କନକ ବ୍ୟୁରୋ : କୁସ୍ତିଯୋଦ୍ଧାଙ୍କ ପ୍ରଦର୍ଶନକୁ ନେଇ ସାରା ଦେଶର ରାଜନୀତି ସରଗରମ ହୋଇଛି । ଧାରଣାରେ ବସିଥିବା କୁସ୍ତିଯୋଦ୍ଧାଙ୍କ ଉପରେ ପୋଲିସ ଦଙ୍ଗା ଆଧାରରେ ମାମଲା ରୁଜୁ କରିଛି । ଏବେ ପ୍ରଦର୍ଶନକାରୀ କୁସ୍ତିଯୋଦ୍ଧାମାନେ ଗଙ୍ଗାରେ ସେମାନେ ପାଇଥିବା ମେଡାଲ ବା ପଦକ ଭସାଇ ଦେବାକୁ ବାହାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି କିଛି ମହିଳା କୁସ୍ତିଯୋଦ୍ଧାଙ୍କ ତରଫରୁ କୁସ୍ତିସଂଘ ଅଧ୍ୟକ୍ଷ ବ୍ରିଜଭୂଷଣ ଶରଣ ସିଂଙ୍କ ନାମରେ ଉତ୍ପୀଡନ ଅଭିଯୋଗ ଆଣି ଏପ୍ରିଲ ୨୩ ତାରିଖରୁ ଧାରଣାରେ ବସିଛନ୍ତି । ଏହାରି ମଧ୍ୟ ପ୍ରଦର୍ଶନକାରୀ କୁସ୍ତିଯୋଦ୍ଧାମାନଙ୍କ ସହ ଖାପ୍ ପଞ୍ଚାୟତର ଆହ୍ୱାନରେ ନୂଆ ସଂସଦ ଭବନ ଉଦଘାଟନ ଦିନ ପୋଲିସ ବ୍ୟାରିକେଡ ଭାଙ୍ଗି ଜନ୍ତର-ମନ୍ତରରୁ ନୂଆ ସଂସଦ ଭବନ ପଟେ ଏକ ଶୋଭାଯାତ୍ରା ବାହାର କରିଥିଲେ । ଏଥିରେ ପୋଲିସ ସେମାନଙ୍କ ଅଟକାଇବାକୁ ଚେଷ୍ଟା କରିଥିଲା । ଫଳରେ ପୋଲିସ ଓ ପ୍ରଦର୍ଶନକାରୀଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା । ଏହାପରେ ପୋଲିସ ପ୍ରଦର୍ଶନକାରୀଙ୍କୁ ହେପାଜତକୁ ନେଇଥିଲା ।
ସେପଟେ ପୋଲିସ ବ୍ୟାରିକେଡ ଭାଙ୍ଗି ନୂଆ ସଂସଦ ଭବନ ଅଭିମୁଖେ ଯାତ୍ରା କରିବା ଅଭିଯୋଗରେ ପୋଲିସ ଜନ୍ତର- ମନ୍ତର ଠାରେ ଚାଲିଥିବା ପ୍ରଦର୍ଶନ ଉପରେ ରୋକ୍ ଲଗାଇଛି । ପୋଲିସ କହିଛି କି ଏବେ ସେମାନଙ୍କୁ ଅନ୍ୟ କୌଣସି ସ୍ଥାନରେ ପ୍ରର୍ଦର୍ଶନ କରିବାକୁ ଅନୁମତି ଦିଆଯିବ, ହେଲେ ଜନ୍ତର-ମନ୍ତର ଠାରେ ପ୍ରଦର୍ଶନ କରିବାକୁ ସେମାନଙ୍କୁ ଅନୁମତି ମିଳିବ ନାହିଁ ।