ବାରମ୍ବାର ସଚେତନତା ପରେ ବି ସୁଧୁରୁନାହାନ୍ତି ଗାଡିଚାଳକ । ଗାଡି ଚଳାଇବା ବେଳେ କିଏ ମୋବାଇଲରେ ଗପୁଛି ତ ଆଉ କିଏ ମନଇଚ୍ଛା ରାସ୍ତା ପାର ହେଉଛି

183

କନକ ବ୍ୟୁରୋ : ସଡ଼କ ସୁରକ୍ଷା ସପ୍ତାହ ଆରମ୍ଭ ହୋଇଛି। ଏଥିପାଇଁ କମିସନରେଟ୍ ପୁଲିସ ଓ ଭୁବନେଶ୍ବର ଆର୍ଟିଓ ପକ୍ଷରୁ ରାଜଧାନୀର ବିଭିନ୍ନ ସ୍ଥାନରେ ସଚେତନତା କାର୍ଯ୍ୟକ୍ରମ ହୋଇଛି। ସପ୍ତାହବ୍ୟାପୀ ବିଭିନ୍ନ କାର୍ଯ୍ୟକ୍ରମ ହେବ। ଉଦ୍ଦେଶ୍ୟ ଲୋକଙ୍କ ଟ୍ରାଫିକ ନିୟମ ବିଷୟରେ ସଚେତନ କରିବା, ପୁଲିସ ଓ ଆର୍ଟିଓର ବିଭିନ୍ନ ନିୟମ ବିଷୟରେ ସଚେତନ କରିବା, ଯେପରି ଦୁର୍ଘଟଣା ହେବନି କି ଦୁର୍ଘଟଣାଜନିତ ଧନଜୀବନ କ୍ଷତି ହେବନି ସେଥିପାଇଁ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା। ହେଲେ ରାଜଧାନୀର ଏମିତି କିଛି ଲୋକ ଅଛନ୍ତି ଯେଉଁମାନେ ଧରିନେଇଛନ୍ତି ଯେ, ସରକାର ଯେତେ ନିୟମ, ଯେତେ ସଚେତନତା ସୃଷ୍ଟି କଲେ ବି ନିୟମ ମାନିବେନି। ଏପରିକି ଗାଡ଼ି ଚଲାଇଲେ ନିୟମ ଭାଙ୍ଗିବେ ହିଁ ଭାଙ୍ଗିବେ। ଏଥିପାଇଁ ଜରିମାନା ଦେବାକୁ ପଡ଼ୁ କି ଦୁର୍ଘଟଣା ହେଉ ସେମାନଙ୍କର ଏଥିପାଇଁ ଟିକେ ବି ଖାତିର ନାହିଁ।

s

ରାଜଧାନୀର ବିିଭିନ୍ନ ସ୍ଥାନରେ ସଡ଼କ ସୁରକ୍ଷା ସପ୍ତାହ ପାଳନ ହୋଇଥିଲା। ମନ୍ତ୍ରୀ, ପ୍ରଶାସକ, ବରିଷ୍ଠ ପୁଲିସ ଅଧିକାରୀ ଯୋଗଦେଇ ଲୋକଙ୍କୁ ବିଭିନ୍ନ ପ୍ରକାରର ସଚେତନତା ବାର୍ତ୍ତା ଦେଇଥିଲେ। ହେଲେ ଅପରାହ୍ଣରେ ରାଜଧାନୀରେ ଗଣ୍ଡାଗଣ୍ଡା ନିୟମଖିଲାପକାରୀଙ୍କୁ ଦେଖିବାକୁ ମିଳିଥିଲା। କିଏ ରଙ୍ଗରୁଟରେ ଯାଉଥିଲା ତ କିଏ ବିନା ହେଲମେଟରେ। ଏପରିକି କେତେକ ବାଇକରେ ତିନିଜଣ ବସି ଯାଉଥିବା ଦେଖିବାକୁ ମିଳୁଥିଲା। ଏହାକୁ ଦେଖି ଲାଗୁଥିଲା ଯେମିତି କିଛି ଲୋକ ଶପଥ କରିନେଇଛନ୍ତି ଆମେ ନିୟମ ମାନିବୁନି।

Comments are closed.