ପଂଚାୟତ ଭୋଟରେ ପ୍ରସଙ୍ଗ କ’ଣ? ପଢନ୍ତୁ, କେଉଁ ଦଳ କଣ କହିଲା…
କନକ ବ୍ୟୁରୋ: ଆସନ୍ତାକାଲି ପ୍ରକାଶ ପାଇବ ବିଜେପିର ପଂଚାୟତ ନିର୍ବାଚନୀ ଇସ୍ତାହାର । ଦୁର୍ନୀତି ମୁକ୍ତ ଶାସନର ପ୍ରତିଶ୍ରୁତି ଦେଇ ପଂଚାୟତ ନିର୍ବାଚନ ପାଇଁ ଇସ୍ତାହାର ପ୍ରକାଶ କରିବ ବିଜେପି । ସେପଟେ ସରକାରଙ୍କ ଯୋଜନା ଲୋକଙ୍କ ପାଖରେ ପହଂଚାଇବ ହେବ ବିଜେଡିର ପ୍ରମୁଖ ରଣନୀତି । ଅପରପକ୍ଷରେ ଦୁଇ ଦଳର ମିଛକୁ ପ୍ରସଙ୍ଗ କରିବ ବୋଲି କହିଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
ବିଜେପି ନେତା ପୃଥୀରାଜ ହରିଚନ୍ଦନ କହିଛନ୍ତି, ରାଜ୍ୟ ସରକାରଙ୍କ ପଞ୍ଚାୟତରାଜ ବିଭାଗ ଏକ ଅଚଳ ବିଭାଗରେ ପରିଣତ ହୋଇଛି । ତୃଣମୂଳ ସ୍ତରରେ ଯେଉଁ ବିକାଶ ହେବା କଥା ହେଉନି । ଘରକୁ ଘରକୁ ଯାଇ ଲୋକଙ୍କ ପାଖରେ ପହଞ୍ଚିବା ବିଜେପିର ପ୍ରମୁଖ ରଣନୀତି ରହିବ ।
ସେହିପରି ବିଜେଡି ନେତା ଦେବୀ ମିଶ୍ର କହିଛନ୍ତି, ଇସ୍ତାହାର ଘୋଷଣା କଲେ ହେବନି, କାମରେ କରି ଦେଖାଅ । ଆମ କାମ ହେଉଛି ଆମ ବିକାଶ । ପ୍ରତିଶ୍ରୁତିଟା କେବଳ ପାଣିର ଗାର ହୋଇ ରହିଯାଉଛି । ଆମେ ପ୍ରତିଶ୍ରୁତି ଦେଉନା, କାମ କରି ଦେଖାଉ ।
କଂଗ୍ରେସ ନେତା ଦେବାଶିଷ ପଟ୍ଟନାୟକ କହିଛନ୍ତି, ବିଜେଡିର କାଉଣ୍ଟ ଡାଉନ ଆରମ୍ଭ ହୋଇଯାଇଛି । ବହୁତ ଭୋଟରେ ହାରିବ ବିଜେଡି । ଅତିତରେ କଂଗ୍ରେସ ଅନେକ ଉନ୍ନୟନ ମୂଳକ କାମ କରିଛି । ହେଲେ ଆମେ ତାକୁ ଭୋଟରେ ପରିବର୍ତ୍ତନ କରିନାହୁଁ । ଏବେ ଯେଉଁ ବିକାଶ ହେଉଛି ସେଥିରେ ସାଘାଂତିକ ଦୁର୍ନିତୀ ରହିଛି ।