ଆଗକୁ ଜାଡ଼ ! ଆସନ୍ତା ୫ ଦିନ ଖସିବ ରାତିର ତାପମାତ୍ରା; ପାଗ ଶୁଖିଲା ରହିବା ସହ ସାରା ରାଜ୍ୟରେ ଅନୁଭୂତ ହେବ ଶୀତ
ପାଣିପାଗ କେନ୍ଦ୍ର ଦେଲା ସୂଚନା
କନକ ବ୍ୟୁରୋ: ଆଗକୁ ଆହୁରି ବଢିବ ଶୀତ । ଆସନ୍ତା ପାଂଚ ଦିନ ପର୍ଯ୍ୟନ୍ତ ସାରା ରାଜ୍ୟରେ ଅଧିକ ଶୀତ ଅନୁଭୁତ ହେବ । ଏଥିସହ ପାଂଚ ଦିନ ପର୍ଯ୍ୟନ୍ତ ପାଗ ଶୁଣିଲା ରହିବା ସହ ତାପମାତ୍ରାରେ ହ୍ରାସ ପାଇବ ବୋଲି ପୁର୍ବାନୁମାନ କରିଛି ଭୁବନେଶ୍ୱରର ଆଂଚଳିକ ପାଣିପାଗ କେନ୍ଦ୍ର । ତାପମାତ୍ରାରେ ହ୍ରାସ ଘଟୁଥିବାରୁ ରାତିରେ ଅଧିକ ଶୀତ ଅନୁଭୂତ ହେବ ବୋଲି କହିଛନ୍ତି ପାଣିପାଗ କେନ୍ଦ୍ରର ଡ୍ୟୁଟି ଅଫିସର । ସେହିପରି ରାଜ୍ୟର ସୁନ୍ଦରଗଡ ଜିଲ୍ଲାରେ ସବୁଠାରୁ ଅଧିକ ଶୀତ ଅନୁଭୁତ ହେଉଥିବା ଜିଲ୍ଲା ରେକର୍ଡ କରାଯାଇଛି । ସୁନ୍ଦରଗଡ ଜିଲ୍ଲାର ସର୍ବନିମ୍ନ ତାପମାତ୍ର ୧୧.୦ ଡିଗ୍ରୀ ସେଲସିୟସ ଥିବା କହିଛି ପାଣିପାଗ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ୧୭ତାରିଖଠାରୁ ଶୀତ ବଢ଼ିବ। ରାତିର ତାପମାତ୍ରା ଆହୁରି କମିବ। ଏକାଧିକ ସ୍ଥାନରେ ତାପମାତ୍ରା ୧୦ ଡିଗ୍ରି ତଳକୁ ଖସି ଆସିବ। ଏବେ ଯେତିକି ତାପମାତ୍ରା ରହୁଛି, ତା’ଠାରୁ ୨ରୁ ୩ ଡିଗ୍ରି କମିବ ବୋଲି ଆକଳନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର। ପାଣିପାଗ କେନ୍ଦ୍ରର ସୂଚନା ଅନୁଯାୟୀ, ଏବେ ପାଗ ମୁଖ୍ୟତଃ ଶୁଖିଲା ରହିବ। ଆସନ୍ତା ୩ ଦିନ ଭିତରେ ଦାରିଙ୍ଗବାଡ଼ି ସମେତ ଦକ୍ଷିଣ ଓ ଆଭ୍ୟନ୍ତରୀଣ ଓଡ଼ିଶାରେ ରାତିର ତାପମାତ୍ରା ୨ରୁ ୩ ଡିଗ୍ରି ପର୍ଯ୍ୟନ୍ତ ହ୍ରାସ ପାଇବ। ଗତ ୨୪ଘଣ୍ଟାରେ ସୁନ୍ଦରଗଡ଼ରେ ସର୍ବନିମ୍ନ ତାପମାତ୍ରା ୧୧ ଡିଗ୍ରି ରେକର୍ଡ଼ କରାଯାଇଥିବାବେଳେ ଫୁଲବାଣୀରେ ୧୨, ଟିଟିଲାଗଡ଼ରେ ୧୩.୧, କେନ୍ଦୁଝରରେ ୧୪.୪, ଝାରସୁଗୁଡ଼ାରେ ୧୪.୬, କୋରାପୁଟରେ ୧୪.୬, ସମ୍ବଲପୁରରେ ୧୪.୮ ଡିଗ୍ରି ରହିଛି।
ଏ ବର୍ଷ ଶୀତ ଡେରିରେ ଆସିଥିଲେ ମଧ୍ୟ ପ୍ରକୋପ ଆଗକୁ ଆହୁରି ବଢ଼ିବ ଓ ପାରଦ ହ୍ରାସ ପାଇବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି। ଶୀତରୁ ମୁକ୍ତି ପାଇବା ପାଇଁ ଗ୍ରାମାଞ୍ଚଳରେ ଗାଁ ଦାଣ୍ଡ ଓ ରାସ୍ତା କଡ଼ରେ ନିଆଁ ଜଳାଇ ଚାରି ପାଖରେ ଲୋକେ ବସୁଥିବା ଦେଖିବାକୁ ମିଳିଛି। ଶୀତ ଯୋଗୁଁ ସକାଳୁଆ ଦୂରଦୂରାନ୍ତକୁ ଯିବା କଷ୍ଟକର ହେଉଛି।