ସୁବର୍ଣ୍ଣରେଖାରେ କମିଲା ଜଳସ୍ତର, ଟଳିଲା ବନ୍ୟା ବିପଦ : ରାଜଘାଟ ନିକଟରେ ବିପଦ ସଂକେତ ତଳେ ବହୁଛି ବନ୍ୟା ପାଣି
କନକ ବ୍ୟୁରୋ : ସୁବର୍ଣ୍ଣରେଖାରେ କମିଲା ଜଳସ୍ତର, ଟଳିଲା ବନ୍ୟା ବିପଦ । ରାଜଘାଟ ନିକଟରେ ବିପଦ ସଂକେତ ତଳେ ବହୁଛି ବନ୍ୟା ପାଣି । ବନ୍ୟା ପ୍ରକୋପରୁ ବର୍ତିଗଲା ବାଲେଶ୍ୱର, ଭୋଗରାଇ, ଜଳେଶ୍ୱର ବ୍ଲକର ଶତାଧିକ ଗାଁ ।ବାତ୍ୟା ୟାସ ପ୍ରଭାବରେ ଗତ ୩ଦିନ ଧରି ଝାଡ଼ଖଣ୍ଡ ଏବଂ ମୟୂରଭଂଜରେ ପ୍ରବଳ ବର୍ଷା ହୋଇଥିଲା । ଯାହା ପାଇଁ ବାଲେଶ୍ୱର ଜିଲ୍ଲା ଦେଇ ପ୍ରବାହିତ ହେଉଥିବା ସୁବର୍ଣ୍ଣରେଖା ନଦୀର ଜଳସ୍ତର ବୃଦ୍ଧି ପାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଝାଡ଼ଖଣ୍ଡର ଗାଲୁଡିହି ବ୍ୟାରେଜରୁ ଗତକାଲି ୩ଲକ୍ଷ କ୍ୟୁସେକ ପାଣି ନିଷ୍କାସନ କରାଯିବା ଫଳରେ ସୁବର୍ଣ୍ଣରେଖା ନଦୀର ଜଳସ୍ତର ବୃଦ୍ଧି ପାଇଛି । ସୁବର୍ଣ୍ଣରେଖା ନଦୀର ରାଜଘାଟ ନିକଟରେ ବିପଦ ସଂକେତ ୧୦ ଦଶମିକ ୩୬ ମିଟର ଥିବା ବେଳେ ଜଳସ୍ତଳ ଏବେ ୮ ଦଶମିକ ୯୬ ମିଟରରେ ପ୍ରବାହିତ ହେଉଛି । ହେଲେ ଗତକାଲି ରାତି ଗୋଟାଲ ସମୟରେ ଜଳସ୍ତର ବଢ଼ି ୯ ଦଶମିକ ୩୪ ମିଟର ଥିଲା । ଏହା ପରଠାରୁ ଜଳସ୍ତର କମିବାରେ ଲାଗିଛି ।
ଯଦି ନଦୀର ଜଳସ୍ତର ବଢ଼ିଥାନ୍ତା ତେବେ ବାଲେଶ୍ୱର, ଭୋଗରାଇ, ଜଳେଶ୍ୱର ବ୍ଲକର ଶତାଧିକ ଗାଁରେ ବନ୍ୟା ପାଣି ମାଡ଼ିଯିବାର ଆଶଙ୍କା ଥିଲା । ବଢ଼ୁଥିବା ଜଳସ୍ତରକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ତଳିଆ ଅଂଚଳର ଲୋକମାନଙ୍କୁ ସୁରକ୍ଷିତ ସ୍ଥାନକୁ ଯିବା ପାଇଁ ଡାକବାଜି ଯନ୍ତ୍ର ମାଧ୍ୟମରେ ପ୍ରଚାର କରାଯାଇ ସତର୍କ କରାଯାଇଥିଲା । ମାତ୍ର ଜଳସ୍ତର କମୁଥିବାରୁ ବନ୍ୟା ନଆସିବାର ଆଶଙ୍କା କରାଯାଉଛି ।