ନୀଳ ନୁହେଁ ‘ନୀଳ ଜହ୍ନ’ ! ଗୋଟିଏ ଇଂରାଜୀ ମାସର ଦ୍ୱିତୀୟ ପୂର୍ଣ୍ଣିମାକୁ ବ୍ଲୁମୁନ୍ ଭାବେ ଆଖ୍ୟା ଦିଅନ୍ତି ବିଜ୍ଞାନୀ, ବଦଳେନାହିଁ ଚନ୍ଦ୍ରର ରଙ୍ଗ ।
କନକ ବ୍ୟୁରୋ: ଚଳିତ ବର୍ଷ କୁମାର ପୂର୍ଣ୍ଣିମାରେ ତୋଫା ଜହ୍ନକୁ ନେଇ ବଢିଛି ଚର୍ଚ୍ଚା । ଆକାଶ ବିଜ୍ଞାନୀ ନୀଳ ଜହ୍ନ କଥା କହିବା ପରେ ଏହି ଚର୍ଚ୍ଚା ଜୋର ଧରିଛି । ତେବେ ବାସ୍ତବରେ ନୀଳ ଜହ୍ନ କ’ଣ ?
Kanak News is now on WhatsApp
Join and get latest news updates delivered to you via WhatsApp
ନୀଳ ନୁହେଁ ‘ନୀଳ ଜହ୍ନ’
ଆକାଶରେ ଝଟକୁଛି ଧଳା ଜହ୍ନ
ଗୋଟିଏ ଇଂରାଜୀ କ୍ୟାଲେଣ୍ଡର ମାସରେ ଦୁଇଟି ପୂର୍ଣ୍ଣିମା ପଡିଲେ, ଦ୍ୱିତୀୟ ପୂର୍ଣ୍ଣିମାର ଚନ୍ଦ୍ରକୁ ନୀଳ ଜହ୍ନ ବା ବ୍ଲୁ ମୁନ୍ କୁହାଯାଏ । ବାସ୍ତବରେ ଜହ୍ନର ରଙ୍ଗରେ କୌଣସି ପରିବର୍ତନ ହୁଏ ନାହିଁ । ଏହା କେବଳ ଦ୍ୱିତୀୟ ପୂର୍ଣ୍ଣିମାକୁ ଚିହ୍ନଟ କରିବା ପାଇଁ ବ୍ୟାଖ୍ୟା ମାତ୍ର ।
ଦୁଇଟି ପୂର୍ଣ୍ଣିମା ମଧ୍ୟରେ ୨୯.୫ ଦିନର ବ୍ୟବଧାନ ରହିଥାଏ । ଫଳରେ ଫେବୃଆରୀ ବ୍ୟତୀତ ଅନ୍ୟ ମାସରେ ନୀଳ ଜହ୍ନ ଦେଖାଯିବା ସମ୍ଭାବନା କମ୍ । ହିସାବ ଅନୁସାରେ ୩୧ ତାରିଖ ବିଶିଷ୍ଟ ମାସରେ ଏହି ସମ୍ଭାବନା ଅଧିକ ରହିଛି । ତେବେ ବିଶେଷଜ୍ଞଙ୍କ ମତରେ ୩୧ ଦିନ ଥିବା ମାସରେ ଏକ ନୀଳଜହ୍ନ ୨ରୁ ୩ ବର୍ଷ ମଧ୍ୟରେ ହୁଏ । ଏପରି ନୀଳଜହ୍ନ ଗତ ୨୦୧୮ ଜାନୁଆରୀ ଓ ମାର୍ଚ୍ଚ ମାସରେ ପଡିଥିଲା । ଏଭଳି ୩୧ ଦିନିଆ ମାସରେ ଦ୍ୱିତୀୟ ପୂର୍ଣ୍ଣିମୀ ଆସନ୍ତା ୨୦୨୩ ଅଗଷ୍ଟ ମାସରେ ଦେଖିବାକୁ ମିଳିବ । ତେବେ ୩୦ ଦିନିଆ ମାସରେ ଶେଷ ବ୍ଲୁମୁନ୍ ୨୦୦୭ ଜୁନ୍ ୩୦ରେ ପଡିଥିଲା ଏବଂ ପରବର୍ତୀ ଏଧରଣର ପୂର୍ଣ୍ଣିମା ୨୦୫୦ ସେପ୍ଟେମ୍ବର ୩୦ରେ ଦେଖାଯିବ ।
ଚଳିତ ନୀଳଜହ୍ନ ଖ୍ରୀଷ୍ଟ ଧର୍ମାବଳମ୍ବୀଙ୍କ ପାଇଁ ବେଶ୍ ବିରଳ । କାରଣ ସେମାନେ ହାଲୋଇନ୍ ପର୍ବ କରୁଥିବା ବେଳେ ଏହି ପୂର୍ଣ୍ଣିମା ଘଟୁଛି । ଶେଷ ଥର ପାଇଁ ୧୯୪୪ ମସିହା ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଏହି ପର୍ବ ଦିନ ନୀଳଜହ୍ନ ପଡିଥିଲା ।