ମାଡ଼ି ଆସୁଛି ପ୍ରଚଣ୍ଡ ତାତି: ମାର୍ଚ୍ଚରୁ ମେ ଯାଏଁ ସନ୍ତୁଳି ହେବ ଓଡ଼ିଶା, ସ୍ୱାଭାବିକ ତାପମାତ୍ରା ଠାରୁ ଢ଼େର ଉପରେ ରହିବ ପାରଦ: ପାଣିପାଗ ବିଶେଷଜ୍ଞ
କନକ ବ୍ୟୁରୋ: ମାଡ଼ି ଆସୁଛି ପ୍ରଚଣ୍ଡ ତାତି । ଚଳିତ ବର୍ଷ ଅତ୍ୟଧିକ ଗ୍ରୀଷ୍ମ ଲହରି ପ୍ରଭାବରେ ସନ୍ତୁଳିତ ହେବ ଓଡ଼ିଶା । ପ୍ରଚଣ୍ଡ ତାତି ପାଇଁ ସତର୍କ କଲା ପାଣିପାଗ ବିଭାଗ । ଚଳିତ ବର୍ଷ ମାର୍ଚ୍ଚରୁ ମେ ମାସ ମଧ୍ୟରେ ସୂର୍ଯ୍ୟଙ୍କ ପ୍ରକୋପ ଓଡ଼ିଶା ଉପରେ ଅଧିକା ରହିବ । ଏହି ତିନି ମାସରେ ସର୍ବାଧିକ ତାପମାତ୍ରା ସ୍ୱାଭାବିକ ଠାରୁ ଅଧିକା ରହିବ । ମେ ମାସ ପର୍ଯ୍ୟନ୍ତ ତାପମାତ୍ରାକୁ ନେଇ ଏଭଳି ପୂର୍ବାନୁମାନ କରାଯାଇଛି । ସୁଚନା ଅନୁସାରେ ମାର୍ଚ୍ଚରୁ ମେ ମାସ ମଧ୍ୟରେ ଉତର, ଉତର-ପଶ୍ଚିମ ଓ ଉତର ପୂର୍ବ ଭାରତର ଅଧିକାଂଶ ଅଂଚଳରେ ସର୍ବୋଚ୍ଚ ତାପମାତ୍ରା ସ୍ୱାଭାବିକ ଠାରୁ ଅଧିକା ରହିବ ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ, ଏଥିସହ କେନ୍ଦ୍ରିୟ ଭାରତର ପୂର୍ବ ଏବଂ ପଶ୍ଚିମଭାଗ ସମେତ ଉତର ଉପଦ୍ୱୀପ ଭାରତର ଉପକୂଳବର୍ତ୍ତି ଅଂଚଳର କିଛି ଅଂଶ ସ୍ୱାଭାବିକ୍ ତାପମାତ୍ରା ଠାରୁ ଅଧିକା ରହିବ । ଏହି କ୍ରମରେ ଆସନ୍ତା ୩ମାସରେ ଓଡ଼ିଶାର ତାପମାତ୍ରା ମଧ୍ୟ ଅଧିକା ରହିବ । କ’ଣ ପାଇଁ ମାର୍ଚ୍ଚରୁ ମେ ମାସ ପର୍ଯ୍ୟନ୍ତ ତାତି ବଢ଼ିବ ଏନେଇ ସୂଚନା ଦେଇଛନ୍ତି ପାଣିପାଗ ବିଶେଷଜ୍ଞ ଉମାଶଙ୍କର ଦାସ ।