ଏଣିକି କେବଳ ଚାଟିଂ ନୁହେଁ ହ୍ୱାଟସଆପ ଜରିଆରେ ରୋଜଗାର କରିପାରିବେ ଟଙ୍କା ! ୟୁଜର୍ସଙ୍କୁ ଟ୍ରେନିଂ ଦେବ ହ୍ୱାଟସଆପ୍ ।
ଦିନକୁ ଦିନ ବଢିଚାଲିଛି ହ୍ୱାଟସଆପର ବ୍ୟବହାର । ତେବେ ଏପର୍ଯ୍ୟନ୍ତ ଆପଣ ହ୍ୱାଟସଆପରେ ନିଜ ପ୍ରିୟଜନଙ୍କ ସହ ଚାଟିଂ କରୁଥିବେ କିମ୍ବା ଫଟୋ, ଭିଡିଓ ଏବଂ ଅଡିଓ ସେୟାର କରୁଥିବେ । କିନ୍ତୁ ଏଣିକି ଏହି ଆପ ଜରିଆରେ ଆପଣ ଆପଣଙ୍କ ରୋଜଗାର ଦୁଇ ଗୁଣା କରିପାରିବେ । ଆଉ ସବୁଠାରୁ ବଡ କଥା ହେଉଛି, ଏଥିପାଇଁ ହ୍ୱାଟସଆପ ହିଁ ଆପଣଙ୍କୁ ଟ୍ରେନିଂ ଦେବ । ପ୍ରକୃତ କଥା ହେଉଛି, ହ୍ୱାଟସଆପ କିଛି ସମୟ ପୂର୍ବରୁ ହ୍ୱାଟସଆପ ବିଜନେସ୍ ଆରମ୍ଭ କରିଛି । ଆଉ ଏହା ଆପଣଙ୍କ ବର୍ତ୍ତମାନର ବ୍ୟବସାୟ ଏବଂ ଆୟକୁ ବଢାଇବାର ସୁଯୋଗ ପ୍ରଦାନ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଏଣିକି ହ୍ୱାଟସଆପ ଏହାକୁ ଚଲାଇବା ଏବଂ ଏହା ଜରିଆରେ ଆପଣଙ୍କୁ ଆପଣଙ୍କ ରୋଜଗାର ବଢାଇବାର ଟ୍ରେନିଂ ମଧ୍ୟ ଦେବ । ଆଉ ଏଥି ପାଇଁ ହ୍ୱାଟ୍ସଆପ୍ କଂଫେଡ୍ରେସନ ଅଫ୍ ଇଣ୍ଡିଆନ୍ ଇଣ୍ଡଷ୍ଟ୍ରୀ (ସିଆଇଆଇ) ସହ ଚୁକ୍ତି କରିଛି । ସିଆଇଆଇ ଅନୁଯାୟୀ, ଛୋଟ ବ୍ୟବସାୟୀଙ୍କ ବ୍ୟବସାୟ ବଢାଇବା ପାଇଁ ହ୍ୱାଟସଆପ୍ ସିଆଇଆଇର ଏସଏମଇ ଟେକ୍ନୋଲୋଜି ଫେସିଲିଟେସନ୍ ସେଣ୍ଟରର ବ୍ୟବହାର କରିବ । ଏହି ସେଣ୍ଟରକୁ ୨୦୧୬ ମସିହା ନଭେମ୍ବର ମାସରେ ଆରମ୍ଭ କରାଯାଇଥିଲା । ସିଆଇଆଇର କହିବା ଅନୁଯାୟୀ, ଏହି ଟ୍ରେନିଂ ସମୟରେ ହ୍ୱାଟସଆପ ବିଜନେସର ସଠିକ୍ ବାବହାର ସମ୍ପର୍କରେ ଅବଗତ କରାଇବ । ଏଥି ପାଇଁ କିଛି ଟ୍ରେନିଂ ଉପକରଣ ମଧ୍ୟ ଯୋଗାଇ ଦିଆଯିବ । ଯାହାକୁ ଆପଣ ସିଆଇଆଇର ୱେବସାଇଟ www.ciisme.inରେ ଯାଇ ନେଇପାରିବେ ।