କନକ ବ୍ୟୁରୋ : ୟୁକ୍ରେନ ରାଜଧାନୀ କିଭରେ ୱିକେଣ୍ଡ କର୍ଫ୍ୟୁ ହଟାଇ ଦିଆଯାଇଛି । ତେଣୁ ରେଳ ଷ୍ଟେସନକୁ ଛାତ୍ରଛାତ୍ରୀ ଆସିପାରିବେ ବୋଲି କୁହାଯାଇଛି । ରେଳ ଷ୍ଟେସନକୁ ଆସି ସେଠାରୁ ପରବର୍ତ୍ତୀ ଗନ୍ତବ୍ୟସ୍ଥଳକୁ ବାହାରି ପାରିବେ ବୋଲି କୁହାଯାଇଛି । ୟୁକ୍ରେନ ରେଳ ବିଭାଗ ପକ୍ଷରୁ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ପାଇଁ ସ୍ୱତନ୍ତ୍ର ଟ୍ରେନ ବ୍ୟବସ୍ଥା କରାଯାଇଛି ।
Weekend curfew lifted in Kyiv. All students are advised to make their way to the railway station for onward journey to the western parts.
Ukraine Railways is putting special trains for evacuations.— India in Ukraine (@IndiainUkraine) February 28, 2022
ସେପଟେ, ୟୁକ୍ରେନ ଉପରେ ଋଷିଆ ଆକ୍ରମଣର ଆଜି ହେଉଛି ୫ମ ଦିନ । ୟୁକ୍ରେନରେ ଚାଲିଛି ଘମାଘୋଟ ଯୁଦ୍ଧ । ଏହା ଭିତରେ କିଏ ବଙ୍କର, ଟର୍ଣ୍ଣେଲ ଓ ଅଣ୍ଡରଗ୍ରାଉଣ୍ଡ ମେଟ୍ରୋଷ୍ଟେସନରେ ଆଶ୍ରୟ ନେଉଛନ୍ତି ପୁଣି କିଏ ଦେଶ ଛାଡି ପଡୋଶୀ ଦେଶରେ ଆଶ୍ରୟ ନେଉଛନ୍ତି । ସଂଯୁକ୍ତ ରାଷ୍ଟ୍ର ଶରଣାର୍ଥି ହାଇକମିଶନ କହିଛି ୧ଲକ୍ଷରୁ ଅଧିକ ଲୋକ ବର୍ତମାନ ଅର୍ନ୍ତରାଷ୍ଟ୍ରୀୟ ସୀମା ପାର କରିସାରିଲେଣି । ଏହି ସଂଖ୍ୟା ପ୍ରତି ଘଂଟାରେ ବଢୁଚାଲିଛି ।
ଅଧିକାଂଶ ଲୋକ ପୋଲାଣ୍ଡ, ମୋଲଡଭରୀ, ହଲାଣ୍ଡ, ହଙ୍ଗେରୀ,ରୋମାନିଆ, ସ୍କୋଭିଆ,ଯାଉଛନ୍ତି । ତେବେ ୟୁକ୍ରେନରୁ ସବୁଠୁ ଅଧିକ ଲୋକ ପୋଲାଣ୍ଡା ମୁହାଁ ହେଉଛନ୍ତି । ୟୁକ୍ରେନର-ୁ ପୋଲାଣ୍ଡ, ୟୁକ୍ରେନ-ବେଲାରୁଷ ସୀମାଠୁ ଦୀର୍ଘ ୨୦କିଲୋମିଟର ପର୍ଯ୍ୟନ୍ତ ଟ୍ରାଫିକ ଭିଡ ଲାଗି ରହିଛି । ଯୁଦ୍ଧ ପ୍ରଭାବିତ ୟୁକ୍ରେନବାସୀଙ୍କ ପାଇଁ ଭିଜା ଫ୍ରି ଏଟ୍ରିଂ ଘୋଷଣା କରିଛି । ସୀମାରେ ଛିଡା ହୋଇ ୟୁକ୍ରେନବାସୀଙ୍କୁ ସ୍ୱାଗତ ଜଣାଇବା ସହ ଖାଦ୍ୟପାନୀୟ ଯୋଗାଉଛି ପୋଲାଣ୍ଡବାସୀ । ବର୍ତମାନ ସୁଦ୍ଧା ୨ଲକ୍ଷ ଲୋକ ୟୁକ୍ରେନ ଛାଡି ପଡୋଶୀ ଦେଶରେ ଶରଣ ନେଉଛନ୍ତି ।