ପଶ୍ଚିମବଙ୍ଗରେ ନିର୍ବାଚନୀ ହିଂସା ! ଆସନସୋଲରେ ବିଜେପି କାର୍ଯ୍ୟକର୍ତ୍ତାଙ୍କ ଉପରେ ଲାଠିଚାର୍ଜ ,ବାବୁଲ୍ ସୁପ୍ରିୟୋଙ୍କ ହଙ୍ଗାମା
ଲୋକସଭା ନିର୍ବାଚନ ୨୦୧୯ ର ଚତୁର୍ଥ ଚରଣ ପାଇଁ ଆଜି ଦେଶରେ ୭୨ ଟି ସିଟରେ ମତଦାନ ଜାରି ରହିଛି । ପଶ୍ଚିମବଙ୍ଗର ୮ ଟି ସିଟରେ ମଧ୍ୟ ସକାଳୁ ସକାଳୁ ମତଦାନ ଆରମ୍ଭ ହୋଇଯାଇଥିଲା । ଏହି ସମୟରେ ଅନେକ କ୍ଷେତ୍ରରେ ଇଭିଏମରେ ଗଡବଡ ଥିବା ଖବର ଆସୁଛି । ଅନ୍ୟପକ୍ଷରେ ଶାନ୍ତିପୁରରେ ଏକ ଭୋଟରଙ୍କ ଘର ଆଗରୁ ଦେଶୀ ବୋମା ଜବତ କରାଯାଇଛି । ଏହାପୂର୍ବରୁ ପଶ୍ଚିମବଙ୍ଗରେ ଏଭଳି ଅନେକ ହିଂସା ଦେଖାଯାଇଛି । ପଶ୍ଚିମବଙ୍ଗର ଆସନସୋଲ୍ ରେ ସକାଳୁ ସକାଳୁ ହିଂସା ଉପୁଜିଥିବାର ଖବର ଆସିଥିଲା । ବିଜେପି ଏବଂ ଟିଏମସିର ସମର୍ଥକମାନେ ସକାଳୁ ଏଠାରେ ସାମ୍ନାସାମ୍ନି ହୋଇ ନାରାବାଜୀ କରିଥିଲେ । ଯେଉଁଥିରେ ସ୍ଥାନୀୟ ପୋଲିସ୍ ମଧ୍ୟ ଅତିଷ୍ଟ ହୋଇ ଲାଠିଚାର୍ଜ କରିଛି । ଏଠାରେ ବିଜେପି ନେତା ବାବୁଲ୍ ସୁପ୍ରିଓ ମଧ୍ୟ ଗଣମାଧ୍ୟମ ସହ ଯୁକ୍ତିତର୍କ କରିବା ଦେଖାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
West Bengal: BJP MP candidate from Asansol, Babul Supriyo’s car vandalised in Asansol. A TMC polling agent says, there is no BJP polling agent here. pic.twitter.com/kBNmpXCvPD
— ANI (@ANI) April 29, 2019
ବାବୁଲ୍ ସୁପ୍ରିଓଙ୍କ କହିବା ମୁତାବକ ସେ ନିଜେ ବୁଥ୍ ପର୍ଯ୍ୟନ୍ତ ସେଣ୍ଟ୍ରାଲ୍ ଫୋର୍ସଙ୍କୁ ନେଇଯିବେ । ସେ କହିଛନ୍ତି ଯେ ମମତା ବାନାର୍ଜୀ ଡରିଯାଇଛନ୍ତି । ଏହି କାରଣରୁ ମତଦାନ ମଧ୍ୟ ପ୍ରଭାବିତ ହେଉଛି । ଆସନସୋଲରେ ଏଭଳି ଅନେକ ବୁଥ୍ ଅଛି ଯେଉଁଠି ସେଣ୍ଟ୍ରାଲ୍ ଫୋର୍ସ ନାହାନ୍ତି । ଏହି ବୁଥରେ ବୁଥ୍ ନମ୍ବର ୧୦୩,୧୦୪,୧୦୬ ଏବଂ ୧୦୭ ସମେତ ଅନେକ ବୁଥ୍ ସାମିଲ୍ ରହିଛି । କୁହାଯାଉଛି କି ପ୍ରଥମେ ଏଠାରେ ସେଣ୍ଟ୍ରାଲ୍ ଫୋର୍ସ ଥିଲେ । କିନ୍ତୁ ରାତାରାତି ଏଠାରେ ମହିଳା ପୋଲିସଙ୍କୁ ଡ୍ୟୁଟିରେ ଲଗାଯାଇଥିଲା । ଆପଣଙ୍କୁ କହିରଖୁଛୁ ଯେ ଚଳିତ ନିର୍ବାଚନରେ ବିଜେପି ତରଫରୁ ବାବୁଲ୍ ସୁପ୍ରିୟୋ ମଇଦାନରେ ଓହ୍ଲାଇଛନ୍ତି । ତାଙ୍କ ମୁକାବିଲା ଟିଏମସିର ମୁନମୁନ୍ ସେନଙ୍କ ସହିତ ରହିଛି । ବାବୁଲ୍ ସୁପ୍ରିୟୋ ଗତ ୫ ବର୍ଷ ଧରି ବଙ୍ଗଳା ସରକାରଙ୍କ ବିପକ୍ଷରେ ଠିଆ ହୋଇଛନ୍ତି ।
Union Minister&BJP candidate from Asansol Babul Supriyo: I will myself take the central forces to that polling station. It is very good that people in West Bengal are aware&they want central forces so that they can cast their vote. This is why Mamata Banerjee is scared. pic.twitter.com/mYmeKRAWH1
— ANI (@ANI) April 29, 2019