ଦେଢ଼ ଡିଗ୍ରି ଖସିଲା ପାରଦ, ୧୦ ଡିଗ୍ରି ତଳେ ୨ ସହର ! ସୋନପୁର ପାଲଟିଲା ରାଜ୍ୟର ସବୁଠୁ ଥଣ୍ଡା ସହର

କନକ ବ୍ୟୁରୋ: ଗତ ୨୪ ଘଣ୍ଟାରେ ରାଜ୍ୟର ସର୍ବନିମ୍ନ ତାପମାତ୍ରା ପ୍ରାୟ ୧ରୁ ଦେଢ଼ ଡିଗ୍ରି ପର୍ଯ୍ୟନ୍ତ ଖସିଛି। ରାଜ୍ୟର ୨ ସହରର ସର୍ବନିମ୍ନ ତାପମାତ୍ରା ୧୦ ଡିଗ୍ରି ତଳେ ଥିବା ରେକର୍ଡ ହୋଇଥିବା ବେଳେ ମୋଟ ୧୩ ସହର ତାପମାତ୍ରା ୧୫ ଡିଗ୍ରି ତଳେ ରହିଛି। ସୋନପୁରଠାରେ ରାଜ୍ୟର ସର୍ବନିମ୍ନ ରାତ୍ରି ତାପମାତ୍ରା ରେକର୍ଡ ହୋଇଛି। ଏଠାରେ ସର୍ବନିମ୍ନ ତାପମାତ୍ରା‌ ୯ ଡିଗ୍ରି ରେକର୍ଡ ହୋଇଛି। ଏଥିସହ ଦାରିଙ୍ଗବାଡ଼ିରେ ବି ସର୍ବନିମ୍ନ ତାପମାତ୍ରା ୯.୫ ଡିଗ୍ରି ରହିଥିଲା। ଅନ୍ୟପଟେ ଆହୁରି ୧୧ ସହର ତାପମାତ୍ରା ୧୫ଡିଗ୍ରି ତଳକୁ ଖସିଛି। ଉକ୍ତ ସ୍ଥାନଗୁଡ଼ିକ ହେଲା, ଅନୁଗୁଳ ୧୦.୬ ଡିଗ୍ରି, ଝାରସୁଗୁଡ଼ା ୧୩.୨ ଡିଗ୍ରି, ବାରିପଦା ୧୨.୪ ଡିଗ୍ରି, କେନ୍ଦୁଝର ୧୨.୦ ଡିଗ୍ରି, ଭବାନୀପାଟଣା ୧୨.୮ ଡିଗ୍ରି, ବଲାଙ୍ଗୀର ୧୪.୦ ଡିଗ୍ରି, କୋରାପୁଟ, ୧୩.୦ ଡିଗ୍ରି, ଫୁଲବାଣୀ ୧୧.୩ ଡିଗ୍ରି, ତାଳଚେର ୧୫.୦ ଡିଗ୍ରି, କଟକ ୧୪.୮ ଡିଗ୍ରି ଓ ସୁନ୍ଦରଗଡ଼ ୧୫.୦ ଡିଗ୍ରି। ଆସନ୍ତା ୪/୫ ଦିନରେ ରାଜ୍ୟର ସର୍ବନିମ୍ନ ତାପମାତ୍ରାରେ ସେମିତି କୌଣସି ବିଶେଷ ପରିବର୍ତନ ପରିଲକ୍ଷିତ ହେବ ନାହିଁ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି।