ଆସନ୍ତାକାଲି ଟ୍ୱିନ୍ ସିଟିରେ ବର୍ଷା ସମ୍ଭାବନା । ଖୋର୍ଦ୍ଧା, କଟକ ସମେତ ୧୯ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କଲା ପାଣିପାଗ ବିଭାଗ ।
କନକବ୍ୟୁରୋ : ଆସନ୍ତାକାଲି ଟ୍ୱିନ୍ ସିଟିରେ ବର୍ଷା ସମ୍ଭାବନା । ଖୋର୍ଦ୍ଧା ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ଉପକୂଳଳ, ଉତ୍ତର ଓ ଆଭ୍ୟନ୍ତରୀଣ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ହେବାର ସମ୍ଭାବନା ରହିଛି । ଆଗାମୀ ୫ଦିନ ବର୍ଷା ହେବାର ସମ୍ଭାବନା ରହିଛି । ଆସନ୍ତାକାଲି ସକାଳ ସାଢ଼େ୮ଟାରୁ ୧୧ତାରିଖ ସକାଳ ସାଢ଼େ ୧୧ଟା ପର୍ଯ୍ୟନ୍ତ ୧୯ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ୨୪ଘଂଣ୍ଟାରେ ବିଜୁଳି ଘଡ଼ଘଡ଼ି ସହ ପ୍ରବଳ ବର୍ଷା ହେବାର ସମ୍ଭାବନା ରହିଛି । ୪୦ରୁ ୫୦କିଲୋମିଟର ବେଗରେ ପବନ ବହିବା ନେଇ ପାଣିପାଗ ବିଭାଗ ଆକଳନ କରିଛି । ମୟୁରଭଂଜ, କେନ୍ଦୁଝର, ବାଲେଶ୍ୱର, ଭଦ୍ରକ ଆଦି ଜିଲ୍ଲାରେ ପ୍ରବଳ ବର୍ଷା ହୋଇପାରେ । ଉପକୂଳ ଓଡ଼ିଶାରେ ଘଂଣ୍ଟା ପ୍ରତି ପବନର ବେଗ ୩୦ରୁ ୪୦କିଲୋମିଟର ରହିବ । ଆସନ୍ତାକାଲି ବାଲେଶ୍ୱର, ମୟୁରଭଂଜରେ ପବନର ବେଗ ମଧ୍ୟ ୩୦ରୁ ୪୦କିଲୋମିଟର ପ୍ରତି ଘଂଣ୍ଟା ରହିବ । ଏଥିରେ ଉପକୂଳ ସମେତ ଉତ୍ତର ଓଡ଼ିଶା ପ୍ରଭାବିତ ହେବ । ଏନେଇ ୯, ୧୦, ୧୧ତାରିଖ ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।