ଓଜନ କମାଇବାକୁ ଚାହୁଁଛନ୍ତି କି? ଦ୍ୱିପହର ଖାଇବାରେ ସାମିଲ କରନ୍ତୁ ଏସବୁ ଖାଦ୍ୟ ।
କନକ ବ୍ୟୁରୋ: ଫିଟ୍ ରହିବା ମସସ୍ତଙ୍କ ପାଇଁ ଏକ ବଡ ଚ୍ୟାଲେଂଜ । ଏଥିପାଇଁ ବ୍ୟାୟାମ ସହ ଖାଦ୍ୟପେୟ ଉପରେ ଗୁରୁତ୍ୱ ଦେବା ନିହାତି ଜରୁରୀ । ବିଶେଷ କରି ଦ୍ୱିପହର ଖାଇବାରେ କିଛି ନିର୍ଦ୍ଦିଷ୍ଟ ଖାଦ୍ୟ ସାମିଲ କଲେ ଦ୍ରୁତ ଗତିରେ ମୋଟାପା କମିବାରେ ସାହାଯ୍ୟ କରେ ।
Kanak News is now on WhatsApp
Join and get latest news updates delivered to you via WhatsApp
କରୋନା ସମୟରେ ୱାର୍କ ଫ୍ରମ୍ ହୋମ୍ ନିୟମ ଲାଗୁ ହେବା ପରେ ଘରେ ବସି କାମ କରିବା ଯୋଗୁଁ ଅନେକଙ୍କ ଜୀବନ ଶୈଳୀରେ କିଛି ପରିବର୍ତ୍ତନ ହୋଇଛି । କାମର ଚାପ ମଧ୍ୟରେ ନିଜ ଖାଇବା ପିଇବା ଉପରେ ଅନେକ ଗୁରୁତ୍ୱ ଦେଇନଥାନ୍ତି । କେବଳ ଜଳଖିଆ ଓ ରାତ୍ରିି ଭୋଜନ ଉପରେ କିଛିଟା ଗୁରୁତ୍ୱ ଦିଅନ୍ତି । ସେମାନେ ଭାବନ୍ତି ଏହି ଦୁଇ ବେଳା ଭଲ ପୋଷଣ ଯୁକ୍ତ ଖାଦ୍ୟ ଖାଇଲେ ଫିଟନେସ୍ ବଜାୟ ରହିବ । କିନ୍ତୁ ଜାଣି ରଖନ୍ତୁ ସକାଳର ଖାଇବା ସହ ଦ୍ୱିପହରର ଖାଇବା ମଧ୍ୟ ଗୁରୁତ୍ୱପୂର୍ଣ୍ଣ । ଏଥିରେ ଆପଣ ପ୍ରୋଟିନ୍, କ୍ୟାଲୋରୀ, ଫାଇବର ଯୁକ୍ତ ଖାଦ୍ୟ ସାମିଲ କରିବା ନିହାତି ଜରୁରୀ ।
ତେବେ ଓଜନ କମାଇବାକୁ ଦ୍ୱିପହରର ଖାଦ୍ୟରେ କିଛି ନିର୍ଦ୍ଦିଷ୍ଟ ଖାଦ୍ୟ ସାମିଲ କଲେ ଓଜନ ଦ୍ରୁତ କମିବାର ନଜିର ମଧ୍ୟ ରହିଛି ।
ସନ୍ତୁଳା: ଭାରତୀୟ ଖାଦ୍ୟରେ ସନ୍ତୁଳା ଏକ ମୁଖ୍ୟ ଖାଦ୍ୟ । ସବୁ ପ୍ରକାର ପନିପରିବା ମିଶାଇ ସନ୍ତୁଳା ପ୍ରସ୍ତୁତ କରିବା ଅନେକଙ୍କ ଖାଦ୍ୟର ଏକ ମୁଖ୍ୟ ଅଂଶ । ଏଥିରେ ତେଲ ମସଲାର ବ୍ୟବହାର ଖୁବ କମ ବା ଆଦୌ ହେଉନଥିବାରୁ ଏହା ସ୍ୱାସ୍ଥ୍ୟପ୍ରଦ । ଏହାସହ ଲଂଚରେ ଶାଗ କିମ୍ବା ପତ୍ର ଜାତୀୟ ପରିବା ସାମିଲ କରିବା ଉଚିତ । ଏଥିରେ ଥିବା କ୍ୟାଲସିୟମ, ଆଇରନ୍ ଓ ଭିଟାମିନ୍ –ଏ ଭରପୁର ମାତ୍ରାରେ ଥିବାରୁ ଏହା ଶରୀରକୁ ଅନେକ ରୋଗରୁ ଦୂରେଇ ରଖେ ।
ଡାଲି: ଡାଲି ଜାତୀୟ ଖାଦ୍ୟ ଶରୀର ପାଇଁ ବେଶ ଲାଭପ୍ରଦ । ଡାଲିରେ ପ୍ରୋଟିନ୍, ଆଇରନ୍, ଜିଙ୍କ୍, ଭରପୁର ମାତ୍ରାରେ ରହିଥାଏ । ଡାଲି ଜାତୀୟ ଖାଦ୍ୟ ଶରୀରକୁ ପୋଷଣ ଯୋଗାଇବା ସହ ଶରରୀର ଆର୍ଦ୍ରତା ମଧ୍ୟ ବଜାୟ ରଖେ । ତେଣୁ ଲଂଚରେ ବିଭିନ୍ନ ପ୍ରକାର ଡାଲି ଜାତୀୟ ଖାଦ୍ୟକୁ ସାମିଲ କରିବା ଉଚିତ ।
ଦହି:ଦ୍ୱିପହର ଖାଦ୍ୟରେ ଦହିକୁ ସାମିଲ କରିବାକୁ ଭୁଲନ୍ତୁ ନାହିଁ । ଦହିକୁ ବିଭିନ୍ନ ଉପୟାରେ ଯେପରି ଦହି କଡି ହେଉ ବା ସାଲାଡରେ ହେଉ ବା ରାଇତା ଭାବେ ହେଉ ସାମିଲ କରିବା ଉଚିତ । କାରଣ ଦହି ଖାଇବା ଦ୍ୱାରା ଶରୀରର ମେଦ କମିବା ସହ ଚେହେରାରେ ଚମକ ମଧ୍ୟ ଆସିଥାଏ ।