ଆଫଗାନର ନୂଆ ମୁଖିଆଙ୍କ ଉପରେ ଭାରତର ନଜର । କ’ଣ ଆଭିମୁଖ୍ୟ ରଖିବେ ମୁଲ୍ଲା ବରାଦର?

137

କନକ ବ୍ୟୁରୋ: ଗତ ତିନିବର୍ଷରୁ ଅଧିକ ସମୟ ଧରି ତାଲିବାନର ମୁଖ୍ୟ ଚେହେରା ଭାବେ ଜଣା ଯାଉଥିବା ମୁଲ୍ଲା ଅବଦୁଲ ଘନି ବରାଦର ଏବେ ଆଫଗାନିସ୍ତାନରେ ତାଲିବାନ ସରକାରର ନେତୃତ୍ୱ ନେବାକୁ ଯାଉଛନ୍ତି । ତେବେ ଭାରତ ପ୍ରତି ତାଙ୍କ ଆଭିମୁଖ୍ୟ କିପରି ରହିବ ତାହାକୁ ନେଇ ଚିନ୍ତାରେ ଭାରତ ସରକାର । ତାଲିବାନ ପାଇଁ ଅନ୍ତର୍ଜାତୀୟ ଦରବାରରେ ପକ୍ଷ ରଖୁଥିବା ବରାଦର ଭାରତ ପ୍ରତି ନରମ ନା କଠୋର ମନୋଭାବ ରଖିବେ, ତା ଉପରେ ଭାରତୀୟ କୂଟନୀତିଜ୍ଞମାନେ ନଜର ରଖିଛନ୍ତି ।

ଆଫଗାନିସ୍ତାନର ନୂଆ ସରକାରରନେତୃତ୍ୱ ନେବାକୁ ଯାଉଥିବା ମୁଲ୍ଲା ଅବଦୁଲ ଘନି ବରାଦରଙ୍କ କଣ ରହିଛି ଇତିହାସ ନଜର ପକାନ୍ତୁ…

  • ମୁଲ୍ଲା ବରାଦରଙ୍କ ଜନ୍ମ ୧୯୬୮ ମସିହା ଆଫଗାନିସ୍ତାନର ଉରୁଜଗାନ ରାଜ୍ୟରେ
  • ସେ ତାଲିବାନର ସହ ପ୍ରତିଷ୍ଠାତା । ଏହାସହ ଏବେ ତାଲିବାନର ଦ୍ୱିତୀୟ ନମ୍ବର ନେତା
  • ୧୯୯୪ରେ ତାଲିବାନ ଗଠନରେ ପ୍ରମୁଖ ଭୂମିକା ନିର୍ବାହ କରିଥିଲେ ବରାଦର
  • ୧୯୯୬ରୁ ୨୦୦୧ ଯାଏଁ ଆଫଗାନିସ୍ତାନରେ ତାଲିବାନ ରାଜୁତି ସମୟରେ ବରାଦର ଉପ-ପ୍ରତିରକ୍ଷାମନ୍ତ୍ରୀ ପଦ ତୁଲାଇଥିଲେ
  • ୨୦୦୧ରେ ଆଫଗାନିସ୍ତାନରେ ଆମେରିକାର ଆକ୍ରମଣ ପରେ ବରାଦର ପାକିସ୍ତାନକୁ ଫେରାର ହୋଇଯାଇଥିଲା
  • ପାକିସ୍ତାନରେ ରହି ଆମେରିକା ବିରୋଧରେ ସେନା ପ୍ରସ୍ତୁତ କରୁଥିଲେ ବରାଦର
  • ଏହାପରେ ୨୦୧୦ରେ ପାକିସ୍ତାନ କରାଚିରୁ ତାଙ୍କୁ ଗିରଫ କରିିଥିଲା ପାକିସ୍ତାନୀ ସେନା
  • ୮ ବର୍ଷ ଜେଲରେ ରହିବା ପରେ ବରାଦରଙ୍କୁୁ ମୁକ୍ତି ମିଳିଥିଲା
  • ତାଲିବାନ ତରଫରୁ ଆମେରିକା ସହ ଶାନ୍ତି ଚୁକ୍ତିନାମା ସ୍ୱାକ୍ଷର କରିଥଲେ ବରାଦର

ତେବେ ମୁଲ୍ଲା ବରାଦର ତାଲିବାନର ଅପେକ୍ଷାକୃତ ନରମପନ୍ଥୀ ନେତା ଭାବେ ପରିଚିତ । ତାଲିବାନର ସହ ପ୍ରତିଷ୍ଠାତା ଭାବେ ତାଙ୍କ କଥାକୁ ତାଲିବାନୀମାନେ ଶୁଣିଥାନ୍ତି ।