ଏନଡିଏରେ ଟିଡିପିର ମୁଖ୍ୟ ଭୂମିକା । ମୋଦୀଙ୍କ ସହ ବଡ ମୂଲଚାଲ କରିପାରନ୍ତି ଚନ୍ଦ୍ରବାବୁ ନାଇଡୁ । କ’ଣ କରିବେ ଦାବି?
କନକ ବ୍ୟୁରୋ: ୨୦୨୪ ସାଧାରଣ ନିର୍ବାଚନର ଫଳାଫଳ ଆସିସାରିଛି । ବିଜେପିର ନେତୃତ୍ୱରେ ଏନଡିଏ ହ୍ୟାଟ୍ରିକ ବିଜୟ ହାସଲ କରିଛି । ଯଦିଓ ବିଜେପିକୁ ବହୁମତ ମିଳିପାରିନାହିଁ । ଏଭଳି ସ୍ଥିତିରେ ବିଜେପିକୁ ନିଜ ସହଯୋଗୀ ଦଳଙ୍କ ଉପରେ ନିର୍ଭର କରିିବାକୁ ପଡୁଛି । ତେଲଗୁ ଦେଶମ୍ ପାର୍ଟି ( ଟିଡିପି ) ଓ ଜେଡିୟୁ ଭରସାରେ ମୋଦୀ ସରକାର ବନିବାକୁ ଯାଉଛି । କିନ୍ତୁ ମୋଦୀଙ୍କ ତୃତୀୟ ଟର୍ମ ପାଇଁ ଚନ୍ଦ୍ରବାବୁ ନାଇଡୁ ଓ ନୀତିଶ କୁମାରଙ୍କ ଗୁରୁତ୍ୱପୂର୍ଣ୍ଣ ଭୂୁମିକା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଯଦିଓ ଟିଡିପି ଏନଡିଏର ଅଂଶ କିନ୍ତୁ ଏଥର କିନ୍ତୁ ଯେହେତୁ ବିଜେପି ବହୁମତ ହାସଲ କରିନାହିଁ ତେଣୁ ସରକାର ଗଠନ ହେବାରେ ଚନ୍ଦ୍ରବାବୁଙ୍କ ସହଯୋଗ ଆଶା କରିବ ବିଜେପି । କିନ୍ତୁ ଏହା ବଦଳରେ ମୋଦୀଙ୍କ ସହ ବଡ ଡିଲ କରିପାରନ୍ତି ଚନ୍ଦ୍ରବାବୁ । ଆଜି ଅପରାହ୍ନରେ ଏନଡିଏର ବୈଠକ ପାଇଁ ଦିଲ୍ଲୀ ଆସୁଛନ୍ତି ଚନ୍ଦ୍ରବାବୁ । ଏହି କ୍ରମରେ ମୋଦୀଙ୍କ ପାଖରେ ବିଶେଷ କରି ୨ଟି ମୁଖ୍ୟ ଦାବି ରଖିପାରନ୍ତି । ପ୍ରଥମତଃ ମୋଦୀ ସରକାରରେ ନିଜ ଦଳର ଅତି କମରେ ୫ଜଣଙ୍କ ମନ୍ତ୍ରୀ ପଦ ମିଳିବା ଓ ଦ୍ୱିତୀୟରେ ଆନ୍ଧ୍ରପ୍ରଦେଶକୁ ସର୍ବାଧିକ ଆର୍ଥିକ ସହୟତା । ତେବେ ଆଜି ଦିଲ୍ଲୀ ଗସ୍ତରେ ଥିବାବେଳେ ଜୁନ୍ ୯ ତାରିଖରେ ନିଜର ଶପଥ ଗ୍ରହଣ ଉତ୍ସବକୁ ମୋଦୀଙ୍କୁ ନିମନ୍ତ୍ରଣ ଦେବେ ବୋଲି ସୂଚନା ରହିଛି ।