ଯେତେବେଳେ ପାକିସ୍ତାନୀ ଛାତ୍ରୀ ପୁରା କ୍ଲାସ ସାମ୍ନାରେ ଗାଇଲେ ‘ଜନ ଗଣ ମନ’ ଓ ତା’ପରେ…
ପାକିସ୍ତାନରେ ରହୁଥିବା ପ୍ରତ୍ୟେକ ବାସିନ୍ଦାଙ୍କ ହୃଦୟରେ କେବଳ ଘୃଣା ଥାଏ ବୋଲି ଭାବୁଥିବା ଭାରତୀୟଙ୍କ ପାଇଁ ସତ୍ୟତା ସଂପୂର୍ଣ୍ଣ ଅଲଗା । ଆଜି ବି ପାକିସ୍ତାନରେ ବହୁତ ଏମିତି ଲୋକ ଅଛନ୍ତି, ଯାହା ଭାରତୀୟଙ୍କ ପ୍ରତି ସକାରାତ୍ମକ ଦୃଷ୍ଟିକୋଣ ରଖେ । ସେହି ଲୋକମାନଙ୍କୁ ଆଜି ବି ଆଶା ଅଛି ଯେ, ଭାରତ ଓ ପାକିସ୍ତାନ ମଧ୍ୟରେ ଦିନେ ନା ଦିନେ ସଂପର୍କ ଭଲ ହେବ । ଉଭୟ ଦେଶରେ ୧୯୦୬ ମସିହା ଭଳି ଭାଇଚାରା ଆସିବ । ପ୍ରକୃତରେ ୧୯୦୬ ମସିହାରେ ହିନ୍ଦୁ ଓ ମୁସଲିମ ମଧ୍ୟରେ ମତଭେଦ ସୃଷ୍ଟି କରୁଥିବା ମୁସଲିମ୍ ଲିଗ୍ ର ମୂଳଦୂଆ ରଖାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସେମିତି ଉଭୟ ଦେଶ ମଧ୍ୟରେ ଭାଇଚାରାର ସ୍ୱପ୍ନ ଦେଖୁଥିବା ଲୋକଙ୍କ ମଧ୍ୟରେ ଲାହୌର କଲେଜର ଛାତ୍ରୀ ଅମବରୀନ ରିୟାଜ ବି ଅଛନ୍ତି । ସେ ଏମିତି କିଛି କରିଦେଇଛନ୍ତି ଯେ, ଶତ୍ରୁଙ୍କ ମଧ୍ୟରେ ହଇଚଇ ସୃଷ୍ଟି ହୋଇଯାଇଛି । ସାରା ପାକିସ୍ତାନରେ ଏହା ବ୍ୟାପିଗଲାଣି । କିଛି ଦିନ ପୂର୍ବରୁ ଅମବରୀନ ନିଜ କ୍ଲାସରେ ସମସ୍ତ ସହପାଠୀଙ୍କ ଗହଣରେ ସମ୍ମାନର ସହିତ ଭାରତୀୟ ରାଷ୍ଟ୍ରଗୀତ ଜନ ଗଣ ମନ ଗାଇବା ଆରମ୍ଭ କଲେ । ରାଷ୍ଟ୍ରଗାନ ଶୁଣାଉଥିବାବେଳେ ତାଙ୍କ ଆଖି ବନ୍ଦ ଥିଲା । ସହପାଠୀଙ୍କ ଠାରୁ ପ୍ରତିକ୍ରିୟା ଶୁଣି ତାଙ୍କ ଆଖିରୁ ଲୁହ ଝରିପଡିଥିଲା । ପୁରା କ୍ଲାସରୁମ୍ କରତାଳିରେ ପ୍ରତିଧ୍ୱନିତ ହେଲା । ଅମବରୀନ ଯେତେବେଳେ ଟ୍ୱିଟ୍ କରି ତାଙ୍କର ଏହି ଖୁସି ପ୍ରକାଶ କଲେ , କିଛି ଲୋକ ତାଙ୍କ ପକ୍ଷ ନେଇଥିବା ବେଳେ କିଛି ଲୋକ ତାଙ୍କୁ ଚେତାବନୀ ଦେବା ଆରମ୍ଭ କଲେ । ଅମବରୀନ ଖୋଲି କି ଶାନ୍ତିର ଶତ୍ରୁଙ୍କୁ ଜବାବ ଦେବା ଆରମ୍ଭ କଲେ ।
ଅମବରୀନଙ୍କ ଏହି ପୋଷ୍ଟ ନା କେବଳ ପାକିସ୍ତାନ ବରଂ ଭାରତରେ ମଧ୍ୟ ଭାଇରାଲ ହେଉଛି । ବହୁଳ ସଂଖ୍ୟାରେ ଯୁବଗୋଷ୍ଠୀ ସାମନାକୁ ଆସି ଉଭୟ ଦେଶ ମଧ୍ୟରେ ଶାନ୍ତିର ବାର୍ତ୍ତା ଦେଉଛନ୍ତି ।