କନକ ବ୍ୟୁରୋ : ପଶ୍ଚିମବଙ୍ଗରେ ଅନୁଷ୍ଠିତ ହୋଇଥିବା ୩ ଟି ବିଧାନସଭା ଆସନରେ ଭୋଟ ଗଣତି ଚାଲୁ ରହିଛି । ଦିନ ୧୨.୩୮ ସୁଦ୍ଧା ନିର୍ବାଚନ କମିଶନ ଦେଇଥିବା ଫଳାଫଳ ମୁତାବକ ୩ ଟି ଯାକ ବିଧାନସଭା ଆସନରେ କ୍ଷମତାଧାରୀ ଟିମସି ପ୍ରାର୍ଥୀ ଆଗରେ ରହିଛନ୍ତି । ସବୁଠାରୁ ବଡକଥା ଏହି ୩ ଟି ଆସନ ମଧ୍ୟରୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଭବାନୀପୁର ଆସନରୁ ପ୍ରାର୍ଥୀ ହୋଇଥିଲେ । ସେ ତାଙ୍କ ନିକଟତମ ପ୍ରତିଦ୍ୱନ୍ଦୀ ତଥା ବିଜେପି ପ୍ରାର୍ଥୀ ପ୍ରିୟଙ୍କ ତ୍ରିବୱାଲଙ୍କ ଠାରୁ ୩୪ ହଜାରରୁ ଅଧିକ ଭୋଟରେ ଆଗରେ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭବାନୀପୁର ଆସନ ଉପରେ ପୁରା ଦେଶର ନଜର ରହିଛି । କାରଣ ମମତା ବାନାର୍ଜୀ ଏହି ଆସନରୁ ପରାଜିତ ହେଲେ ତାଙ୍କ ମୁଖ୍ୟମନ୍ତ୍ରୀ ପଦ ରହିବ ନାହିଁ । ଏଣୁ ବିଜେପି ବି ମମତାଙ୍କୁ ହରାଇବାକୁ ପୁରା କଳବଳ କୌଶଳ ଲଗାଇ ଦେଇଥିଲା । ହେଲେ ମଧ୍ୟବର୍ତ୍ତୀ କାଳୀନ ଫଳାଫଳରୁ ଅନୁମାନ କରାଯାଉଛି କି ମମତା ତାଙ୍କ ପାରମ୍ପାରିକ ଆସନ ଭବାନୀପୁରରୁ ବିଜୟୀ ହୋଇ ପୁଣି ମୁଖ୍ୟମନ୍ତ୍ରୀ ପଦରେ ରହିବେ । ସେପଟେ ଅନ୍ୟ ଦୁଇଟି ଆସନରେ ମଧ୍ୟ ବିଜେପି ପଛରେ ପଡିଛି ।
ଅନ୍ୟପଟେ ଭୋଟ ଗଣତି ଚାଲିଥିବା ବେଳେ ନିର୍ବାଚନ ଆୟୋଗ ଏକ ଚିଠିଲେଖି ନିର୍ବାଚନ ଫଳାଫଳକୁ ନେଇ କୌଣସି ଉତ୍ସବ ପାଳନ ନକରିବାକୁ ନିର୍ଦ୍ଦେଶ ଦେଇଛନ୍ତି । ସମାଚାର ଏଜେନ୍ସି ଏଏନଆଇ ମୁତାବକ ଏହି ଚିଠିରେ ନିର୍ବାଚନ ଆୟୋଗ ସରକାରଙ୍କୁ ତାଗିଦ କରି କୌଣସି ଉତ୍ସବ ପାଳନ କରିବାକୁ ମନା କରିଛନ୍ତି ।
Election Commission writes to West Bengal Govt, asking it to ensure that no victory celebration/procession takes place during or after the counting of votes for by-elections; asks it to take all necessary steps to ensure that post-poll violence doesn’t happen
— ANI (@ANI) October 3, 2021
ଗୁରୁବାର ଦିନ ଉପନିର୍ବାଚନ ପାଇଁ ଅନୁଷ୍ଠିତ ହୋଇଥିବା ଭୋଟଗ୍ରହଣରେ ଭବାନୀପୁର ଆସନରେ ମୋଟ ୫୭ ପ୍ରତିଶତ ଲୋକ ଭୋଟ ଦେଇଥିଲେ । ଅନ୍ୟପଟେ ଶମସେରଗଂଜରେ ୭୯.୯୨ ଓ ଜଙ୍ଗିପୁରରେ ୭୭.୬୩ ପ୍ରତିଶତ ମତଦାନ ହୋଇଥିଲା ।