ହ୍ୱାଟସଆପ ବ୍ୟବହାରକାରୀଙ୍କ ପାଇଁ ଖରାପ ଖବର ! କିଛି ମଡେଲର ମୋବାଇଲ ଫୋନରେ କାମ କରିବ ନାହିଁ ହ୍ୱାଟସଆପ, ଜାଣନ୍ତୁ କେବେଠାରୁ
ସବୁଠାରୁ ଲୋକପ୍ରିୟ ଇନଷ୍ଟାଣ୍ଟ ମେସେଜିଙ୍ଗ ଆପ୍ ହ୍ଵାଟ୍ସଆପ୍ ବ୍ୟବହାରକାରୀଙ୍କ ପାଇଁ ଖରାପ ଖବର । ଏବେ କିଛି ମଡ଼େଲର ମୋବାଇଲ ଫୋନରେ ହ୍ଵାଟ୍ସଆପ କାମ କରିବା ବନ୍ଦ କରିଦେବ ବୋଲି ସୂଚନା ମିଳିଛି । ସେଥିରେ ରହିଛି ଆପଲର ଆଇଓଏସ୍ ୭.୧.୨ ଏବଂ ତା’ଠାରୁ ପୁରୁଣା ଭର୍ସନ । ଆଇଓଏସ୍ ୭.୧.୨ ଏବଂ ତା’ଠାରୁ ପୁରୁଣା ଭର୍ସନରେ ଫେବୃଆରି ୧, ୨୦୨୦ ଠାରୁ ହ୍ଵାଟସଆପ୍ କାମ କରିବା ବନ୍ଦ କରିଦେବ ବୋଲି ଜଣା ପଡ଼ିଛି । ଆପଲର ଏହି ଭର୍ସନ ବ୍ୟବହାର କରୁଥିବା ଲୋକମାନେ ହ୍ଵାଟସଆପର ନୂଆ ଭର୍ସନକୁ ଇନଷ୍ଟଲ କରି ପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଆଇଓଏସ୍ ୭.୧.୨ ଏବଂ ତା’ଠାରୁ ପୁରୁଣା ଭର୍ସନରେ ଯଦି ହ୍ଵାଟସଆପ୍ ପୂର୍ବରୁ ଇନଷ୍ଟଲଡ଼୍ ଥିବ ତେବେ ତାହା କାମ କରିବ । କିନ୍ତୁ ଯଦି ବ୍ୟବହାରକାରୀ ଏହାକୁ ହଟାଇ ଆଉ ଥରେ ଇନ୍ଷ୍ଟଲ କରିବେ ତେବେ ତାହା କାମ କରିବ ନାହିଁ ବୋଲି ହ୍ଵାଟସଆପ୍ ସ୍ପଷ୍ଟ କରିଛି । ହ୍ଵାଟସଆପର ନୂଆ ଭର୍ସନ କେବଳ ଆପଲ ୮ ଏବଂ ଏହାର ଆଗକୁ ଆସିବାକୁ ଥିବା ଭର୍ସନରେ କାମ କରିବ । ଏହି ଖବରରୁ ସ୍ପଷ୍ଟ ହେଉଛି ଯେ ଯଦି ହ୍ଵାଟସଆପର ଆଗକୁ କିଛି ନୂଆ ଅପଡ଼େଟ୍ ଆସେ ତେବେ ଆଇଓଏସ୍ ୭.୧.୨ ଏବଂ ତା’ଠାରୁ ପୁରୁଣା ଭର୍ସନର ବ୍ୟବହାରକାରୀମାନେ ଏହାକୁ ନିଜ ଫୋନରେ ବ୍ୟବହାର କରି ପାରିବେ ନାହିଁ ।