କନକ ବ୍ୟୁରୋ : ବଡ ବଡ ଟେକ୍ନୋଲୋଜି ଷ୍ଟାଟଅପ୍ଗୁଡିକୁ ଋଣ ପ୍ରଦାନ କରି ଚର୍ଚ୍ଚାକୁ ଆସିଥିବା ଆମେରିକାର ସିଲିକନ ଭ୍ୟାଲି ବ୍ୟାଙ୍କ ବୁଡିଯିବା ପରେ ସାରା ବିଶ୍ୱ ସେୟାର ବଜାର ପ୍ରଭାବିତ ହୋଇଛି । ଭାରତ, ଆମେରିକା, ଚୀନ ସମେତ ବ୍ରିିଟେନ, କାନାଡା,ସିଙ୍ଗାପୁରର ଷ୍ଟାଟଅପ କମ୍ପାନୀଗୁଡିକ ଛାନିଆ ହୋଇପଡିଛନ୍ତିି ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କ ବନ୍ଦ ହେବା ଯୋଗୁ ସାରା ବିଶ୍ୱର ନିଜର ବ୍ରାଞ୍ଚ ଖୋଲିଥିବା ଏହି ବ୍ୟାଙ୍କର ପ୍ରାୟ ୧୭ ହଜାର ୫୦୦ କୋଟି ଗ୍ରାହକ ଚିନ୍ତାରେ ପଡିଯାଇଛନ୍ତି । ୨୦୦୮ ମସିହା ପରଠୁ ବ୍ୟାଙ୍କିଙ୍ଗ୍ ସେକ୍ଟରରେ ଏହା ବଡ ବିଫଳତା ବୋଲି କୁହଯାଉଛି । ଆମେରିକା କାର୍ଲିଫର୍ଣ୍ଣିଆରେ ଥିବା ଏହି ଘରୋଇ ବ୍ୟାଙ୍କ୍ ବୁଡିଯିବା ପରେ ଅର୍ଥନୀତି ଉପରେ ଏହାର କ’ଣ ପ୍ରଭାବ ରହିବ ତାହା ଏପର୍ଯ୍ୟନ୍ତ ସଠିକ୍ ଭାବେ ଆକଳନ କରାଯାଇନାହିଁ ।
ଭାରତ ସମେତ ଅନ୍ୟ ଦେଶଗୁଡିକ ଏହା ଉପରେ ନଜର ରଖଛନ୍ତି । ବିଶେଷକରି ବିଶ୍ୱ ବ୍ୟାଙ୍କିଙ୍ଗ୍ ସେକ୍ଟରରେ ସେୟାର ମୂଲ୍ୟ ତଳକୁ ଖସିଯାଇଛି । ୨୦୦୩ରୁ ଭାରତରେ ପେଟିଏମ୍, ଇନମୋବି, କାରୱାଲେ, ବ୍ଲ୍ୟୁଷ୍ଟୋନ ଭଳି ୨୦ରୁ ଅଧିକ ଷ୍ଟାଟଅପରେ ପୁଞ୍ଜି ନବେଶ କରିଥିଲା ସିଲିକନ ଭ୍ୟାଲି । ଏବେ କମ୍ପାନୀ ବୁଡିଯିବାରୁ ଭାରତରେ ସେୟାର ବଜାର ତଳକୁ ଖସିଥିବା ଦେଖିବାକୁ ମିଳିଛି ।
କାହିଁକି ବୁଡିଗଲା ସିଲିକନ ଭ୍ୟାଲି ବ୍ୟାଙ୍କ ?
– ଏହି ବ୍ୟାଙ୍କଠୁ ଋଣ ନେଇଥିବା ବଡ ବଡ କମ୍ପାନୀଗୁଡିକର ସେୟାର ମୂଲ୍ୟ କମିବା
– ଟେକ୍ନୋଲୋଜି ଷ୍ଟାଟଅପଗୁଡିକରେ ବ୍ୟାଙ୍କ ବିପୁଳ ପରିମାଣରେ ବିନିଯୋଗ କରିଥିଲା
– କୋଭିଡ ମହାମାରୀ ଯୋଗୁ ଏହି ଷ୍ଟାଟଅପ କମ୍ପାନୀଗୁଡିକର ବେପାର ଭଲ ହୋଇନଥିଲା
– ତେଣୁ ବ୍ୟାଙ୍କରେ ନିବେଶ କରିଥିବା ଅଧିକାଂଶ ଗ୍ରାହକ ସେମାନଙ୍କ ପୁଞ୍ଜି ପ୍ରତ୍ୟାହାର କରିନେଇଥିଲେ
– କମ୍ପାନୀର ସେୟାର ମୂଲ୍ୟ କମିବାରୁ ବାଧ୍ୟ ହୋଇ ନିଜର କିଛି ସେୟାର ବିକ୍ରି କରିଥିଲା ସିଲିକନ ଭ୍ୟାଲି
– ଫଳରେ ପ୍ରାୟ ୧୬ ହଜାର ୪୦୪ କୋଟି ଟଙ୍କା କ୍ଷତି ସହିଥିଲା କମ୍ପାନୀ
– ସିଲିକନ ଭ୍ୟାଲି ବ୍ୟାଙ୍କର ପ୍ରାୟ ୬୦ ପ୍ରତିଶତ ସେୟାର ମୂଲ୍ୟ କମିଯାଇଥିବା
– ବ୍ୟାଙ୍କ ବୁଡିଯାଇଥିଲେ ଗ୍ରାହକଙ୍କ ଟଙ୍କା ସୁରକ୍ଷିତ ଥିବା କହିଛି ଫେଡେରାଲ ଡିପୋଜିଟ୍ ଇନସ୍ୟୁରାନ୍ସ କୋଅପରେସନ୍ (ଏଫ୍ଡିଆଇସି)
– ଏଫଡିଆଇସି ‘ନ୍ୟାସନାଲ ବ୍ୟାଙ୍କ ଅଫ ସାଂଟା କ୍ଲାରା’ ନାମକ ଏକ ନୂଆ ବ୍ୟାଙ୍କ ଖୋଲି ତାକୁ ସିଲିକଲ ଭ୍ୟାଲିର ସବୁ ସମ୍ପତି ଦେଇଛି
– କିନ୍ତୁ ବ୍ୟାଙ୍କର ୧୭ ହଜାର ୫୦୦ କୋଟି ଗ୍ରାହକ ସେମାନଙ୍କ ପୁଞ୍ଜିକୁ ନେଇ ଚିନ୍ତାରେ ଅଛନ୍ତିି