କନକ ବ୍ୟୁରୋ : ପଶ୍ଚିମବଙ୍ଗ ସରକାର ଏବେ ରାସନ କାର୍ଡଧାରୀଙ୍କ ଘର ପାଖରେ ରାସନ ପହଂଚାଇବାକୁ ଯୋଜନା କରିଛି । ଏନେଇ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର ଦିନ ‘ଦୁଆରେ ରାସନ’ ଯୋଜନାର ଉଦଘାଟନ କରିଛନ୍ତି । ଏହି ଉଦଘାଟନୀ ସମାରୋହରେ ମମତା କହିଛନ୍ତି କି ଏହାଦ୍ୱାରା ରାଜ୍ୟର ୧୦ କୋଟି ହିତାଧିକାରୀ ଲାଭବାନ ହେବେ । ଅନ୍ୟପଟେ ପଶ୍ଚିମବଙ୍ଗ ସରକାର ରାସନ ଡିଲରଙ୍କ କମିଶନ ୭୫ ଟଙ୍କାରୁ ୧୫୦ ଟଙ୍କାକୁ ବୃଦ୍ଧି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ମମତା ବାନାର୍ଜୀ ନେତାଜୀ ଇଣ୍ଡୋର ଷ୍ଟାଡିୟମରେ ଯୋଜନାର ଶୁଭାରମ୍ଭ କରି କହିଛନ୍ତି କି ‘ଦୁଆରେ ରାସନ’ ଯୋଜନାରେ ରାଜ୍ୟର ୧୦ କୋଟି ଲୋକଙ୍କୁ ସହାୟତା ମିଳିବ । ଏହାକୁ ସମସ୍ତ ରାସନ ଡିଲର ସଫଳ କରିବାକୁ ସେ ଅନୁରୋଧ କରିଛନ୍ତି । ସେ କହିିଛନ୍ତି କି ଅନ୍ୟ ରାଜ୍ୟମାନେ ପଶ୍ଚିମବଙ୍ଗର ଯୋଜନାକୁ ଅନୁକରଣ କରିବାକୁ ଚେଷ୍ଟା କରୁଛନ୍ତି । କହିରଖୁ କି ଚଳିତ ବର୍ଷ ପଶ୍ଚିମବଙ୍ଗ ବିଧାନସଭା ନିର୍ବାଚନ ପୂର୍ବରୁ ଏହି ଯୋଜନାର ଘୋଷଣା କରିଥିଲେ । ଏହି କ୍ରମରେ ରାସନ ଡିଲରମାନେ ଏବେ ହିତାଧିକାରୀଙ୍କ ଘର ପାଖରେ ରାସନ ପହଂଚାଇବେ ।
ସଭାରେ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି କି, ଡିଲରମାନେ ଲୋକମାନଙ୍କ ପାଖରେ ରାସନ ପହଂଚାଇବା ଠାରୁ ଆରମ୍ଭ କରି ଗାଡି କିଣିବା ପର୍ଯ୍ୟନ୍ତ ପାଖା ପାଖି ୨୧ ହଜାର ରାସନ ଡିଲରଙ୍କୁ ୧ ଲକ୍ଷ ଟଙ୍କା ଲେଖାଏଁ ସହାୟତା ଯୋଗାଇ ଦିଆଯିବ । ଏହା ଉପରେ ଅଦାଲତ ହସ୍ତକ୍ଷେପ ନକରିବାକୁ ସେ ଅନୁରୋଧ କରିଛନ୍ତି ।
ଏହି କ୍ରମରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟ ସରକାରଙ୍କ ଖାଦ୍ୟ ଓ ଯୋଗାଣ ବିଭାଗ ପାଇଁ ଏକ ହ୍ୱାଟ୍ସଆପ ଚ୍ୟାଟବାଟ ଓ ଏକ ମୋବାଇଲ ଆପ୍ଲିକେଶନ ‘ଖାଦ୍ୟ ସାଥି’ର ବି ଶୁଭାରମ୍ଭ କରିଛନ୍ତି । ଏହି ଆପ୍ ମାଧ୍ୟମରେ ଲୋକମାନେ ରାସନ କାର୍ଡ ପାଇଁ ଆବେଦନ କରିପାରିବେ ।