପ୍ରଦର୍ଶନ ବାବଦରେ ପଚାରିଥିଲେ । ସେତେବେଳେ ହିଁ ସଙ୍ଗୱନ ପୂରା ଘଟଣା ଉପରୁ ପରଦା ହଟାଇଥିଲେ ଏବଂ କହିଥିଲେ ଆମେ ସମସ୍ତେ ତୁମ ସହ ମିଶି ମଜାକ କରିଥିଲୁ ।