ଘରୋଇ ହିଂସା ରୋକିବା ପାଇଁ ରାଜ୍ୟ ସରକାରଙ୍କ ପଦକ୍ଷେପ । ମହିଳା ଓ ଶିଶୁ କଲ୍ୟାଣ ବିଭାଗ ଜାରି କଲା ହ୍ୱାଟସଆପ୍ ନମ୍ବର, ତାଲାବନ୍ଦ ସମୟରେ ଘରୋଇ ହିଂସା ରୋକିବାକୁ ଉଦ୍ୟମ ।
କନକ ବ୍ୟୁରୋ: ଘରୋଇ ହିଂସା ରୋକିବା ପାଇଁ ପାଇଁ ସରକାରଙ୍କ ଗୁରୁତ୍ୱ । ଲକ୍ ଡାଉନ୍ ସମୟରେ ଘରୋଇ ହିଂସା ବଢିବା ଆଶଙ୍କା କରି ଏନେଇ ପଦକ୍ଷେପ ନେଇଛି ମହିଳା ଓ ଶିଶୁ କଲ୍ୟାଣ ବିଭାଗ । ଏନେଇ ଆଜି ଏକ ହ୍ୱାଟ୍ସଆପ ନମ୍ବର ଜାରି କରିଛି ବିଭାଗ । ଏହି ନମ୍ବରଟି ହେଉଛି – ୭୨୦୫୦୦୬୦୩୯ । ଘରୋଇ ହିଂସାର ଶୀକାର ହେଉଥିଲେ ଜଣେ ଏହି ନମ୍ବରରେ ମେସେଜ କରି ନିଜର ଅଭିଯୋଗ କରି ପାରିବ । ପୂର୍ବରୁ ମହିଳା ଓ ଶିଶୁ କଲ୍ୟାଣ ବିଭାଗ ଏକ ଟୋଲ୍ ଫ୍ରି ନମ୍ବର-୧୮୧ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟଟେ ଲକଡାଉନ ସମୟରେ ଘରୋଇ ହିଂସା ରୋକିବାକୁ କମିଶନରେଟ୍ ପୋଲିସର ମଧ୍ୟ ଗତାକାଲି ଏକ ଅଭିଯାନ ଆରମ୍ଭ କରିଛି । ନିର୍ଯ୍ୟାତନା ନେଇ ମହିଳା ଫୋନ କଲେ ଘରକୁ ଯିବ ପୋଲିସ୍ । ପ୍ରଥମେ କାଉନସେଲିଂ କରାଯିବ । ସମାଧାନ ନହେଲେ ମାମଲା ରୁଜୁ କରିବ ପୋଲିସ୍ ।
ଲକ୍ ଡାଉନ୍ ଯୋଗୁଁ ମହିଳାମାନେ ନିଜ ଘରେ ଅସୁରକ୍ଷିତ ରହୁଥିବାର ସୂଚନା ମିଳିଛି । କରୋନା ଭାଇରସକୁ ହରାଇବା ପାଇଁ ଲକ୍ ଡାଉନ୍ ଲଗାଯାଇଛି । କିନ୍ତୁ ଏହି ସମୟରେ ବହୁ ସଂଖ୍ୟାରେ ମହିଳାମାନେ ନିଜ ସାଥୀଙ୍କ ହିଂସାର ଶିକାର ହେଉଛନ୍ତି । ଗତ କିଛି ସପ୍ତାହ ଭିତରେ ମହିଳାମାନେ ଘରୋଇ ହିଂସାର ଆକ୍ରମଣ ହେଉଥିବାର ମାମଲା ଦ୍ରୁତଗତିରେ ବଢିଚାଲିଛି । ତେଣୁ ଏନେଇ ଚିନ୍ତା କମିଶନରେଟ୍ ପୋଲିସ୍ ଚିନ୍ତା ପ୍ରକଟ କରି ମହିଳାଙ୍କ ସୁରକ୍ଷା ପାଇଁ ସବୁ ଥାନାରେ ସ୍ୱତନ୍ତ୍ର ନମ୍ବର ଜାରି କରିବାକୁ ପ୍ରସ୍ତୁତି କରୁଥିବା କହିଥିଲେ ଭୁବନେଶ୍ୱର ଡିସିପି ।