କନକ ବ୍ୟୁରୋ : ବିଜ୍ଞାନ ଇଣ୍ଟରନେସନାଲ ଜୁନିଅର କଲେଜରେ +୨ ପ୍ରଥମ ବର୍ଷର ନୂତନ ଛାତ୍ରଛାତ୍ରୀଙ୍କ ପାଇଁ ସ୍ୱାଗତ ସଭା ଅନୁଷ୍ଠିତ ହୋଇସାରିଛି । ଉକ୍ତ ସଭାରେ କଲେଜର ସମ୍ପାଦକ ଇଂ ସୁବ୍ରତ କୁମାର ମିଶ୍ର, ଅଧ୍ୟକ୍ଷ ଶ୍ରୀ ପ୍ରଫୁଲ୍ଲ କୁମାର ମିଶ୍ର, ଟ୍ରଷ୍ଟି ସଦସ୍ୟ ଶ୍ରୀମତି ଭୂମିକା ପାଣିଗ୍ରାହୀ ଓ ସମସ୍ତ ଅଧ୍ୟାପକ ଓ ଅଧ୍ୟାପିକା ଯୋଗ ଦେଇଥିଲେ ।

Advertisment

ଉକ୍ତ ସଭାରେ ବିକ୍ରମଦେବ ବିଶ୍ୱବିଦ୍ୟାଳୟର ଅଧ୍ୟାପକ ଡ଼ ମନୋରଞ୍ଜନ ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇ ଦୀପ ପ୍ରଜ୍ଜ୍ୱଳନ କରି ସଭାର ଶୁଭାରମ୍ଭ କରିଥିଲେ । ସମ୍ପାଦକ ଇଂ ସୁବ୍ରତ କୁମାର ମିଶ୍ର, ଅଧ୍ୟକ୍ଷ ଶ୍ରୀ ପ୍ରଫୁଲ୍ଲ କୁମାର ମିଶ୍ର ଓ ମୁଖ୍ୟ ଅତିଥି ଡ଼ ମନୋରଞ୍ଜନ ପ୍ରଧାନ ନୂତନ ଛାତ୍ରଛାତ୍ରୀଙ୍କୁ କିପରି ନିଜ ଭବିଷ୍ୟତ ଉନ୍ନତ କରି ଗଢ଼ି ତୋଳିବେ ଓ ଅଭିଭାବକମାନେ କିପରି ଏ ଦିଗରେ ଛାତ୍ରଛାତ୍ରୀଙ୍କୁ ସହଯୋଗ କରିବେ, ସେଥିଲାଗି ବିଭିନ୍ନ ଉଦାହରଣ ମାଧ୍ୟମରେ ମାର୍ଗଦର୍ଶନ କରିଥିଲେ । ଏହାପରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ସଭାଟି ଅତ୍ୟନ୍ତ ମନୋରମ ଭାବେ ସମ୍ପାଦିତ ହେଲା ।