ହ୍ୱାଟ୍ସଆପ୍ ପେ’ ୟୁଜର୍ସଙ୍କ ସଂଖ୍ୟା ଦୁଇ କୋଟି ଟପିଲା । ୟୁଜର୍ସଙ୍କ ସଂଖ୍ୟା ଦୁଇଗୁଣା ବଢାଇବାକୁ ବି ମିଳିଲା ଅନୁମତି!
କନକ ବ୍ୟୁରୋ: ଇନଷ୍ଟାଣ୍ଟ ମେସେଜିଂ ଆପ୍ ହ୍ୱାଟ୍ସଆପରେ କିଛି ମାସ ହେଲା ପେମେଣ୍ଟ ସର୍ଭିସ ଆରମ୍ଭ ହୋଇଛି । ଯାହାର ୟୁଜର୍ସ ସଂଖ୍ୟା ମାତ୍ର କିଛି ଦିନ ଭିତରେ ୨ କୋଟି ପାର୍ କରିଛି । ଆଉ ୟୁଜର୍ସ ସଂଖ୍ୟା ୨ କୋଟି ପାର୍ କରିବା ପରେ ହ୍ୱାଟ୍ସଆପ୍ କମ୍ପାନୀକୁ ମିଳିଛି ଏକ ଖୁସି ଖବର । ନ୍ୟାସନାଲ ପେମେଣ୍ଟ କର୍ପୋରେସନ ଅଫ୍ ଇଣ୍ଡିଆ (ଏନପିସିଆଇ) ଏବେ ହ୍ୱାଟ୍ସଆପ୍ ପେ’ର ୟୁଜର୍ସ ସୀମାକୁ ୪କୋଟିକୁ ବଢାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଉଛି, ୟୁପିଆଇ ଆଧାରିତ ପେମେଣ୍ଟ ସେକ୍ଟରରେ ପାଦ ଦେବା ପୂର୍ବରୁ ହ୍ୱାଟ୍ସଆପ୍ ପେ’କୁ କେବଳ ୨ କୋଟି ୟୁଜର୍ସଙ୍କ ବ୍ୟବହାର ପାଇଁ ସୀମା ରହିଥିଲା । ମିଳିଥିବା ରିପୋର୍ଟ ମୁତାବକ, କମ୍ପାନୀ ଏବେ ଏହି ଦୁଇ କୋଟି ୟୁଜର୍ସ ସୀମାକୁ ଛୁଇଁସାରିଛି । ଏହାପରେ କମ୍ପାନୀ ନିଜର ୟୁଜର୍ସ ଲିମିଟ୍ ବଢାଇବାକୁ ଅନୁମତି ମାଗିଥିବାବେଳେ ନ୍ୟାସନାଲ ପେମେଣ୍ଟ କର୍ପୋରେସନ ଅଫ୍ ଇଣ୍ଡିଆ (ଏନପିସିଆଇ) ଏହାକୁ ମଞ୍ଜୁରୀ ପ୍ରଦାନ କରିଥିବା ଖବର ମିଳିଛି । ଏନପିସିଆଇ ଏବେ ଏହି ୟୁଜର୍ସଙ୍କ ସଂଖ୍ୟାଙ୍କୁ ଡବଲ୍ କରିଦେଇଛି । ଅର୍ଥାତ ଏବେ ୪ କୋଟି ୟୁଜର୍ସ ନିଜ ମୋବାଇଲରେ ହ୍ୱାଟ୍ସଆପ୍ ପେ’ ବ୍ୟବହାର କରିପାରିବେ ।
ତେବେ ବର୍ତ୍ତମାନ ପର୍ଯ୍ୟନ୍ତ ହ୍ୱାଟ୍ସଆପ୍ କିମ୍ବା ନ୍ୟାସନାଲ ପେମେଣ୍ଟ କର୍ପୋରେସନ ଅଫ୍ ଇଣ୍ଡିଆ (ଏନପିସିଆଇ) ତରଫରୁ ଏନେଇ କୌଣସି ବିଧିବଦ୍ଧ ସୂଚନା ଦିଆଯାଇନାହିଁ । ହେଲେ ଜାତୀୟ ଗଣମାଧ୍ୟମରୁ ମିଳିଥିବା ରିପୋର୍ଟ ମୁତାବକ, ହ୍ୱାଟ୍ସଆପ ପେ’କୁ ନିଜର ୟୁଜର୍ସ ସୀମା ବଢାଇବାକୁ ଅନୁମତି ମିଳିସାରିଛି । କମ୍ପାନୀ ମଧ୍ୟ ଏନେଇ କାମ ଆରମ୍ଭ କରିଦେଇଛି ।
ଭାରତରେ ଅଧାରୁ ଅଧିକ ଲୋକ ହ୍ୱାଟ୍ସଆପ୍ ବ୍ୟବହାର କରିଥାନ୍ତି । କେବଳ ଭାରତରେ ହିଁ ହ୍ୱାଟ୍ସଆପର ୫୦ କୋଟିରୁ ଅଧିକ ୟୁଜର୍ସ ଅଛନ୍ତି । ତେବେ ୨ କୋଟି ୟୁଜର୍ସ ହ୍ୱାଟ୍ସଆପ୍ ପେ ବ୍ୟବହାର କରୁଥିଲେ ମଧ୍ୟ ଆଗକୁ ଏହି ସଂଖ୍ୟା ଯଥେଷ୍ଟ ବଢିବା ନେଇ ଆଶା କରାଯାଉଛି । ଏହାଫଳରେ ଅନ୍ୟ ଡିଜିଟାଲ ପେମେଣ୍ଟ ଆପ୍ କମ୍ପାନୀଙ୍କ ଚିନ୍ତା ବଢିଛି ।